23 થી 29 સપ્ટેમ્બર 2024 સુધી એક સપ્તાહ લાંબી મુલાકાત માટે ગુજરાતના 07 મીડિયાકર્મીઓનું એક મીડિયા પ્રતિનિધિમંડળ આજે ગુવાહાટી પહોંચ્યું છે. આ મુલાકાત માહિતી અને પ્રસારણ મંત્રાલય, ભારત સરકાર અંતર્ગત, પ્રેસ ઇન્ફોર્મેશન બ્યુરો (PIB), અમદાવાદ દ્વારા PIB ગુવાહાટીના સહયોગથી આયોજિત મીડિયા ટૂરનો એક ભાગ છે.

પ્રવાસ દરમિયાન, મીડિયાકર્મીઓ આસામના રાજ્યપાલ શ્રી લક્ષ્મણ પ્રસાદ આચાર્યને મળવા સહિત કેન્દ્ર સરકારના અનેક મહત્વપૂર્ણ પ્રોજેક્ટ્સની મુલાકાતો સાથે આસામના સામાજિક, આર્થિક અને સાંસ્કૃતિક માળખાની શોધ કરશે. પ્રતિનિધિમંડળના પ્રવાસ કાર્યક્રમમાં કાઝીરંગા નેશનલ પાર્ક, નુમાલીગઢ રિફાઈનરી લિમિટેડ, સ્ટેચ્યુ ઓફ લાચિત બોરફૂકનનું નિર્માણાધીન સ્થળ, યુનેસ્કોની વર્લ્ડ હેરિટેજ સાઈટ ચરાઈડિયો મૈદમ, કામાખ્યા મંદિર, WAMUL હેઠળની પુરબાઈ ડાયરી અને બોગીકિન-કલાકાર વચ્ચેની મુલાકાતનો સમાવેશ થાય છે. તેઓ રંગ ઘર, તાલાલ ઘર અને શિવ ડોલ જેવા ઐતિહાસિક સીમાચિહ્નોનું પણ અન્વેષણ કરશે.

તેમના પ્રવાસના પ્રથમ દિવસે પત્રકારોને નોર્થ ઈસ્ટર્ન હેન્ડીક્રાફ્ટ્સ એન્ડ હેન્ડલૂમ્સ ડેવલપમેન્ટ કોર્પોરેશન લિમિટેડ (NEHHDC), M/o DoNER હેઠળના કોર્પોરેશનમાં લઈ જવામાં આવ્યા હતા. NEHHDC કારીગરોને સંભવિત બજારો અને ગ્રાહકો સાથે જોડીને અને ગ્રાહકો માટે સાંસ્કૃતિક મૂલ્ય ઉમેરીને સર્જકો માટે આર્થિક, સાંસ્કૃતિક અને સામાજિક તકો પેદા કરીને પ્રદેશની સ્વદેશી હસ્તકલાને વિકસાવવા અને પ્રોત્સાહન આપવાનું કામ કરે છે. તે તમામ આઠ ઉત્તર પૂર્વી રાજ્યોમાંથી ઉત્પાદનોની શ્રેણી ઓફર કરે છે. પત્રકારોએ હેન્ડીક્રાફ્ટ અને હેન્ડલૂમ્સના ઉત્પાદન, પ્રોસેસિંગ અને માર્કેટિંગની વિવિધ પ્રક્રિયાઓ જોવા સંસ્થાની મુલાકાત લીધી હતી.

મીડિયા ટુરનો ઉદ્દેશ્ય ગુજરાતના પત્રકારોને આસામમાં અમલમાં આવી રહેલી વિવિધ સરકારી પહેલોની સમજ મેળવવા માટે એક પ્લેટફોર્મ પ્રદાન કરવાનો છે. આ ક્રિયાપ્રતિક્રિયા પત્રકારોને સ્થાનિક પરિસ્થિતિઓ, સામાજિક-આર્થિક અને રાજકીય લેન્ડસ્કેપ્સ અને સરકાર દ્વારા કરવામાં આવતા વિકાસલક્ષી પ્રયાસો પ્રત્યે સંવેદનશીલ બનાવવામાં મદદ કરશે. ટીવી 9 ગુજરાતી, નવ ગુજરાત સમય, દિવ્ય ભાસ્કર અને કચ્છ મિત્ર જેવા આઉટલેટ્સના મીડિયા પ્રતિનિધિઓ આ પ્રવાસમાં ભાગ લઈ રહ્યા છે, જે આસામના શાસન અને પ્રગતિની ઊંડી સમજણને પ્રોત્સાહન આપે છે.

AP/GP/JD

(Release ID: 2058091) Visitor Counter : 52