ரஷ்யாவின் செயின்ட் பீட்டர்ஸ்பர்க் நகரில் நடைபெற்ற 9-வது பிரிக்ஸ் கலாச்சார அமைச்சர்கள் கூட்டத்தில், இந்திய அரசின் கலாச்சார அமைச்சகத்தின் செயலாளர் திரு அருணீஷ் சாவ்லா, உலகளாவிய வளர்ச்சி உத்திகளின் இதயத்தில் கலாச்சாரத்தை வைக்க வேண்டியதன் அவசியத்தை வலியுறுத்தினார்.

செயலாளர் தனது அறிக்கையில், நிலையான வளர்ச்சி மற்றும் உலகளாவிய ஒத்துழைப்புக்காக கலாச்சாரத்தின் சக்தியைப் பயன்படுத்துவதற்கான இந்தியாவின் உறுதிப்பாட்டை மீண்டும் வலியுறுத்தினார். சமத்துவமான, நீடித்த மற்றும் உள்ளடக்கிய உலகை உருவாக்குவதற்காக கலாச்சாரம், படைப்பாற்றல், வர்த்தகம் மற்றும் ஒத்துழைப்பு ஆகியவற்றுக்கு இடையேயான ஒருங்கிணைப்பு குறித்த பிரதமர் திரு. நரேந்திர மோடியின் தொலைநோக்குப் பார்வையுடன் இது ஒத்துப்போவதாக அவர் தெரிவித்தார்.

 2023 ஆம் ஆண்டில் இந்தியாவின் தலைமையின் போது ஜி20-ல் இந்தியாவின் நிலைப்பாட்டைத் தொடர்ந்து,  2030-க்குப் பிந்தைய உலகளாவிய வளர்ச்சி நிகழ்ச்சி நிரலில் கலாச்சாரத்தை ஒரு முழுமையான இலக்காக அங்கீகரிக்க இந்தியா வாதிட்டது, பொருளாதார வளர்ச்சி, சமூக உள்ளடக்கம் மற்றும் நிலையான வளர்ச்சியை இயக்குவதில் அதன் உருமாறும் திறனை எடுத்துக்காட்டுகிறது. இது இந்தியாவின் சொந்த கலாச்சார மறுமலர்ச்சி முயற்சிகளுடன் ஒத்திசைகிறது, இது புதுமை மற்றும் படைப்பாற்றலை ஊக்குவிக்கும் அதே நேரத்தில் அதன் வளமான கலாச்சார பாரம்பரியத்தை பாதுகாத்து மேம்படுத்துவதை நோக்கமாகக் கொண்டுள்ளது.

 ஆக்கப்பூர்வமான தொழில்கள், புதிய கண்டுபிடிப்புகள், வேலைவாய்ப்புகளை உருவாக்குதல் ஆகியவற்றின் முக்கியத்துவத்தை வலியுறுத்திய இந்தியா, பொருளாதார வளர்ச்சி மற்றும் சமூக மேம்பாட்டை ஊக்குவிப்பதற்காக பிரிக்ஸ் நாடுகள் தங்களது கூட்டு கலாச்சார வலிமையை பயன்படுத்திக் கொள்ள வேண்டியதன் அவசியத்தையும் வலியுறுத்தியது. மக்களுக்கிடையேயான பரிமாற்றங்களை ஊக்குவித்தல், அடிமட்ட கலாச்சார ராஜதந்திரம் மற்றும் கல்வி ஆகியவை இந்தியாவின் கலாச்சார ஒத்துழைப்பு நிகழ்ச்சி நிரலில் கவனம் செலுத்தும் முக்கிய பகுதிகளாக முன்னிலைப்படுத்தப்பட்டன.

பிரிக்ஸ் கலாச்சார அமைச்சர்கள் கூட்டம் மற்றும் சர்வதேச ஐக்கிய கலாச்சார மன்றத்திற்கான 4 பேர் கொண்ட இந்திய தூதுக்குழுவுக்கு கலாச்சார அமைச்சக செயலாளர் அருணீஷ் சாவ்லா தலைமை தாங்கினார். இணை செயலாளர் லில்லி பாண்டே, இயக்குனர் யஷ்வீர் சிங் மற்றும் கலாச்சார அமைச்சக துணை செயலாளர் ஷா ஃபைசல் ஆகியோர் இதில்  இடம்பெற்றனர்.

கலாச்சாரத்திற்கு முன்னுரிமை அளிப்பதன் மூலம், உலகளாவிய சவால்களுக்கு பிரிக்ஸ் நாடுகளின் கூட்டு பதிலை வலுப்படுத்துதல், பரஸ்பர புரிதல் மற்றும் மரியாதையை ஊக்குவித்தல், மேலும் உள்ளடக்கிய மற்றும் கலாச்சார ரீதியாக எதிரொலிக்கும் உலகளாவிய சமூகத்தை உருவாக்குதல் ஆகியவற்றை இந்தியா நோக்கமாகக் கொண்டுள்ளது. இந்தத் தொலைநோக்கு ஒத்துழைப்பு மற்றும் பரஸ்பர ஆதரவின் பிரிக்ஸ் உணர்வுக்கு ஏற்ப உள்ளது, மேலும் கலாச்சார ராஜதந்திரத்தில் இந்தியாவின் தலைமை வரும் ஆண்டுகளில் குழுவின் கலாச்சார நிகழ்ச்சி நிரலை வடிவமைப்பதில் குறிப்பிடத்தக்க பங்கை வகிக்கும் என்று எதிர்பார்க்கப்படுகிறது.

*****

PKV/ KV

 

 

(Release ID: 2054978) Visitor Counter : 41