ಕೇಂದ್ರ ಸಾರ್ವಜನಿಕ ವಲಯದ ಉದ್ಯಮಗಳ (CPSEs) ವಾರ್ಷಿಕ ಕಾರ್ಯಕ್ಷಮತೆ ಪರಿಶೀಲನೆಯ ಸಮ್ಮೇಳನವು ಇಂದು ವೈಜ್ಞಾನಿಕ ಭವನದಲ್ಲಿ ನಡೆಯಿತು. ಈ ಸಮ್ಮೇಳನವನ್ನು ಭಾರೀ  ಕೈಗಾರಿಕಾ ಸಚಿವಾಲಯ (MHI) ಆಯೋಜಿಸಿತ್ತು. CPSE ಗಳು ತಮ್ಮ ಮೂಲ ಉದ್ದೇಶಗಳನ್ನು ಪರಿಣಾಮಕಾರಿಯಾಗಿ ಪೂರ್ಣಗೊಳಿಸುತ್ತಿವೆಯೋ ಎಂಬುದನ್ನು ಮೌಲ್ಯಮಾಪನ ಮಾಡುವ ಸಚಿವಾಲಯದ ನಿರಂತರ ಪ್ರಯತ್ನಗಳ ಭಾಗವಾಗಿ ಇದು  ನಡೆಯಿತುಕೇಂದ್ರ ಬೃಹತ್ ಕೈಗಾರಿಕೆ ಮತ್ತು ಉಕ್ಕು ಸಚಿವರಾದ ಶ್ರೀ ಎಚ್.ಡಿ. ಕುಮಾರಸ್ವಾಮಿ ಅವರು ಸಮ್ಮೇಳನದ ಅಧ್ಯಕ್ಷತೆ ವಹಿಸಿದ್ದರು. ಭಾರೀ ಕೈಗಾರಿಕೆ ಕಾರ್ಯದರ್ಶಿ ಶ್ರೀ ಕಾಮ್ರಾನ್ ರಿಜ್ವಿ, ಎಂಎಚ್ಐನ ಹಿರಿಯ ಅಧಿಕಾರಿಗಳು ಮತ್ತು ಈ ಸಚಿವಾಲಯದ ಆಡಳಿತ ನಿಯಂತ್ರಣದಲ್ಲಿರುವ ಸಿಪಿಎಸ್ಇಗಳ ಸಿಎಂಡಿಗಳು ಸಮ್ಮೇಳನದಲ್ಲಿ ಭಾಗವಹಿಸಿದ್ದರು.

ಈ ಸಂದರ್ಭದಲ್ಲಿ ತಮ್ಮ ಮುಖ್ಯ ಭಾಷಣ ಮಾಡಿದ ಕೇಂದ್ರ ಬೃಹತ್ ಕೈಗಾರಿಕೆ ಮತ್ತು ಉಕ್ಕು ಸಚಿವರಾದ ಶ್ರೀ ಎಚ್.ಡಿ. ಕುಮಾರಸ್ವಾಮಿ ಅವರು, ಪ್ರಧಾನಮಂತ್ರಿಯವರ ಕನಸಿಗೆ ಅದರಲ್ಲೂ ಇಂಜಿನಿಯರಿಂಗ್ ಮತ್ತು ವಾಹನ ವಲಯದಲ್ಲಿ ರೂಪುರೇಷೆ ನೀಡುವ ಹೊಣೆಗಾರಿಕೆ ಭಾರೀ ಕೈಗಾರಿಕೆ ಸಚಿವಾಲಯದ ಮೇಲಿದೆ ಎಂದು ಹೇಳಿದರು. ಇಂದು ಭಾರತವು ವಿಶ್ವದ ಐದು ಅತಿದೊಡ್ಡ ಆರ್ಥಿಕತೆಗಳಲ್ಲಿ ಒಂದಾಗಿದೆ. ಮುಂದಿನ ಕೆಲವು ವರ್ಷಗಳಲ್ಲಿ ಅದನ್ನು ಮೊದಲ ಮೂರು ಆರ್ಥಿಕತೆಗಳ ಸಾಲಿಗೆ ತರುವ ಗುರಿಯನ್ನು ಪ್ರಧಾನ ಮಂತ್ರಿ ಹೊಂದಿದ್ದಾರೆ ಮತ್ತು ಈ ನಿಟ್ಟಿನಲ್ಲಿ ನಮ್ಮ CPSE ಗಳು ದೊಡ್ಡ ಪಾತ್ರ ವಹಿಸಬಹುದು. CPSE ಗಳು ವೇಗವಾಗಿ ಮುಂದೆ ಸಾಗಬೇಕು ಮತ್ತು ದೇಶದ ಅಭಿವೃದ್ಧಿಯಲ್ಲಿ ತಮ್ಮ ಪಾತ್ರವನ್ನು ಹೆಚ್ಚಿಸಬೇಕು. ಈ ಅಭಿವೃದ್ಧಿಯು ಸುಸ್ಥಿರ ಮತ್ತು ಪರಿಸರ ಸ್ನೇಹಿಯಾಗಿರಬೇಕು ಎಂದು ಹೇಳಿದರು. 

