سماجی انصاف اور تفویض اختیارات کے مرکزی وزیر ڈاکٹر وریندر کمار نے آج بلند شہر، اتر پردیش میں 'سماجک ادھیکاریتا شور' کا افتتاح کیا۔ اس کے علاوہ، ڈاکٹر وریندر کمار نے ورچوئل  طور پر ملک بھر میں مختلف امنگوں والے بلاکس میں کیمپوں کا آغاز کیا۔ یہ پہل اے ڈی آئی پی (معذور افراد کی مدد) اسکیم کے تحت دیویانگجن (معذور افراد) کو بااختیار بنانے کی طرف ایک اہم قدم کی نشاندہی کرتی ہے۔

اپنے خطاب میں، مرکزی وزیر نے تعلیمی سطح پر بااختیار بنانے کے لیے حکومت کی عہد بستگی پر زور دیا اور اس بات پر روشنی ڈالی کہ 2.68 لاکھ دیویانگ طلباء کو اسکالرشپ اسکیم کے تحت 871.79 کروڑ روپے کی اسکالرشپ دی گئی ہے۔ یہ رقوم براہ راست مستفید ہونے والوں کے بینک کھاتوں میں منتقل کی جاتی ہیں۔ خاص طور پر اتر پردیش میں، 49,717 دیویانگ طلباء کو کل 219.57 کروڑ روپے کے وظائف ملے۔ ڈاکٹر کمار نے حکومت کی کوکلیئر امپلانٹ اسکیم کا بھی تذکرہ کیا، جو کہ سماعت سے محروم 5-6 سال کی عمر کے بچوں کے لیے 6 لاکھ روپے تک فراہم کرتی ہے۔ مزید برآں، وزیر  موصوف نے جاری سوچھتا پکھواڑہ (صفائی ستھرائی پنکھواڑہ) کے حصہ کے طور پر تمام حاضرین کو صفائی کا عہد دلایا۔

اس تقریب کی خاص بات یہ تھی کہ بلندشہر میں کیمپ نے مرکزی ہب کے طور پر کام کیا اور اسے ڈیجیٹل طور پر ہندوستان بھر میں 75 دیگر تقسیم کیمپوں سے منسلک کیا گیا، جس میں بنیادی توجہ امنگوں والے بلاکس پر تھی۔ ان کیمپوں کا اہتمام سماجی انصاف اور تفویض اختیارات کی وزارت کے تحت معذور افراد کے بااختیار بنانے کے محکمہ نے الیمکو (مصنوعی اعضاء کی مینوفیکچرنگ سے متعلق کارپوریشن آف انڈیا) کے تعاون سے کیا تھا۔ ان 75 کیمپوں کا مقصد اے ڈی آئی پی اسکیم کے تحت 9,000 سے زیادہ پہلے سے شناخت شدہ مستفیدین کو مفت معاون آلات فراہم کرکے دیویانگجن کو بااختیار اور خود کفیل بنانا ہے۔ یہ تقریب دیویانگ جانوں کو بااختیار بنانے کے لیے حکومت کے عزم کی علامت ہے، جو مختلف اقدامات کے ذریعے ان کی زندگیوں کو بڑھانے کے لیے مسلسل کام کر رہی ہے۔

 اے ڈی آئی پی اسکیم کے تحت بلند شہر میں کل 429 مستفیدین کی شناخت کی گئی ہے، اور تقریباً 1.04 کروڑ روپے کے 733 معاون آلات کی مفت تقسیم کی جا رہی ہے۔ اے ڈی آئی پی اسکیم کے تحت تقسیم کیے گئے معاون آلات میں 168 موٹرائزڈ ٹرائی سائیکلیں، 141 ہاتھ سے چلائے جانے والی ٹرائی سائیکلیں، 60 فولڈنگ وہیل چیئرز، 218 بیساکھییں، 32 واکنگ اسٹکس، بریل کٹس کے ساتھ، کان کے پیچھے (بی ٹی ای) سماعت کے آلات، سی پی کرسیاں، قابل رسائی کین، مصنوعی اعضاء، اور کیلیپرز شامل ہیں۔

بلند شہر کی تقریب میں موجود دیگر معززین میں جناب ارون کمار سکسینہ، وزیر ماحولیات، جنگلات اور موسمیاتی تبدیلی، اتر پردیش؛ ڈاکٹر بھولا سنگھ، ایم پی، بلند شہر؛ ڈاکٹر انتول تیوتیا، ضلع پنچایت چیئرمین، بلند شہر اور دیگر معزز مہمان اور مقامی قانون ساز شامل تھے۔

*****

U.No:25

ش ح۔م ع۔س ا

(Release ID: 2055800) Visitor Counter : 36