দিভেলপমেন্ত ওফ দি নোর্থ ইস্তর্ন রীজন মন্ত্রালয় (MDoNER)না ঙসি বেঙ্গলুরুদা নোর্থইস্ত ত্রেদ এন্দ ইনভেস্তমেন্ত রোদসো মায় পাক্না পাঙথোকখ্রে‍। থৌরম অদু য়াম্না পুক্নিং থৌগৎনিংঙাই ওইবা মওংদা হৌদোকখি, মীয়ামগী পুক্নিং নিংথিনা চিংশিনখি অমসুং মীওই মশিং য়াম্না শরুক য়াখি‍। থৌরম অদুদা মন্ত্রালয়গী অমসুং অৱাং নোংপোক স্তেত নিপান্দগী মকোক থোংবা লৈঙাক্কী ওফিসিএলশিংগা লোয়ননা ইকায়খুম্নরবা কম্ম্যুনিকেসন অমসুং MDoNER মন্ত্রীনা শরুক য়াখি‍।

ইকায়খুম্নরবা মন্ত্রী শ্রী জ্যোতিরঅদিত্য এম. সিন্দিয়ানা অৱাং-নোংপোক লমদমদা লৈরিবা অচৌবা মতিংবু পুথোক্তুনা থম্বগা লোয়ননা, লমদম অসিদা বিক্সিত ভারতকী অচৌবা তুংলমচৎ লৈরি হায়খি‍। ইকায়খুম্নরবা প্রধান মন্ত্রীগী মীৎয়েঙ শান্বা লুচিং মখাদা, অৱাং-নোংপোক লমদম্না ভারত লৈঙাক্কী মীৎয়েঙফম ওইরি, মসিনা মরম ওইরগা এক্ত ইস্ত পোলিসী, UNNATI অসিনচিংবা তোঙান তোঙানবা থৌরাংশিং লমদম অসিদা মপুং ফাবা চাউখৎপা পুরক্নব  গীদমক পায়খৎলি হায়না মহাক্না ফোঙদোকখি‍। মখা তানা, রেল, লম্বী, নোংথক, ঈশিং লম্বী অমসুং তেলুকম্ম্যুনিকেসনগী লমদমবু ওইরবসু লমদম অসোমদা কন্নেক্তিবিতীগী মপাঙ্গল কনখৎহন্নবা ভারত লৈঙাক্না থৌরাং কয়া পায়খৎলি‍। লমদম অসিদা ফন্দ চঙলকপগী চাং হৌখিবা চহি তরাসিদা হায়নিংঙাই লৈতনা হেনগৎলে হায়বা ৱাফমসু মহাক্না পনখি‍। লমদম অসিদা লৌউ-শিংউ, হকশেলো IT & ITeS, মহৈ মশিং, তুরিজম, অমসুং হোস্পিতালিতী; ইনর্জী; এন্তরতেনমেন্ত অমসুং শান্ন-খোৎনবগী অচৌবা মতিং লৈ হায়না মহকা্না হায়খি‍। অৱাং-নোংপোক অসি শান্ন-খোৎনবগী লমদা, মরুওইনা বোক্সিং, আর্চরী, অমসু ফুতবোলগী লমদা লৈবাক্কী অমসুং মালেমগী থাক্তা মীথোয় মীহেন্বা কয়া ওইরক্তুনা অঙকপা ফংনা হৈথোই শিংথোইরবা শান্নরোয়শিংগী লমদম্নি‍। ভারত লৈঙাক্না হায়রিবা মতিংশিং অসিবু লোকশিন্নবা রীজনেল স্পোর্তস লীগশিং য়োকখৎনবা পান্দম থম্লি‍। তুরিজমগী লমদা, অৱাং নোংপোক্কী স্তেত খুদিংমক মনি অমমম্নি‍। MDoNER না অৱাং নোংপোক লমদমদা মালেমগী থাক্কী ইনফ্রাস্ত্রকচর শেমগৎনবা খোঙফম চেৎনা লেপ্লি‍। বেঙ্গলুরুনা ভারতকী সিলিকোন ভেলী ওইবগা লোয়ননা অৱাং নোংপোক লমদমদা IT হব, মচিন তুমখৎলক্লিবা তেক্নোলোজীশিংগী সেন্তর ওফ এক্সেলেন্স, অমসুং দেতা এনালাইতিক্সনচিংবগী খুদোংচাবা অসিনচিংবা IT & ITeS সেক্তরদা থবক পায়খৎনবগী খুদোংচাবা কয়া লৈ হায়না মহাক্না হায়খি‍।