ಸಚಿವಾಲಯವು CPSE ಗಳ ಕಾರ್ಯಕ್ಷಮತೆಯನ್ನು ಅವುಗಳ ಪ್ರಮುಖ ಉದ್ದೇಶಗಳನ್ನು ಸಾಧಿಸುವಲ್ಲಿ ಅವುಗಳ ಪರಿಣಾಮಕಾರಿತ್ವವನ್ನು ನಿರ್ಣಯಿಸಲು ನಿಯಮಿತವಾಗಿ ಮೌಲ್ಯಮಾಪನ ಮಾಡುತ್ತದೆ.  ಈ ಕಾರ್ಯಕ್ಷಮತೆ ಮೌಲ್ಯಮಾಪನವು ಕಂಪನಿಯ ಕಾರ್ಯನಿರ್ವಹಣೆ ಮತ್ತು ಸಾಧನೆಗಳನ್ನು ಪ್ರತಿಬಿಂಬಿಸುತ್ತದೆ. ಇದು CPSE ಗಳಿಗೆ ಸಾಧನೆಗಳು ಮತ್ತು ಫಲಿತಾಂಶಗಳ ಮೇಲೆ ಗಮನ ಹರಿಸಲು ಸಹಾಯ ಮಾಡುತ್ತದೆ.

ಪ್ರಧಾನಮಂತ್ರಿ ಶ್ರೀ ನರೇಂದ್ರ ಮೋದಿ ಅವರ ದೂರದೃಷ್ಟಿಯ ನಾಯಕತ್ವದಲ್ಲಿ, ನಮ್ಮ ರಾಷ್ಟ್ರವು ಸ್ವಾವಲಂಬಿ ಮತ್ತು ಆರ್ಥಿಕವಾಗಿ ಶಕ್ತಿಯುತ ಭಾರತವನ್ನು ನಿರ್ಮಿಸುವತ್ತ ಗಮನಾರ್ಹ ಪ್ರಯಾಣವನ್ನು ಆರಂಭಿಸಿದೆ ಎಂದು ಕೇಂದ್ರ ಸಚಿವರು ಹೇಳಿದರು. ಆಟೋ ಮತ್ತು ಆಟೋ ಘಟಕಗಳಂತಹ ವಲಯಗಳಿಗೆ ಪ್ರೊಡಕ್ಷನ್ ಲಿಂಕ್ಡ್ ಇನ್ಸೆಂಟಿವ್ (PLI) ಯೋಜನೆಗಳು , ಎಲೆಕ್ಟ್ರಿಕ್ ವಾಹನಗಳನ್ನು ಉತ್ತೇಜಿಸಲು ಎಸಿಸಿ (ACC) ಜೊತೆಗೆ ಫೇಮ್ (FAME) ಯೋಜನೆ , ಬಂಡವಾಳ ಸರಕುಗಳ ವೃದ್ಧಿ ಮುಂತಾದ ಸರ್ಕಾರದ ಉಪಕ್ರಮಗಳು ನಮ್ಮ ದೇಶೀಯ ತಯಾರಿಕಾ ಸಾಮರ್ಥ್ಯಗಳನ್ನು ಬಲಪಡಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿವೆ ಎಂದು ಹೇಳಿದರು.

ಕೇಂದ್ರ ಸಾರ್ವಜನಿಕ ವಲಯದ ಉದ್ಯಮಗಗಳು, ಉಪ್ಪು, ಚಹಾ ಉತ್ಪಾದನೆಯಿಂದ, ಗಡಿಯಾರಗಳು, ಸಿಮೆಂಟ್ ಮತ್ತು ಪ್ರತಿ ಮನೆಯಲ್ಲಿ ಬಳಸುವ ಕಾಗದದ ತಯಾರಿಕೆ, ಹಾಗೂ ಸೇತುವೆಗಳು, ಕಟ್ಟಡಗಳ ನಿರ್ಮಾಣ, ಟ್ರಾನ್ಸ್ ಫಾರ್ಮರ್ ಗಳು, ಬಾಯ್ಲರ್ ಗಳು, ಟರ್ಬೈನ್ ಗಳು, ಜನರೇಟರ್ ಗಳು, ವಾಲ್ವ್ ಗಳು, ವಿದ್ಯುತ್ ವಾಹನಗಳು, ಯಂತ್ರಗಳು ಮತ್ತು ಯಂತ್ರಗಳನ್ನು ತಯಾರಿಸುವ ಯಂತ್ರಗಳವರೆಗೆ ವಿಶಾಲ ವ್ಯಾಪ್ತಿಯ ಕ್ಷೇತ್ರಗಳಲ್ಲಿ ತೊಡಗಿಸಿಕೊಂಡಿವೆ.

