مرکزی وزیر برائے ایم ایس ایم ای جناب جیتن رام مانجھی ، وزارت مائیکرو، چھوٹے اور درمیانے درجے کے کاروبار۔اس کے اداروں اور فیلڈ فارمیشنز کے لیے صفائی کا حلف لیتے ہوئے صفائی ہی سیوا 2024 مہم کا افتتاح کیا۔

مائیکرو، چھوٹے اور درمیانے درجے کے کاروباری اداروں کی وزارت (ایم ایس ایم ای) نے 17 ستمبر 2024 کو صفائی ہی سیوا (ایس ایچ ایس) مہم کا آغاز صفائی کا حلف لینے کی تقریب کے ساتھ کیا، جس کی قیادت مرکزی وزیر برائے ایم ایس ایم ای، شری جیتن رام مانجھی نے کی۔ ملک بھر میں 150 سے زیادہ فیلڈ فارمیشنز نے اس پروگرام میں ورچوئلی شرکت کی جس سے صفائی اور حفظان صحت کے لیے اجتماعی عزم کا اظہار کیا گیا۔

سوچھتا ہی سیوا 2024 مہم، 17 ستمبر سے 2 اکتوبر 2024 تک، سوچھ بھارت مشن کی 10ویں سالگرہ مناتی ہے۔ اس سال کا موضوع ‘سوابھاؤ سوچھتا۔ سنسکار سوچھتا’ ہے، جس کا مقصد صفائی کو ایک قدرتی عادت اور ایک بنیادی معاشرتی قدر کے طور پر فروغ دینا ہے۔ یہ مہم عوامی شراکت (جن بھاگیداری) کی حوصلہ افزائی کرتی ہے، شہریوں کو ملک کی صفائی کی کوششوں میں فعال حصہ لینے اور صفائی متراز (صفائی کارکنان) کے اہم کردار کو تسلیم کرنے کی اپیل کرتی ہے۔

حلف برداری کی تقریب کی قیادت محترم وزیر، ایم ایس ایم ای نے کی۔

وزارت ایم ایس ایم ای اور اس کی فیلڈ فارمیشنز    اس مہم میں فعال طور پر حصہ لے رہی ہیں، جس کا مقصد عوام کو نچلی سطح پر شامل کرنا ہے۔ یہ مہم تین اہم عناصر پر مبنی ہے: سوابھاؤ سوچھتا، سنسکار سوچھتا، اور جن بھاگیداری، اور اس کا مقصد شہریوں، خصوصاً نوجوانوں کو صفائی کی سرگرمیوں میں حصہ لینے کے لیے متحرک کرنا ہے، تاکہ ملک کی فلاح و بہبود کے لیے اجتماعی ذمہ داری کا ایک کلچر فروغ پائے۔

مائیکرو، چھوٹے اور درمیانے درجے کے کاروباری اداروں کی وزارت اور اس کی فیلڈ فارمیشنز کے ذریعے ملک بھر میں صفائی ہی سیوا 2024 مہم کے تحت انجام دی جانے والی کلیدی پہلیں درج ذیل ہیں:

1۔ صفائی کے ہدفی یونٹس (سی ٹی یوز): ان علاقوں کی نشاندہی کی گئی ہے جنہیں فوری توجہ کی ضرورت ہے، اور انہیں شرامدان کے ذریعے صاف کیا جائےگا، تاکہ مقامی کمیونٹی کی مدد سے انہیں صاف اور بہتر حالت میں تبدیل کیا جا سکے۔

2۔صفائی متر وں کی پہچان: صفائی متروں کو ان کی صفائی برقرار رکھنے میں خدمات کے اعتراف میں حفاظتی کٹس فراہم کی جائیں گی۔ خصوصی صفائی متر سرکشا شیویرز منعقد کیے جا رہے ہیں تاکہ صحت کے معائنے کیے جائیں اور صفائی کارکنوں کے لیے سماجی تحفظ کی اسکیموں کے بارے میں شعور بیدار کیا جا سکے۔

3۔ درخت لگانے کی مہم: ایک صاف ستھرا اور سرسبز ہندوستان بنانے کے وسیع تر مقصد اور ‘ایک  پیڑ ماں کے نام’ کے جذبے کے ساتھ ماحولیاتی استحکام کو فروغ دینے کے لیے درخت لگانے کی مہم کا انعقاد کیا جائے گا۔

 

 

 

4۔کمیونٹی کی شمولیت: فیلڈ فارمیشنز کو جاری کردہ جامع رہنما خطوط کے ذریعے، وزارت صفائی مہمات میں عوام کی شرکت کی حوصلہ افزائی کر رہی ہے۔ نوجوانوں اور مقامی کمیونٹیز کو بڑے پیمانے پر مہم میں کلیدی کردار ادا کرنے کے لیے متحرک کیا جائے گا۔

مہم کی تیاری میں، شروع سے پہلے کی سرگرمیوں کے طور پر، وزارت ایم ایس ایم ای نے کئی اہم اقدامات کیے ہیں جن میں درج ذیل شامل ہیں:-

نوڈل افسروں کی تقرری: وزارت اور فیلڈ دونوں سطحوں پر نوڈل افسران کی تقرری کی گئی ہے تاکہ مہم کی ہم آہنگی اور نگرانی کی جا سکے۔ 

تشہیری مہمات: اُدیوگ بھون اور دیگر فیلڈ دفاتر میں بینرز اور ہوڈنگز لگائے گئے ہیں، جبکہ سوشل میڈیا پلیٹ فارمز کا استعمال سوچھتا حلف(صفائی کے حلف) اور آئندہ سرگرمیوں کے بارے میں آگاہی پھیلانے کے لیے کیا گیا ہے۔

وزارت ایم ایس ایم ای تمام شہریوں سے درخواست کرتی ہے کہ وہ سوابھاؤ سوچھتا، سنسکار سوچھتا  ابھیان میں حصہ لیں، تاکہ صفائی کو ایک طرز زندگی بنایا جا سکے۔

مائیکرو، چھوٹے اور درمیانے درجے کے کاروباری اداروں کی وزارت، اپنے اداروں اور فیلڈ فارمیشنز کے ساتھ، سوچھتا  ہی سیوا 2024 مہم کے مقاصد کو پورے جوش اور لگن کے ساتھ حاصل کرنے کے لیے مکمل طور پر عزم رکھتی ہے۔

 

********************

 

ش ح۔ اس ک-  ت ع

U No.189

(Release ID: 2056920) Visitor Counter : 11