শ্রী চঞ্চল কুমার, MDoNERগী সেক্রেতরীনা, তিল্লিবা মীয়ামদা ৱা ঙাংলদুনা, স্তেত নিপানমক্না ইকায়খুম্নরবা প্রধান মন্ত্রীগী এক্ত ইস্ত পোলিসী থৌরাংগী মখাদা তোপ তোপ্পা খুদোংচাবশিং পীরি হায়খি‍। হৌখিবা চহি ১০সিদা, অৱাং নোংপোক লমদমগী কন্নেক্তিবিতী শরুক কয়া হেনগৎলে‍। লমদম অসসিদা ইনভেস্তরশিংদা মতেঙ ওইগদবা ইনেব্লিং এনভাইরনমেন্তকী ইকোসিস্তেম লৈ‍। মখা তানা, MDoNER লোয়ননা অৱাং নোংপোক স্তেতশিংগী লৈঙাকশিংনা লমদম অসিদা চঙলকপা ইনভেস্তরশিংদা মথৌ তাবা ঙাক্লৌ পীননবা খোঙফম চেৎনা লেপ্তুনা লৈরি হায়না মহাক্না ফোঙদোকখি‍।

মিস মোনালিসা দাস, MDoNERগী জোইন্ত সেক্রতরীনা অৱাং নোংপোক্কী খুদোংচাবা অমসুং ইনভেস্তমেন্ত অমদি ত্রেদকী খুদোংচাবশিংগী মতাঙদা পীখিবা মহাক্কী ৱারোলদা, অৱাং নোংপোক লমদমদা লোকশিনদ্রিবা অচৌবা মতিং লৈ হায়বা ৱাফম থমখি‍। হৌখিবা দেকেদ অসিদা, লৈঙাক্না মশিং য়াম্লবা পন্দুনা লৈরম্বা প্রোজেক্তশিং মায় পাক্না লোইশিন্দুনা লমদমদুগী মীয়ামশিং অমসুং মীওই মিলিয়ন কয়াদা তোঙান তোঙানবা স্কীরম/থৌরাংশিংগী খুত্থাঙদা কান্নবা ফংহনখ্রে‍। মহৈ মশিং, হকশেল, তুরিজম, IT&ITeS, ইনর্জী, শান্ন-খোৎনবনচিংবা তোঙান তোঙানবা সেক্তরশিংদা লমদম অসিদা লৈরিবা খুদোংচাবশিংবুসু মহাক্না ফোঙদোকখি‍। MDoNERনা ইনভেস্তমেন্তকী খুদোংচাবশিং ফংহন্নবা অমসুং লমদম অসিগী ইনভেস্তমেন্ত ইকোসিস্তেম হেন্না ফগৎহন্নবা খোঙফম চেৎনা লেপ্লি হায়না মহাক্না হায়খি‍।অৱাং নোংপোক লমদম অসি স্ত্রেতেজিক ওইবা ইনভেস্তমেন্তকা লোয়ননা চাওখৎপা ঙম্লক্কনি হায়না চপ চানা থাজবা লৈ, অমসুং তোঙান তোঙানবা সেক্তরশিংদা লুচিংবা অমা ওইনা থোরক্তুনা লমদমদুগী মীয়াম অমসুং মপুং ওইনা লৈবাকসিগী কান্নবা পুরকপা ঙমগনি‍।

