অৱাংনোংপোক ভারতকী ইনাক খুল্লবা কলচরেল অমসুং ইকোনোমিক হেরিতেজ থৌরম পাংথোকপগী মায়কৈদা মরুওইবা খোংথাং অমদা কম্মুনিকেসন অমসুং দেবেলপমেন্ত ওফ নোর্থ ইস্তর্ন রিজন (দোনর)গী কেন্দ্র মন্ত্রী শ্রী জ্যোতিরাদিত্য এম. সিন্ধিয়ানা ঙসি অস্তলক্ষ্মী মহোত্সবকীদমক ওফিসিয়েল ৱেবসাইত লোঞ্চ তৌখ্রে। লোঞ্চ তৌবগী থৌরম অসি নই দিল্লীগী সঞ্চার ভবনদা পাংথোকখি, মদুনা নেস্নেল অমসুং গ্লোবেল স্তেজদা নোর্থ ইস্তকী পাক চাউরবা পোতেন্সিয়েল প্রমোত তৌবদা সরকারনা থমখিবা ৱাফম অদু উৎলি।

২০২৪গী দিসেম্বর ৬তগী ৮ ফাওবা ভারত মন্দপম, প্রগতি মৈদান, নই দিল্লীদা পাংথোক্কদবা অস্তলক্ষ্মী মহোত্সব অসি লেন্দমার্ক ওইবা থৌরম অমা ওইরগনি। কুহ্মৈ অসি অৱাংনোংপোক্কী রাজ্য নিপাল – অরুনাচল প্রদেশ, অসাম, মনিপুর, মেঘলয়া, মিজোরাম, নগালেন্দ, সিক্কিম অমসুং ত্রিপুরাদগী ইন্সপিরেসন লৌরি – প্রোসপেরিতীগী শক্লোন নিপাল রিপ্রজেন্ত তৌদুনা অপুনবা ওইনা “অস্তলক্ষ্মী” হায়না খংনৈ। ৱেবসাইত www.ashtalakshmimahotsav.com না ইবেন্ত অপদেত, স্কেদ্যুল অমসুং পার্তিসিপেসন দিতেলশিংগীদমক ৱান-স্তোপ রিসোর্স ওইনা মথৌ তৌদুনা লৈবাক পুম্বদগী শরুকয়াগদবশিংগীদমক অপনবা লৈতনা এঙ্গেজ তৌবা ফংহল্লগনি।

হৌদোকপগী থৌরমগা ৱা ঙাংলদুনা শ্রী সিন্ধিয়ানা অৱাংনোংপোক ভারত অমসুং লৈবাক্কী লেমহৌরিবা শরুকশিংগী মরক্তা কলচরেল অমসুং ইকোনোমিগী ওইবা অহাংবশিং মেন্সিনবদা থৌরম অসিগী মরুওইবা অদু ফোংদোকখি। মহাক্না হায়খি, “অস্তলক্ষ্মী মহোত্সব অসি অৱাং নোংপোক্কী কলচরগী ইনাক খুনবা অদু উৎপা খক্তা নত্তনা রিজন অসিদগী কারীগরশিং, ফিশা-লোনশা তৌবশিং অমসুং ওন্ত্রেপ্রিন্যুরশিংগীদমক অনৌবা খুদোংচাবা তঞ্জা শেমগৎতুনা ইকোনোমিক দেবেলপমেন্তগীদমক কেতালিস্ত অমা ওইনসু মথৌ তৌগনি।”

অস্তলক্ষ্মী মহোত্সব ফেসন, কলচর অমসুং ললোন-ইতিক্কী বাইব্রেন্ত ব্লেন্দ অমা ওইরগনি। থৌরম অসিদা অৱাংনোংপাক ভারতকী মমিং চৎলবা মুগা অমসুং ইরিক সিল্কতা দেদিকেত তৌরবা পেবিলিয়নশিং, আর্তিসিনেল ক্রাফতকী লাইব দেমোন্ত্রেসনশিং, অমসুং রিজনগী জিওগ্রাফিকেল ইন্দিকেসন (জি.আই.) পোত্থোকশিংদা অখন্নবা মীৎয়েং থমগনি। থৌরম অসিদা ফেশন শো, দিজাইন কোনক্লেব, বায়র-সেলর মীত অমসুং ইনবেস্তমেন্ত রাউন্দ তেবল অমসু হোস্ত তৌদুনা আর্থ লৈবা কোলাবোরেসন অমসুং লোং-তর্ম ইকোনোমিক ইম্পেক্তকীদমক প্লেৎফোর্ম অমা ওফর তৌগনি।

থৌরম অমসুং শরুক য়াবদা অহেনবা ইনফোর্মেসনগীদমক ওফিসিয়েল ৱেবসাইত www.ashtalakshmimahotsav.com দা চংবীয়ু।

কম্মুনিকেসন অমসুং দোনরগী কেন্দ্র মন্ত্রী শ্রী জ্যোতিরাদিত্য এম. সিন্ধিয়ানা X প্লেতফোর্মদা ৱেবসাইত অসিদা মহাক্কী ৱাখল্লোন শেয়র তৌরদুনা হায়খি, ‘লাক্কদৌরিবা অস্ত লক্ষ্মী মহোত্সবকীদমক ওফিসিয়েল ৱেবসাইত লোঞ্চ তৌবদা নুংঙাইবা ফাওই। মহোত্সব অসিনা অৱাংনোংপোক্কী বাইব্রেন্ত তেক্সতাইল ইন্দস্ত্রী, আর্তিসেনেল ক্রাফতস, অমসুং য়ুনিক প্রদক্তাশিং মালেমদা উত্থোক্নবা পান্দম থম্লি।’

ৱেবসাইত চেক তৌবিয়ু অমসুং অৱাং নোংপোক্কী চাউখৎপগী ৱারীগী শরুক অমা ওইবিয়ু: http://ashtalakshmimahotsav.com/index.html’.

*****

(Release ID: 2055531) Visitor Counter : 20