ভারতনা মেল্মগী ইন্নোভেসন ইন্দেক্স ২০২৪দা অচৌবা খোঙফম অমা কন্দুনা মালেমগী শেন্মিৎলোন ১৩৩গী মরক্তা ৩৯শুবা মফম কনবা ঙমখ্রে। খোঙথাং অসিনা ভারতনা মতীক মপাঙ্গল লৈবা পোলিসী শেম্বা, রিসর্চ অমসুং দিবেলপমেন্ততা ইনভেস্ত তৌবা অমসুং স্তার্ত অপ অমসুং ইন্দস্ত্রীশিংদা অপুনবগী ওইবা এনভাইরোন্মেন্ত অমা পুরক্নবা হোৎনরিবসি তাকপা ঙম্লে। লৈবাক অসিগী খুমাং চাউশিল্লক্লিবা ইন্নোভেসনগী শক্তি অসি লৈঙাক অসিগী তেক্নোলোজী চাউখৎনবা হোৎনবা, লল্লোন ইতীক লাইহনবা অমসুং ওন্ত্রপ্রিনরশিপতা মরুওইবা থম্লিবা খোঙথাংশিং অসিনা শৌগৎলি। অসিগুম্বা অচৌবা মায় পাকপা কয়া অসিনা ভারতনা অনৌবা তেক্নোলোজীগী অমসুং সাইন্তিফিক ওইবা মওংদা মালেমগী ইন্নোভেসনগী লুচিংবা অমা ওইনা হৌগৎলক্লিবগে হায়বদু তাকপা ঙম্লে।

ভারতকী ইনোভেসনগী খোঙচৎঃ মোং হাদনা চঙশিনবা

চহি তরারোম অসিদা, ভারতনা GII রেঙ্কিংদা ২০১৫দা ৮১শুবা ফমদা লৈরম্বদগী ২০২৪দা ৩৯শুবা ফমদা হাইগৎলক্লে। অসুম্না তপ্না হাইগৎলকপনা লৈবাক অসিনা তোঙান-তোঙানবা সেক্তরশিংদা লৈঙাক্না শৌগৎতুনা অমসুং ইন্তেলেকচুএল প্রোপর্তী ফ্রেমৱার্ক মপাঙ্গল লৈহন্দুনা ইন্নোভেসন শেমগৎলিবসিবু তাকপা ঙম্লে। প্রধান মন্ত্রী নরেন্দ্র মোদীনা ভারতপু GII রেঙ্কিংদা হাইগৎলকপা অসিবু "মশক থোকপা খোঙথাং অমনি" হায়না শিংথাখি।  মহাক্না ফোংদোকখি মদুদি অসিগুম্বা মায় পাকপা অসিনা লৈবাক অসিগী নহাশিংবু অহোংবা পুরকপা ঙম্বা মশক থোকপা ইন্নোভেসনগী ইকোসিস্তেম অমা পুরকপা ঙম্লে হায়বদু তাক্লে।

অসিগুম্বা মায় পাকপা অসিনা লৈবাক অসিনা সেন্ত্রেল অমসুং খা থংবা এসিয়াগী শেন্মিৎলোনশিংগী মনুংদা ১বা মফমদা লৈবা অমসুং অনেম্বা-ময়াই ওইবা চাগাগী শেন্মিৎলোন্দা ১বা মফমদা লৈবা তাক্লে। মখা তানা, ভারতনা মুম্বাই, দিল্লী, বেঙ্গলুরু, অমসুং চেন্নৈগুম্বা শহরশিংনা মালেমগী মকোক থোংবা S&T ক্লস্তর ১০০ গী মনুংদা লৈদুনা ৱার্ল্দ ইন্তেলেকচুএল প্রোপর্তী ওর্গানাইজেসন (WIPO) সাইন্স এন্দ তেক্নোলোজী (S&T) ক্লস্তর রেনিংদা মালেমগী ওইনা ৪শুবা মফমদা লৈরে। মসিগী মথক্তা, ভারতনা মালেমগী ওইনা তেঞ্জিবল এসেত ইন্তেন্সিতীদা ৭শুবা মফমদা লোইরি অমসুং ইন্নোভেসন আউৎপুত্তা ৩৩শুবা মফমদা লৈদুনা মশক থোকপা মফম কল্লি। অসিগুম্বা মওংদা শকখঙবীবা অসিনা ভারতনা মখা তানা তোঙান-তোঙানবা সেক্তরশিংদা ইন্নোভেসনগী মকোক থোংলি হায়বা তাক্লে।