অৱাং নোংপোক স্তেতশিংগী লৈঙাক্কী ওফিসিএলশিং, লোয়ননা FICCI (ইন্দস্ত্রী পার্ত্নর), অমসুং ইনভেস্ত ইন্দিয়া (ইনভেস্তমেন্ত ফেসিলিতেসন পার্ত্নর)গী মীহুৎশিংনা মীৎয়েঙ থম্লিবা সেক্তরশিংদা মখোয়গী মমল নাইদ্রবা ৱাখল্লোনশিং থমখি‍। স্তেত খুদিংমক্না মখোয় মখোয়গী ওইবা তোপ তোপ্পা ইনভেস্তমেন্তকী ওইথোকপা য়াবশিংগী মপুং ফাবা শক্তম ময়ামগী মফমদা থমখি‍। থৌরম অদুদা মশিং য়াম্লবা মাঙজিল থাবা বিজিনেসশিংনা ইচঙ থৌনা শরুক য়াদুনা লমদম অসিগী ইনভেস্তমেন্ত লেন্দস্কেপ্তা লৈরিবা অকন্বা ইন্তরেস্ত উৎখি‍।

অৱাং নোংপোক লমদম্না ASEAN শেন্মিৎলোন্দা লায়না চঙবা য়াহনবগা লোয়ননা স্ত্রেতেজিক ওইবা মফম অমগীদমক চাউথোক্না লেপ্তুনা বিজিনেসশিংদা শেন্দোং লৈবা খুদোংচাবশিং পীরি‍। ইনফ্রাস্ত্রকচর দিভেলপমেন্তকী থবকশিং খোঙলৈ থুনা পায়খৎলি, অনৌবা তেক্নোলোজী হব অমসুং ইন্দস্ত্রিএল পার্কশিং শেমগৎপগা লোয়ননা লমদম অসিগী বিজিনেসকী মতিংবু মখা তানা হেনগৎহল্লি‍।

সম্মিত অসিগী শরুক অমা ওইনা, অসাম, ত্রিপুরা, মিজোরম, মেঘালয়, সিক্কিম, অমসুং নগালেন্দ য়াওনা তোঙান তোঙানবা স্তেতশিংগা লোয়ননা রাউন্দতেবল থৌরম কয়া মায় পাক্না পাঙথোকখি‍। মুম্বাই, হায়দরবাদ, অমসুং কোলকতাদা পাঙথোকখিবা মমাঙগী রোদশোশিংদা পুক্নিং থৌগৎনিংঙাই ওইবা মওংদা শরুক য়ানখি, অদুগা ভাইব্রেন্ত গুজরাত্তা পাঙথোকখিবা স্তেত সেমিনারনা মতিং লৈবা ইনভেস্তরশিংগী পুক্নিং নিংথিনা চিংশিনবা ঙমখি‍।

বেঙ্গলুরু রোদসোনা ইনভেস্তরশিংদা শিংথানিংঙাই ওইবা চাংদা ইন্তরেস্ত পোকহনখি‍। অওনবা পুরক্কদবা থৌরম অমা ওইগনি হায়না থাজবগা লোয়ননা, বেঙ্গলুরুদা পাঙথোকখিবা রোদসো অসিদা অসাম, অরুনাচল প্রদেশ, ত্রিপুরা, মিজোরম, মনিপুর, মেঘালয়, সিক্কিম, অমসুং নগালেন্দ হায়রিবা অৱাং নোংপোক স্তেতশিংদা ইনভেস্তরশিংদা শেল থাদনবগী ইন্তরেস্ত পোকহনখিবা য়াম্লবা B2G মীফমশিংসু পাঙথোকখি‍।

*****

(Release ID: 2059329) Visitor Counter : 20