প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা লৌমীশিংদা শেন্দোং লৈবা মমল ফংহন্নবা অমসুং কঞ্জ্যুমরশিংগগীদমক মরুওইবা পোৎলমশিংগী মমল অকা অকুম লৈহন্দনবা প্রধান মন্ত্রী অন্নদাতা আয় সনরক্সন অভিয়ান (PM-AASHA) মখা চত্থবদা অয়াবা পীখ্রে‍।

১৫শুবা ফাইনান্স কম্মিসন সাইকলগী ২০২৫-২৬ ফাওবগী ওইনা অপুন্বা চঙগদবা শেল লুপা করোর ৩৫,০০০নি‍।

লৌমীশিং অমসুং কঞ্জ্যুমরশিং হেন্না কান্নহন্নবগীদমক লৈঙাক্না প্রাইস সপ্পোর্ত স্কীম (PSS) অমসুং প্রাইস স্তেবিলাইজেসন ফন্দ (PSF) স্কীমশিংবু PM AASHA দা পুনশিল্লে‍। পুনশিল্লবা PM-AASHA স্কীম অসিনা থবক পায়খৎপদা হেন্না মতিং লৈহন্দুনা লৌমীশিংদা মখোয়গী পোত্থোক্কী শেন্দোং লৈবা মমল ফংহন্বদখক নত্তনা কঞ্জ্যুমরশিংদা পোৎলমশিং অদু অতাবা মমলদা ফংহন্দুনা মমল অকা অকুম নাইববুসু লাকশিন্বদা মতেঙ পাংগনি‍। হৌজিক্তি PM-AASHA দা প্রাইস সপ্পোর্ত স্কীম (PSS), প্রাইস স্তেবিলাইজেসন ফন্দ (PSF), প্রাইস দিফিসিত পেমেন্ত স্কীম (POPS) অমসুং মার্কেত ইন্তরভেন্সন স্কীম (MIS)গী কম্পোনেন্তশিং য়াওরে‍।

প্রাইস সপ্পোর্ত স্কীমগী মখাদা নোতিফাইত তৌরবা পল্স, থাউ মরু অমসুং কোপ্রা MSP দা লৈবগী থৌওং ২০২৪-২৫তগী হৌরগা হায়রিবা নোতিফাই তৌরবা মহৈ মরোংশিং অসিগী নেস্নেল প্রদক্সনগী ২৫% দা তৌদুনা, মসিনা স্তেতশিংবু লৌমীশিংদা শেন্দোং লৈবা মমল ফংহন্নবা অমসুং পোৎ শিত্তবদগী মমল হোঙনা য়োন্বা থিংননবা লৌমীশিংদগী হায়রিবা মহৈ মরোংশিং অসি MSP চাং হেন্না লৈবা য়াহল্লগনি‍। অদুম ওইনমক, সীলিং অসি ২০২৪-২৫ সীজনগী ওইনা তুর, উরাদ অমসুং মসুরগী ওইনদি চৎনরোই মরমদি মমাঙদা লৌখিবা ফিরেপকী মতুং ইন্না ২০২৪-২৪ মনুংদা তুর, উরাদ, অমসুং মসুর ১০০% লৌশিল্লগনি‍।

লৌমীশিংদগী নোতিফাইদ তৌরবা পল্স, থাউ মরু অমসুং কোপ্রা MSP দা লৈনবগী লৈরিবা লৈঙাক্কী গরেন্তী লুপা করোর ৪৫,০০০দা নৌনা শেমদোক্তুনা হেনগৎহনখ্রে‍। মসিনা দিপার্তমেন্ত ওফ এগ্রিকলচর এন্দ ফার্মর্স ৱেলফ্যোর (DA&FW)না নেস্নেল এগ্রিকলচরেল কোওপরেতিব মার্কেতিং ফেদরেসন ওফ ইন্দিয়া (NAFED)কী ইসম্রিধী পোর্তেল অমসুং নেস্নেল কোওপরেতিব কঞ্জ্যুমর্স ফেদরেসন ওফ ইন্দিয়া (NCCF)কী ইসময়ুক্তি পোর্তেলদা প্রি-রেজিস্তরবা লৌমীশিং য়াওনা লৌমীশিংদগী, কৈথেলদা MSP দগী মমল হেক হন্থরকপগা পল্সেস, থাউ মরু অমসুং কোপ্রা হেন্না লৌশিনবদা মতেঙ ওইগনি‍। মসিনা লৌমীশিংবু অসিগুম্বা মহৈ মরোংশিং লৈবাকসিদা হেন্না থাহন্বদা পুক্নিং থৌগৎকনি অমসুং হায়রিবা মহৈ মরোংশিং অসিদা মরোমদোম লেপচবা ঙম্বদা থৌদাং য়াদুনা লমদমসিগী মথৌ তাবশিংগীদমক মপান্দগী পুশিল্লকপদা তাংবা হন্থহনগনি‍।

