மத்திய புள்ளியியல் மற்றும் திட்ட அமலாக்க அமைச்சகத்தின் கீழ் இயங்கும் தேசிய மாதிரி ஆய்வு அலுவலகம், நிறுவன ஆய்வுகள் குறித்த பல்வேறு வர்த்தக அமைப்புகளுடனான மாநாட்டை  புதுதில்லியில் நடத்தியது. தொழில்துறை / நிறுவனங்களிலிருந்து தரவு சேகரிப்பை எளிதாக்குவதற்காக வரவிருக்கும் நிறுவன ஆய்வுகள் குறித்து விவாதிக்க வணிக சங்கங்கள் மற்றும் பங்குதாரர்களுடன் ஈடுபடுவதில் இந்த நிகழ்வு ஒரு குறிப்பிடத்தக்க  முயற்சியைக் குறித்தது.

இந்த மாநாடு  மத்திய புள்ளியியல் மற்றும் திட்ட அமலாக்க அமைச்சகத்தின் நிறுவனம் தொடர்பான  ஐந்து முக்கிய முன்முயற்சிகளில் கவனம் செலுத்தியது:

தொழில்துறை வருடாந்திர ஆய்வு

கூட்டிணைக்கப்படாத துறை நிறுவனங்களின் வருடாந்த ஆய்வு

சேவைத் துறை தொழில் முயற்சிகளின் வருடாந்திர ஆய்வு

தனியார் துறை மூலதன செலவு பற்றிய முன்னோக்கிய ஆய்வு

பொருளாதாரக் கணக்கெடுப்பு

இந்த ஆய்வுகள் இந்தியப் பொருளாதாரத்தின் விவசாயம் அல்லாத துறைகளின் விரிவான பார்வையை வழங்குவதற்காக வடிவமைக்கப்பட்டுள்ளன மற்றும் பாரிய பொருளாதார மதிப்பீடுகளுக்கு உதவும் மொத்த உள்நாட்டு உற்பத்தி புள்ளிவிவரங்களை தொகுப்பதற்கு இன்றியமையாதவை. மூலதன செலவு கணக்கெடுப்பு, தனியார் துறை முதலீட்டு முறைகளைக் கண்காணிப்பதை நோக்கமாகக் கொண்டுள்ளது. அதே நேரத்தில் பொருளாதார கணக்கெடுப்பு, முறையான மற்றும் முறைசாரா துறைகளில் உள்ள நிறுவனங்களின் மொத்த எண்ணிக்கையை விவரிக்கும், பொருளாதார செயல்பாடு மற்றும் உரிமையாளர் முறைகள் போன்ற முக்கியமான அளவுருக்களில் கவனம் செலுத்தும்.

 

 மத்திய புள்ளியியல் மற்றும் திட்ட அமலாக்க அமைச்சகத்தின்  செயலாளர் டாக்டர் சவுரப் கார்க், குறு, சிறு மற்றும் நடுத்தர தொழில்கள் அமைச்சகத்தின் செயலாளர் திரு. எஸ்.சி.எல். தாஸ், பல்வேறு அமைச்சகங்களின் பிரதிநிதிகள் மற்றும் வர்த்தக சங்கங்களின் உறுப்பினர்கள் நிகழ்ச்சியில் பங்கேற்றனர். இந்த மாநாடு எஃப்.ஐ.சி.சி.ஐ, சி.ஐ.ஐ, அசோசெம், ஐ.பி.எம்.ஏ, இந்திய குறு, சிறு மற்றும் நடுத்தர நிறுவனங்களின் சேம்பர் உள்ளிட்ட சுமார் 70 வர்த்தக சங்கங்களின் பிரதிநிதிகள் உட்பட சுமார் 170 பங்கேற்பாளர்களை ஒன்றிணைத்தது.

 

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்:

https://pib.gov.in/PressReleasePage.aspx?PRID=2054273

BR/KR

 

 

 

***

(Release ID: 2054397) Visitor Counter : 28