GII গী ২০২৪গী ইদিসন্দা, স্বিতজর্লেন্দ, স্বেদেন, য়ুনাইতেদ স্তেতস সিঙ্গাপোর, অমসুং য়ুনাইতেদ কিংদম্না মালেমগী ইন্নোভেতিব একনোমিশিংদা মকোক থোংলি। অদুবু ভারতনা চাইনা, তর্কি, ভিএত্নাম অমসুং ফিলিপিন্সকা লোইননা, ইন্নোভেসনগী লমদা হৌখিবা চহি তরারোম অসিদা খ্বাইদগী য়াঙবা শেন্মিৎলোনশিংগী মরক্তা চনবা ঙম্লি।

গ্লোবেল ইন্নোভেসন ইন্দেক্স (GII) অসি ২০০৭দা ইন্সিদ হায়বা য়াম্না মশক থোকপা বিজিনেস স্কুল অমসুং ৱার্ল্দ বিজিনেস হায়বা ব্রিতিশ মেগাজিন অমগগী ওইবাঅপুনবা খোঙথাংগা লোইননা হৌদোকখি। মসিনা মালেমগী শেন্মিৎলোন ১৩৩ গী পার্ফোরমেন্স ত্রেক তৌদুনা মালেমগী ইন্নোভেসন হোৎতুনা তাক্লি। গ্লোবেল ইন্নোভেসন ইন্দেক্সনা মালেমগী ইন্নোভেসন ত্রেন্দশিং চার্ত তৌদুনা পোলিসী মেকরশিংবু লমজিংদুনা অমসুং মীওইবগী পুন্সি ফগৎনবা অমসুং ক্লাইমেত চেঞ্জ য়াওনা খুদোংচাদবশিং থেংনদুনা সেবা তৌরক্লি।

মরুওইবা থৌরাংশিং

ভারতনা গ্লোবেল ইন্নোভেসন ইন্দেক্স (GII) দা ৱাংখৎলক্লিবা অসিনা লৈবাক অসিনা চাউখৎলকপগী মশক তাকপদা নত্তনা মালেমগী ইন্নোভেসনগী হব অমা ওইনা হৌগৎলকপবুসু তাক্লি। স্তার্ত অপ ইন্দিয়া, দিজিতেল ইন্দিয়া অমসুং অতল ইন্নোভেসন মিসনগী থৌরাংশিংগা লোইননা, ভারত সরকারনা লেপ্পা লৈতনা ওন্ত্রপ্রিনরশিপ, রিসর্চ অমসুং তেক্নোলজীগী খুমাং চাউশিনবশিং হেনগৎনবা হোৎনরক্লি। স্তার্ত ইন্দিয়া অসি ওন্ত্রপ্রিনরশিপ শেমগৎনবা, স্তার্ত অপকী মতীক লৈবা ইকোসিস্তেম অমা শেম্নবা অমসুং ভারতপু থবক থিবদগী হেন্দোক্তুনা থবক পীবা ঙম্বা লৈবাক অমা ওইহন্নবা হৌদোকখি। অসিগুম্বা থৌরাঙ্ঘসিং অসিদা হৌগৎলক্লিবা ওন্ত্রপ্রিন্যুরশিপ শৌগৎনবা থৌরাংশিং য়াওরি। হায়রিবা থৌরাংশিং অসি স্তার্ত অপ ইন্দিয়া তীম্না দিপার্ত্মেন্ত ওব প্রোমোসন ওব ইন্দস্ত্রী অমসুং ইন্তর্নেল ত্রেদ (DPIIT) দা রিপোর্ত পীদুনা হোৎনরি। সেপ্তেম্বর ৩০, ২০২৪ ফাওবদা, DPIIT না হৌনবী মতুং ইন্না স্তার্ত অপ এন্তাইতী ১,৪৯,৪১৪ শকখঙখ্রে।

দিজিতেল ইন্দিয়া হায়বসি লৈঙাক অসিগী য়াম্না মরুওইবা ভারতপু দিজিতেলগী লমদা য়াম্না লিংবা লৈবাক অমা ওইহন্নবা থৌরাং অমনি। দিজিতেল ইন্দিয়া প্রোগ্রাম অসি মরুওইবা হীরম অহুমদা মীৎয়েং চঙলিঃ দিজিতেল ইনফ্রাস্ত্রকচরনা মীয়ামগী কোর য়ুতিলিতী ওইবা, গবর্নান্স অমসুং সর্ভিস ওন দিমান্দ, দিজিতেল এম্পাৱরমেন্ত ওব সিতিজেন।

