اس سال اپریل میں آرٹیفیشل انٹیلی جنس (اے آئی) اور مسابقت کے بارے میں مارکیٹ اسٹڈی کرنے کی تجویز کی درخواست کے نتیجے میں، کمپٹیشن کمیشن آف انڈیا (سی سی آئی) نے اس کے لیے ایک ایجنسی کے انتخاب کا عمل مکمل کر لیا ہے اور اس کے مطابق، مینجمنٹ ڈیولپمنٹ انسٹی ٹیوٹ سوسائٹی (ایم ڈی آئی ایس) مارکیٹ کا مطالعہ کرنے کے لیے مصروف عمل ہے۔ اس سلسلے میں، سی سی آئی اور ایم ڈی آئی ایس کے درمیان  9 ستمبر 2024 کو ایک معاہدے پر دستخط کیے گئے۔

مطالعہ کے مقاصد درج ذیل ہیں:

1. کچھ اہم اے آئی نظاموں اور اس کے بازاروں/ ماحولی نظام کو سمجھنے کے لیے، بشمول اے آئی ایکٹرز/ اسٹیک ہولڈرز، ضروری معلومات/ وسائل، ویلیو چینز، مارکیٹ کے ڈھانچے اور مسابقت کے پیرامیٹرز؛
2. ان بازاروں/ماحولی نظاموں میں ابھرتے ہوئے اور ممکنہ مسابقت کے مسائل کا جائزہ لینے کے لیے، اگر کوئی ہے؛
3. اے آئی ایپلی کیشنز/استعمال کے معاملات کے دائرہ کار اور نوعیت کا مطالعہ کرنا اور مقابلے کے نقطہ نظر سے وابستہ مواقع، خطرات اور اثرات کا جائزہ لینا؛
4. ہندوستان اور دیگر بڑے دائرہ اختیار میں اے آئی سسٹمز اور ایپلی کیشنز کو کنٹرول کرنے والے موجودہ اور ابھرتے ہوئے ریگولیٹری/قانونی فریم ورک کو سمجھنا؛
5. اے آئی اور مسابقت کے درمیان مسائل کی جامع تفہیم کے لیے تمام متعلقہ فریقوں تک پہنچنا؛
6. اے آئی کے رجحانات اور نمونوں کو سمجھنا اور اے آئی اور مارکیٹوں میں اس کے اطلاق کے حوالے سے کمیشن کے نفاذ اور وکالت کی ترجیحات کا پتہ لگانا۔

 سی سی آئی کے بارے میں

سی سی آئی، مسابقتی ایکٹ 2002، ('ایکٹ) کے تحت قائم ایک قانونی اتھارٹی ہے۔ ایکٹ کی دفعہ 18 کمیشن پر مسابقت پر منفی اثر ڈالنے والے طریقوں کو ختم کرنے، مسابقت کو فروغ دینے اور اسے برقرار رکھنے، صارفین کے مفادات کا تحفظ کرنے اور دوسرے شرکاء کے ذریعہ ہندوستان کے بازاروں میں تجارت کی آزادی کو یقینی بنانے کا فرض عائد کرتی ہے۔

۔۔۔۔۔۔۔۔۔۔۔

ش ح۔ م  ع ۔ن ا۔

U-10912

                          

(Release ID: 2054770) Visitor Counter : 30