نیلے آسمان کے لیے صاف ستھری ہوا کا بین الاقوامی دن (سوَچھ وایو دیوس)  جے پور میں 07.09.2024 کو منایا گیا جس میں ماحولیات، جنگلات اور موسمیاتی تبدیلی کے مرکزی وزیر جناب بھوپندر یادو اور راجستھان کے وزیر اعلیٰ جناب بھجن لال شرما نے بھی شرکت کی۔ ان کے علاوہ، حکومت راجستھان کے جنگلات، ماحولیات اور موسمیاتی تبدیلی کے وزیر مملکت جناب سنجے شرما اور حکومت راجستھان ریاستی شہری ترقی اور مقامی ازخود حکومت کے وزیر مملکت جناب جھابر سنگھ کھرّا  نے بھی شرکت کی۔ اس سال کی تقریب کا میزبان راجستھان ریاستی آلودگی کنٹرول بورڈ تھا۔

اس موقع پر، این سی اے پی پروگرام کے بنیادی مقصد کو پیش کرنے والی ایک دلچسپ ویڈیو دکھائی گئی جس میں متعلقہ ایجنسیوں  کے تعاون اور اس کے نتیجے میں 131 این سی اے پی شہروں میں ہوا کے معیار میں رونما ہوئی بہتری کو دکھایا گیا۔ اس میں بتایا گیا کہ 95 شہروں میں فضائی آلودگی میں کمی کے رجحانات کے ساتھ توجہ مرکوز کرنے والے اقدامات، وسائل کے ہم آہنگی اور موثر نگرانی کے مثبت نتائج سامنے آئے ہیں۔ بنیادی سال 2017-18 کے حوالے سے 51 شہروں نے پی ایم 10 کی سطح میں 20 فیصد سے زیادہ کی کمی دکھائی ہے اور ان میں سے 21 شہروں نے 40 فیصد سے زیادہ کی کمی حاصل کی ہے۔

اس موقع پر ’ قابل عمل تکنالوجیوں اور طور طریقوں کا مجموعہ: این سی اے پی شہروں سے حاصل ہونے والے اسباق ‘کے نام سے ایک دستاویز جاری کیا گیا جس میں مقامی پس منظر اور ضرورتوں کے مطابق فضا کی کوالٹی کو بہتر بنانے کے لیے شہروں کے ذریعہ انجام دی گئی پہل قدمیوں کی مثالیں پیش کی گئی ہیں۔ اس کے علاوہ جےپور نمائش اور کنونشن سینٹر ، میتری ون  میں ’’ایک پیڑ ماں کے نام‘‘ مہم کے تحت 100 پودے لگائے گئے۔

سوَچھ وایو سرویکشن ایوارڈس، سورت، جبل پور اور آگرہ کو زمرہ-1 (10 لاکھ سے زائد کی آبادی)؛ فیروز آباد، امراوتی اور جھانسی کو زمرہ 2 (3 اور 10 لاکھ کے درمیان آبادی)؛ اور رائے بریلی، نال گونڈا، اور نالاگڑھ کو زمرہ 3 (3 لاکھ کے اندر آبادی) کے تحت بہترین کارکردگی کے حامل این سی اے پی شہروں   کو دیے گئے۔ فاتح شہروں  کے میونسپل کمشنروں  کو نقد ی، ٹرافی اور سند کی شکل میں ایوارڈ سے نوازا گیا۔

جیتنے والے شہروں کو مبارکباد دیتے ہوئے اور دیگر این سی اے پی شہروں کی حوصلہ افزائی کرتے ہوئے، مرکزی وزیر برائے ماحولیات، جنگلات اور موسمیاتی تبدیلی، جناب بھوپیندر یادو نے کثیر حصہ داروں کی شراکت داری، کلین ایئر ناؤ میں سرمایہ کاری کو تقویت دینے اور فضائی آلودگی سے نمٹنے کے لیے ہماری مشترکہ ذمہ داری کو قبول کرنے کی ضرورت پر زور دیا۔ انہوں نے اجتماع کو یاد دلایا کہ ‘فطرت ہمیں اپنی بہترین چیز دیتی ہے۔ بدلے میں، ہمیں فطرت کو اپنا بہترین دینا چاہیے۔

