شمال مشرقی ریاستوں کی ترقی کی وزارت نے صفائی ستھرائی اور ماحولیاتی ذمہ داری کو فروغ دینے کے مقصد سے 14 ستمبر سے 1 اکتوبر 2024 تک چلنے والی سوچھتا ہی سیوا مہم 2024 کا آغاز کیا ہے۔

آج، 17 ستمبر 2024 کو، جناب چنچل کمار، سکریٹری، شمال مشرقی ریاستوں کی ترقی کی وزارت نے وگیان بھون اینیکسی، نئی دہلی میں تمام عملے کے اراکین اور اس سے منسلک تنظیموں کو سوچھتا سیوا کا عہد دیا۔ اس عہد نے سوچھ بھارت مشن کے لیے سوبھاؤ سوچھتا سنسکار سوچھتا کے موضوع کے ساتھ وزارت کے عزم کی تصدیق کی۔

مہم کے ایک حصے کے طور پر، جودھ پور آفیسرز ہاسٹل میں صفائی کا ہدف یونٹ (سی ٹی یو) قائم کیا گیا تھا، جہاں ایم ڈی او این ای آر کے ملازمین نے شرمدان کے ذریعے صفائی کی ایک وسیع مہم چلائی تھی۔

دن کے آخر میں، ایک پیڑ ماں کے نام پروگرام کے تحت ایک گروپ کی سرگرمی میں درخت لگانا دیکھا گیا، جس سے ماحولیاتی استحکام کو مزید فروغ دیا گیا۔

اس عہد کو آگے بڑھاتے ہوئے، کئی اور سرگرمیوں کی منصوبہ بندی کی گئی ہے، جس میں 20 ستمبر 2024 کو ویسٹ ٹو آرٹ مقابلہ بھی شامل ہے، جس کا مقصد فضلات کو دوبارہ استعمال کرنے کے جدید طریقوں کی نمائش کرنا ہے۔ مزید برآں، آؤٹ سورس ہاؤس کیپنگ اسٹاف کے لیے ہیلتھ چیک اپ کیمپ 18 سے 19 ستمبر 2024 تک مقرر کیا گیا ہے، جو مزید صفائی اور فلاح و بہبود کے لیے شمال مشرقی ریاستوں کی ترقی کی وزارت کے مجموعی نقطہ نظر کو ظاہر کرتا ہے۔

شمال مشرقی ریاستوں کی ترقی کی وزارت سوچھ بھارت مشن کو آگے بڑھانے اور اجتماعی کارروائی اور مشترکہ ذمہ داری کے ذریعے ایک صاف ستھرا، سرسبز شمال مشرق اور ہندوستان کو فروغ دینے کے اپنے مشن میں ثابت قدم ہے۔

*****

U.No:33

ش ح۔م ع۔س ا

(Release ID: 2055801) Visitor Counter : 41