انتظامی اصلاحات اور عوامی شکایات کے محکمے (ڈی اے آر پی جی) کے زیر التوا معاملات کو نمٹانے کے لیے خصوصی مہم (ایس سی ڈی پی ایم 4.0) کے آغاز کے سلسلے میں آج، محکمہ پنشن اور پنشن یافتگان کی بہبود (ڈی او پی پی ڈبلیو) نے خصوصی مہم 4.0 کے تیاری کے مرحلے کا آغاز کر دیا ہے۔ تیاری کے مرحلے میں ڈی او پی پی ڈبلیو مہم کے دوران کی جانے والی مختلف سرگرمیوں کے اہداف کی نشاندہی کرے گا۔ مرکزی مہم 2 اکتوبر 2024 سے شروع ہوگی اور 31 اکتوبر 2024 تک جاری رہے گی تاکہ التوا کو کم سے کم کیا جا سکے، سوچھتا کو ادارہ جاتی بنایا جا سکے، اندرونی نگرانی کے طریقہ کار کو مضبوط کیا جا سکے اور ریکارڈ کے انتظام کو بہتر بنایا جا سکے۔

 

 

ڈی او پی پی ڈبلیو اور سنٹرل گورنمنٹ پنشنر ایسوسی ایشن نے ملک بھر میں صفائی کے 64 مقامات کی نشاندہی کی ہے۔ خصوصی مہم 4.0 کے تیاری کے مرحلے کے دوران، جوائنٹ سکریٹری (پینشن) نے دفتر کے احاطے میں صفائی کی تمام نشاندہی شدہ جگہوں کا معائنہ کیا اور تمام عہدیداروں کو ہدایت دی کہ وہ مہم کے دوران اہداف حاصل کرنے کے لیے اپنی پوری کوشش کریں۔ ”سوچھتا ہی سیوا“ پروگرام کے ایک حصے کے طور پر، ڈاکٹر جتیندر سنگھ، عزت مآب ایم او ایس (پی پی) کے ساتھ جناب وی سری نواس، سکریٹری (پنشن) اور ڈی او پی پی ڈبلیو کے تمام اہلکار نہرو پارک، نیتی مارگ، نئی دہلی میں شجرکاری مہم میں حصہ لیں گے۔ روزانہ کی پیشرفت کی نگرانی ایک خصوصی ٹیم کرے گی اور اسے محکمہ انتظامی اصلاحات اور عوامی شکایات کے زیر اہتمام ایس سی پی ڈی ایم پورٹل پر اپ لوڈ کیا جائے گا۔

 

 

اس سال، ڈی او پی پی ڈبلیو نے اپیلوں سمیت 6500 عوامی شکایات کو نمٹانے کا ہدف مقرر کیا ہے۔ مہم کے دوران جائزہ لینے کے لیے 4384 طبعی فائلوں اور 5669 الیکٹرانک فائلوں کی نشاندہی کی گئی ہے۔

                               **************

ش ح۔ ف ش ع- م ر

13-09-2024

U: 10909

(Release ID: 2054717) Visitor Counter : 34