প্রাইস স্তেবিইলাইজেসন ফন্দ (PSF) স্কীম শাংদোকপনা তাঙ্কক নাইতা থাদোক্নবগীদমক পল্সেস অমসুং তিল্হৌশিংগী বফ্ফর স্তোক থমদুনা এগ্রি-হোর্তিকলচরেল কোমোদিতিশিংগী মমল কা হেন্না অকা অকুম নাইবদগী কঞ্জ্যুমরশিংবু ঙাকথোকপদা; পৈশিন্দুনা থম্বা অমসুং মওং মরিল চুমদনা পৈশিন্বা থিংবদা; অমসুং কঞ্জ্যুমরশিংদা অতাবা মমলদা পীথোকপদা মতেং পাংগনি‍। কৈথেলদা MSPগী মথক্তা মমল হেক হাইগৎখিবগা পল্সশিং মার্কেত প্রাইসতা লৌশিনবগী থবক NAFED কী ইসম্রিধি পোর্তেল অমসুং NCCF কী ইসময়ুক্তি পোর্তেলগী প্রি-রেজিস্তর্দ ফার্মরশিং য়াওনা দিপার্তমেন্ত ওফ কঞ্জ্যুমর এফ্যার্স (DoCA)না তৌগনি‍। বফর মেন্তেনেন্সকী মথক্তা, PSF স্কীমগী মখাদা খুৎ থিংজিনবগী থবক খামেন অশিন্বীগুম্বা অতৈ মহৈ মরোংশিং অমসুং ভারদ দাল, ভারত অত্তা, অমসুং ভারত রাইসনচিংবগী সবসিদাইজ রিতেল সেলদসু পায়খৎলে‍।

নোতিফাইদ ওইলসীতকী মহুৎ অমা ওইনা স্তেতশিংদা প্রাইস দিফিসিত পেমেন্ত স্কীম (PDPS) পায়খৎপদা পুক্নিং থৌগৎনবগীদমক, কভরেজকী চাং স্তেতকী থাউ মরু পুথোকপগী ২৫% ওইরম্বদু ৪০%দা হেনগৎহল্লে অমসুং লৌমীশিংদা কান্নগদবা মওংদা থবক পায়খৎপগী মতম থা ৩ দগী থা ৪দা হেনগৎহল্লে‍। MSP অমসুং সেল/মোদেল প্রাইসকী মরক্তা লৈরিবা খেন্নবগী কেন্দ্র লৈঙাক্না পুগদবা কম্পেন্সেসন MSP গী ১৫%দা লেপ্লে‍।

অহোংবা খরগা লোয়ননা মার্কেত ইন্তরভেন্সন স্কীম (MIS) পায়খৎপগী মতম শাংদোকপনা পত্থ-পুমথগন্বা মহৈ মরোংশিং থারিবা লৌমীশিংদা শেন্দোং লৈবা মমল ফংহনগনি‍। লৈঙাক্না কভরেজকী চাং পোত্থোক্কী ২০% দগী ২৫% দা হেনগৎহল্লে অমসুং খেন্নবা শেন্ফম পিথোকপগী মওংদা MIS কী মখাদা ফীজিকেল প্রোকরমেন্তকী মহুত্তা লৌমীশিংগী একাউন্ততা হকথেংননা পেমেন্ত তৌনবগী ওপসন অমসু হাপচিল্লে‍। মখা তানাও TOP (তোমেতো, ওনিয়ন অমসুং পোতেতো) মহৈ মরোংশিংগী মতাঙদা, লোকপগী মতমদা পোত্থোক পুথোক্লিবা স্তেত অমসুং শীজিন্নরিবা স্তেতকী মরক্তা লৈরিবা TOP মহৈ মরোংশিংগী মমলগী খেন্নবা মেনশিন্নবগীদমক, NAFED অমসুং NCCF নচিংবা কেন্দ্রগী নোদেল এজেন্সীশিংনা তৌরিবা ওপরেসনগী ত্রান্সপোর্তেসন অমসুং স্তোরেজকী চাদিং পুনবা লৈঙাক্না ফিরেপ লৌবগা লোয়ননা মসিনা লৌমীশিংদা শেন্দোং লৈবা মমল ফংহন্বদা নত্তনা কৈথেলদা কঞ্জ্যুমরশিংগীদমক TOP মহৈ মরোংশিংগী মমলসু তাহনগনি‍।

*****