نیشنل ہیومن رائٹس کمیشن (این ایچ آر سی)، انڈیا نے ایک میڈیا رپورٹ کا ازخود نوٹس لیا ہے جس میں کہا گیا ہے کہ کمورام بھیم کے جینور قصبے میں قبائلی تنظیموں کے احتجاج کے درمیان فرقہ وارانہ کشیدگی اور تشدد کی صورت حال میں ایک خاتون کی عصمت دری اور قتل کی کوشش کی گئی تھی۔ آصف آباد ضلع، تلنگانہ 4 ستمبر 2024 کو کچھ دکانیں اور تجارتی ادارے جلا دیے گئے اور ایک مذہبی مقام پر پتھراؤ کیا گیا۔ انتظامیہ کو متاثرہ علاقے میں کرفیو اور انٹرنیٹ سروسز پر پابندی لگانی پڑی ، اضافی نفری بھی تعینات کر دی گئی۔ اطلاعات کے مطابق، ملزم کو گرفتار کر لیا گیا، اور برادریوں کے بزرگوں نے صورت حال پر قابو پالیا۔

کمیشن نے مشاہدہ  کیا ہے کہ اگر خبر کے مواد  درست ہیں تو یہ انسانی حقوق کی خلاف ورزی کا سنگین مسئلہ ہے۔اس نے چیف سکریٹری اور ڈائرکٹر جنرل آف پولیس، تلنگانہ کو نوٹس جاری کرتے ہوئے اس معاملے میں تفصیلی رپورٹ طلب کی ہے۔ اس میں ایف آئی آر کی حیثیت، متاثرہ کی صحت، ریاستی انتظامیہ کی طرف سے مشاورت اور معاوضے کی حیثیت بھی شامل ہونے کی امید ہے۔ اس کا جواب دو ہفتوں کے اندر  متوقع ہے۔

میڈیا رپورٹس کے مطابق 5 ستمبر 2024 کو ایک آٹو رکشہ ڈرائیور نے ایک خاتون  کے شور مچانے کی وجہ سے اس کے ساتھ زیادتی کرنے میں ناکام ہونے کے بعد اسے ڈنڈے سے پیٹ پیٹ  کر قتل کرنے کی کوشش کی  اور اسے سڑک پر بے ہوش چھوڑ دیا۔ خاتون کو ہسپتال لے جایا گیا اور ہوش میں آنے کے بعد اس نے پولیس کو واقعے کی اطلاع دی۔

****

ش ح۔ ف خ

(U: 10752)