چیف آف ڈیفنس اسٹاف جنرل انل چوہان نے کہا ہے کہ عالمی نظام میں بھارت کا مقام ’وشو مترا‘ اور ’وشو بندھو‘ کا ہے۔ وہ 18 ستمبر 2024 کو نئی دہلی میں ہیڈکوارٹرانٹیڈ ڈیفنس اسٹاف کے ڈیفنس انٹیلی جنس ایجنسی کے زیر اہتمام فارن سروس اتاشی (ایف ایس اے) کے لیے ایک کانفرنس سے خطاب کر رہے تھے۔ سی ڈی ایس نے ملٹری ڈپلومیسی کی اہمیت کو اجاگر کیا جس میں ایف ایس اے کو اہم کردار ادا کرنا ہے۔

دوسری جنگ عظیم کے بعد سے سب سے زیادہ پرتشدد دہائی میں، تنازعات پر قابو پانے کے لیے ممالک میں طاقت کے استعمال کا رجحان بڑھ رہا ہے۔ بڑھتی ہوئی غیر یقینی صورت حال اور عدم تحفظ ممالک کو اپنی قومی سلامتی کی حکمت عملی کی تجدید کرنے اور دفاع پر اخراجات میں اضافہ کرنے پر مجبور کر رہا ہے‘‘، سی ڈی ایس نے بھارت کے دفاع کے چار مختلف شعبوں یعنی آپریشنل تیاری، جدیدکاری، تبدیلی اور دیسی کاری پر روشنی ڈالتے ہوئے کہا۔ انھوں نے ڈیٹا سینٹرک وار فیئر کی اہمیت اور جنگ میں انقلاب لانے میں مصنوعی ذہانت کے کردار پر زور دیا۔ سی ڈی ایس نے دفاعی صلاحیت کی ترقی اور تزویراتی خودمختاری کے لیے بھارت کے خود انحصاری کے بارے میں بصیرت فراہم کی۔

ڈائریکٹر جنرل ڈیفنس انٹیلی جنس ایجنسی (ڈی جی ڈی آئی اے) لیفٹیننٹ جنرل ڈی ایس رانا نے ایف ایس اے کو آگاہ کیا کہ بھارت کی دفاعی سفارتکاری سرگرمیوں کی نوعیت کے ساتھ ساتھ جغرافیائی کوریج کے لحاظ سے تیزی سے پھیل رہی ہے جس میں سیکورٹی تعاون ایک اہم جزو ہے۔ انھوں نے دفاع میں خود انحصاری اور دیسی کاری کے وژن کو اجاگر کیا اور ایف ایس اے پر زور دیا کہ وہ جدید کاری کے پروگراموں میں براہ راست تجربہ حاصل کریں۔

دفاعی موضوع کے ماہرین نے ایف ایس اے کو بھارت کے اسٹریٹجک نقطہ نظر کا ایک جامع جائزہ پیش کیا۔ لیفٹیننٹ جنرل (ریٹائرڈ) راج شکلا نے ’بھارت کی قومی سلامتی: چیلنجز اور مواقع‘، وائس ایڈمرل پردیپ چوہان (ریٹائرڈ) نے ’ہند بحرالکاہل خطے کے مسابقت، تعاون اور چیلنجز‘ پر تبادلہ خیال کیا اور لیفٹیننٹ جنرل (ریٹائرڈ) راکیش شرما نے ’گرے زون وارفیئر اور سیکیورٹی ڈائنامکس پر اثرات‘ پر بصیرت فراہم کی۔

***

(ش ح – ع ا)

U. No. 86

(Release ID: 2056232) Visitor Counter : 31