তেক্নোলোজীনা পুরকপা স্তার্ত অপ ইন্নোভেসন ইকোসিস্তেম শেমগৎনবা খোংথাংশিং

২০১৬দা লিংখৎখিবা অতল ইন্নোভেসন মিসন (AIM) অসি ভারত সরকারনা ইন্নোভেসন অমসুং ওন্ত্রপ্রিন্যুরশিপ লৈবাক শীনবা থুংনা শেমগৎনবা হৌদোকখি। AIMনা খুদোংচাদবা কোকহন্নবা অমসুং ইনোভেতিব ওইবা স্কুল লিংখৎনবা অমসুং য়ুনিভর্সিতীশিংদা ওন্ত্রপ্রিন্যুরশিপ, রিসর্চ ইন্সতিত্যুসন শেমগৎনবা, অমসুং প্রাইবেত অমসুং MSME সেক্তর শেমগৎনবা হৌদোকখি। হৌজিক ফাওবদা AIMনা লৈবাক অসিদা লৈরিবা স্কুলশিংদা  অতল তিঙ্করিং লেব ১০,০০০ হেন্না হাংদোকখ্রে, অতল ইঙ্ক্যুবেসন সেন্তরশিংদা স্তার্ত অপ ৩৫০০ হেন্না হাংদোকখ্রে অমসুং ইকোসিস্তেম অসিদা থবক ৩২০০০ হেন্না শেমখ্রে।

হায়রিবা প্রোগ্রামশিং অসিনা লেপ্পা লৈতনা ইন্নোভেসনগী ইনফ্রাস্ত্রকচর শেমগৎপগা লোইননা চাউখৎনবগী মরুওইবা মচাক ওইদুনা লাক্লি। ভারতনা মাংজিল থানা চঙশিল্লকপগা লোইননা, ইনফ্রাস্ত্রকচর ফগৎহনবা, ইন্তেলেকচুএল প্রোপর্তী রাইত ঙাকপা অমসুং মীয়াম-প্রাইবেত কোলাবোরেসন ফগৎনবা হোৎনরক্লি। হায়রিবা থবকশিং অসিনা ভারতনা ইন্নোভেসনগী লমদা শেন্মিৎলোন চাউখৎপগা লোইননা খুনাই চাউখৎনবগী হীরমদা অথোই অহেন তান্নবগী মায়কৈদা চঙশিনবা হেন্না ঙম্লগনি।

ৱারোইশিন

ভারতনা গ্লোবেল ইন্নোভেসন ইন্দেক্স ২০২৪দা মশক থোকপা পার্ফোরমেন্স পীরিবসি ইন্নোভেসনবু শেন্মিৎলোন অমসুং মালেমগী অথোই অহেন তান্নবগী লমদা মরুওইবা মচা অমা ওইনা লৌবা অসিননি হায়বদা হায়মনবা থোক্লোই। লৈবাক অসিনা খোঙজেল য়াঙনা রেঙ্কিংদা হাইগৎলক্লিবা অসিনা তেক্নোলোজীগী খুমাং চাউশিনবা, রিসর্চ অমসুং দিবেলপমেন্ত অমসুং ওন্ত্রপ্রিন্যুরশিপতা পুক্নিং থৌগৎপা ইকোসিস্তেম অমা শেমগৎপননি হায়বসি তাক্লে। মাংজিল থানা য়েংবদা, ভারতনা ইন্নোভেসন্দা হনবা লৈতনা চঙশিনবনা লৈবাক অসিনা মালেমগী তেক ইন্দস্ত্রীদা অপুনবা চাউখৎপা পুরকপগা লোইননা পাকথোক চাউথোক্নবা হোৎনবদা য়াম্না মরুওইবা খোঙথাং ওইগনি। পোলিসী সপ্পোর্ত পীবগা লোইননা, তেলেন্ত পুল শেমগৎপনা ভারতনা অনেম্বা অমসুং ময়াই ওইবা চাগা লৈবা শেন্মিৎলোনশিংদা লুচিংবা ঙম্বদা নত্তনা মালেমগী ইন্নোভেসনগী শক্তি লৈরবা লৈবাক অমা ওইদুনা ইন্দস্ত্রীগী তুংলমচৎ মালেম পুম্বদা অহোংবা পুরকপা ঙম্বা লৈবা অমা শোইদনা ওইবা ঙমগনি।

রিফরেন্স

https://x.com/PiyushGoyal/status/1839326071541641685/photo/1

https://www.niti.gov.in/social-sector-indices

https://pib.gov.in/PressReleaseIframePage.aspx?PRID=2059710#:~:text=Prime%20Minister%20Shri%20Narendra%20Modi%20has%20hailed%20India%20rising%20to,the%20Global%20Innovation%20Index%202024.

https://www.newsonair.gov.in/india-rises-to-39th-place-in-global-innovation-index-2024-among-133-economies/

https://ddnews.gov.in/en/india-climbs-one-position-to-39th-rank-in-global-innovation-index-2024/

https://x.com/PIB_India/status/1839945701566140823

https://www.startupindia.gov.in/content/sih/en/about-startup-india-initiative.html

https://aim.gov.in/overview.php

 PDF দাউনলোদ তৌনবা মফমসিদা নম্বীয়ু।

***************

(Release ID: 2060469) Visitor Counter : 10