رکشا راجیہ منتری جناب  سنجے سیٹھ نے آج 23 ستمبر 2024 کو نئی دہلی میں نیشنل کیڈٹ کور (این سی سی) کے مشترکہ ریاستی نمائندوں اور ایڈیشنل/ ڈپٹی ڈائریکٹر جنرل  (جے ایس  آر اینڈ اے / ڈی)  کانفرنس کا افتتاح کیا۔ کانفرنس سے خطاب کرتے ہوئے، انہوں نے قوم کی تعمیر میں این سی سی کے اہم کردار پر زور دیا۔ انہوں نے اس بات پر روشنی ڈالی کہ کس طرح تنظیم، نظم و ضبط، ذمہ دار اور حوصلہ افزاء  نوجوان شہریوں کے فروغ  میں مدد کرتی ہے، جبکہ زندگی کے مختلف پہلوؤں میں قائدانہ صلاحیتوں کو بھی فروغ دیتی ہے۔

قومی اقدامات، جیسے کہ سووچھ بھارت ابھیان، بین الاقوامی یوگا  ڈے، ماحولیات کے تحفظ، ڈیجیٹل بیداری اور روایتی تربیت کے ساتھ سماجی بہبود کے لیے اپنی وابستگی میں این سی سی کی شمولیت کو اجاگر کرتے ہوئے، رکشا راجیہ منتری  نے ریاستی حکومتوں پر زور دیا کہ وہ ضروری افرادی قوت، فنڈنگ، اور بنیادی ڈھانچہ فراہم کرنے میں  اپنے علاقوں میں این سی سی کی موجودگی کو بڑھانے اور توسیع  کرنے میں مدد کرنے کے لیے اپنے وعدوں کا احترام کریں۔

انہوں نے بتایا کہ حکومت نے حال ہی میں این سی سی کیڈٹ کی آسامیوں کو تین لاکھ تک بڑھانے کے لیے ایک توسیعی منصوبے کی منظوری دی ہے، جس سے آنے والے سالوں میں کل تعداد کو 17 لاکھ سے بڑھا کر 20 لاکھ کر دیا جائے گا۔ انہوں نے مزید کہا کہ اس توسیع سے سابق فوجیوں کو بطور این سی سی انسٹرکٹرز شامل کیا جائے گا، جو اعلیٰ معیار کی تربیت کو یقینی بنانے اور سابق فوجیوں کے لیے روزگار کے نئے مواقع پیدا کرنے کے لیے اپنی صلاحیتوں اور تجربے کو بروئے کار لانے  میں مدد گار ثابت ہوگا۔

لیفٹیننٹ گربیرپال سنگھ، ڈی جی این سی سی نے گزشتہ دو سالوں میں این سی سی کی پیش رفت اور کامیابیوں کے ساتھ ساتھ مستقبل میں توسیع کے منصوبوں پر روشنی ڈالی۔ انہوں نے ریاستی نمائندوں اور سینئر عہدیداروں کو تمام ریاستوں کے مختلف حصوں میں اچھی طرح سے لیس تربیت اور کیمپنگ کے بنیادی ڈھانچے کے قیام سے آگاہ کیا، تاکہ کیڈٹس کے لئے اعلیٰ درجے کی ترغیب اور حوصلہ افزائی کو یقینی بنایا جا سکے۔

جے ایس  آر اینڈ اے / ڈی، ایک دو سالہ تقریب ہے، جس میں تعلیم کے وزراء، نوجوانوں اور کھیلوں کے وزراء کے ساتھ ساتھ اپنی متعلقہ ریاست میں این سی سی امور کو سنبھالنے والے محکموں کے سینئر نمائندوں کی شرکت کا مشاہدہ کیا گیا ہے۔ ڈی جی این سی سی کے ساتھ وزارت دفاع کے سینئر افسران، تمام ریاستوں کے این سی سی سربراہان اور ہیڈکوارٹر ڈی جی این سی سی کے سینئر افسران بھی کانفرنس میں موجود تھے۔ این سی سی سرگرمیوں کا انعقاد مرکزی اور ریاستی حکومتوں کی پالیسیوں، مالیات، انتظامی اور دیگر پہلوؤں کے لحاظ سے مشترکہ ذمہ داری ہے، لہذا، یہ کانفرنس پوری قوم میں این سی سی کی سرگرمیوں کی منصوبہ بندی، عمل درآمد اور مربوط کرنے کے لیے ایک پلیٹ فارم فراہم کرتی ہے۔

****

U.No:331

ش ح۔ش ت۔ق ر