انہوں نے چھوٹے شہروں اور قصبوں سمیت مختلف سٹریٹجک اقدامات جیسے کہ ہوا کے معیار کی پیشن گوئی کے لیے سنٹرل کمانڈ مانیٹرنگ کی سہولت، جن بھاگیداری اقدامات، تکنیکی مداخلت وغیرہ کو ہوا کے معیار کو بہتر بنانے کے لیے سراہا۔ اس میں شامل تمام ایجنسیوں کی اجتماعی کوشش ہے کہ بنیادی سال 2017 سے زیادہ تر این سی اے پی شہروں میں ہوا کا معیار بہتر ہوا ہے۔

انہوں نے نوجوان سائنس دانوں، محققین اور طلبا کو آئیڈیاز 4 لائف مہم میں حصہ لینے ، اور مشن لائف کے 7 موضوعات یعنی پانی کا تحفظ، توانائی کا تحفظ، کوڑا کرکٹ میں تخفیف، ای۔ فضلے میں تخفیف، سنگل یوز پلاسٹ کو نہ کہنے، پائیدار خوراک نظام کو اپنانے اور صحت مند طرزحیات کو اپنانے  سے متعلق اختراعی سجھاؤ/ حل پیش کرنے کے لیے ترغیب فراہم کی۔

انہوں نے مشن لائف ای اور ملک میں ماحولیاتی معیار کو بہتر بنانے کے لیے وزیر اعظم کے وژن کو عملی جامہ پہنانے کے عزم کا اعادہ کیا۔ انہوں نے بڑے پیمانے پر درخت لگانے کی مہم کے لیے راجستھان حکومت کو مبارکباد دی اور اس دن کی میزبانی کے لیے اظہار تشکر کیا۔

سوَچھ وایو دیوس کے موقع پر، مرکزی وزیر ماحولیات نے جے پور میں نیشنل کلین ایئر پروگرام (این سی اے پی) کی اعلیٰ کمیٹی کی چوتھی میٹنگ کی بھی صدارت کی۔ انہوں نے جے پور میں پودا بھی لگایا۔

اپنے خطاب میں، راجستھان کے وزیر اعلیٰ، جناب بھجن لال شرما نے صاف ستھرے اور سرسبز ماحول کے لیے وزیر اعظم کی اپیل کو تقویت دی، جیسا کہ سوچھ بھارت مشن اور 'ایک پیڑ ماں کے نام' جیسی مختلف اسکیموں اور اقدامات کے ذریعے ظاہر کیا گیا ہے ۔ انہوں نے بتایا کہ ریاست میں 07 کروڑ سے زیادہ پودے لگائے گئے ہیں اور انہوں نے اس کام کے لیے تمام تر محکموں کے جوش و خروش کے ساتھ کام کرنے کے لئے ان کا شکریہ ادا کیا۔

انہوں نے اس بات پر زور دیا کہ ثقافتی طور پر ہم معاشرے کا تحفظ کر رہے ہیں، فطرت کا احترام کرتے ہیں اور اپنے دریاؤں کی پوجا کرتے ہیں۔ ہمیں اسے ذہن میں رکھنا چاہیے اور زیادہ جامع، ماحول دوست طرز زندگی کو اپنانے کی کوشش کرنی چاہیے۔ اس سال کے جشن کے موضوع پر توجہ مرکوز کرتے ہوئے- 'صاف ہوا میں سرمایہ کاری کریں،' انہوں نے صاف ہوا اور زندگی کے بہتر معیار کو یقینی بنانے کے لیے اپنا وقت، وسائل اور کوششیں لگانے کی ضرورت پر زور دیا۔ انہوں نے ریاست راجستھان میں ہوا کے معیار کو بہتر بنانے کے لیے اٹھائے گئے مختلف اقدامات سے آگاہ کیا، جس میں پانچ غیر حاصل شدہ شہروں پر توجہ دی گئی۔ انہوں نے اعلان کیا کہ ریاست ایک ’گرین گروتھ بجٹ‘ تیار کرے گی اور الیکٹرک بسوں کو اہم انٹرسٹی اور انٹرسٹی روٹس پر چلانے کا منصوبہ بنایا گیا ہے۔

اس تقریب میں ایس پی سی بی/ پی سی سی کے چیئرمین اور رکن سکریٹریوں، این سی اے پی شہروں کے میونسپل کمشنر حضرات، مرکزی اور ریاستی حکومتوں اور شہری مقامی انجمنوں کے افسران، ماہرین، طلبا، نمائش کنندگان اور ورچووَل طریقے سے متعدد افراد نے  شرکت کی۔

**********

 (ش ح –ا ب ن)

U.No:10669