ಈ ಕಾರ್ಯಕ್ಷಮತೆಯ ವಿಮರ್ಶೆಯನ್ನು ಮೆಮೊರಾಂಡಮ್ ಆಫ್ ಅಂಡರ್ಸ್ಟ್ಯಾಂಡಿಂಗ್ (MOU) ಮೌಲ್ಯಮಾಪನ ವ್ಯವಸ್ಥೆಯನ್ನು ಬಳಸಿಕೊಂಡು ನಡೆಸಲಾಯಿತು. ಇದು ಕಂಪನಿಯ ಗುರಿಗಳು ಮತ್ತು ಉದ್ದೇಶಗಳಿಗೆ ಸಂಬಂಧಿಸಿದಂತೆ ಕಂಪನಿಯ ಕಾರ್ಯಕ್ಷಮತೆಯನ್ನು ಪ್ರತಿಬಿಂಬಿಸುತ್ತದೆ. ಈ MoU ಮೌಲ್ಯಮಾಪನವು CPSE ಗಳು ಫಲಿತಾಂಶಗಳನ್ನು ಸಾಧಿಸುವುದರ ಮೇಲೆ ಕೇಂದ್ರೀಕರಿಸಲು ಸಹಾಯ ಮಾಡಿದೆ ಮತ್ತು ರಾಷ್ಟ್ರದ ಆದ್ಯತೆಗಳೊಂದಿಗೆ ತಮ್ಮ ಪ್ರಯತ್ನಗಳನ್ನು ಉತ್ತಮವಾಗಿ ಜೋಡಿಸಲು ಅನುವು ಮಾಡಿಕೊಟ್ಟಿದೆ. ಇಂದಿನ ವಿಮರ್ಶೆಯು ಸವಾಲುಗಳನ್ನು ಜಯಿಸಲು ಮತ್ತು ಉತ್ಕೃಷ್ಟತೆಯತ್ತ ಪ್ರಯಾಣವನ್ನು ಮುಂದುವರಿಸಲು ಮತ್ತು ಅನುಭವಗಳಿಂದ ಕಲಿಯಲು ಬಳಸಲ್ಪಡುತ್ತದೆ.  ಇದರಿಂದಾಗಿ ಸಾರ್ವಜನಿಕ ವಲಯದ ಕಂಪನಿಗಳು ದಕ್ಷತೆ, ನಾವೀನ್ಯತೆ ಮತ್ತು ರಾಷ್ಟ್ರದ ಸೇವೆಯ ಉಜ್ವಲ ಉದಾಹರಣೆಯಾಗಿದೆ.

ಇದಲ್ಲದೇ, ಪ್ರಧಾನಮಂತ್ರಿಯವರ 'ವಿಕಸಿತ ಭಾರತ-2047' ರ ದೃಷ್ಟಿಕೋನಕ್ಕೆ ಅನುಗುಣವಾಗಿ CPSE ಗಳು ಸ್ವದೇಶೀಕರಣದತ್ತ ನಿರಂತರವಾಗಿ ಕೆಲಸ ಮಾಡಬೇಕು , ಇದರಿಂದಾಗಿ ವೆಚ್ಚದ ಮಿತಿಮೀರಿದವುಗಳನ್ನು ತಪ್ಪಿಸಬಹುದು ಮತ್ತು ರಾಷ್ಟ್ರೀಯ ಪ್ರಾಮುಖ್ಯತೆಯ ಎಲ್ಲಾ ಯೋಜನೆಗಳನ್ನು ಸಮಯೋಚಿತವಾಗಿ ಪೂರ್ಣಗೊಳಿಸಬಹುದು ಎಂದು ಕೇಂದ್ರ ಭಾರೀ ಕೈಗಾರಿಕೆಗಳು ಮತ್ತು ಉಕ್ಕು ಸಚಿವರು ಹೇಳಿದರು.  CPSE ಗಳು ನಮ್ಮ ಆರ್ಥಿಕತೆಯ ಬೆನ್ನೆಲುಬು , ಅವು ಕೇವಲ ವಾಣಿಜ್ಯ ಘಟಕಗಳಲ್ಲ ಆದರೆ ನಿರ್ಣಾಯಕ ಮೂಲಸೌಕರ್ಯ, ಸೇವೆಗಳು ಮತ್ತು ಕೈಗಾರಿಕಾ ಸಾಮರ್ಥ್ಯಗಳನ್ನು ಒದಗಿಸುವ ಕಾರ್ಯತಂತ್ರದ ರಾಷ್ಟ್ರೀಯ ಸ್ವತ್ತುಗಳಾಗಿವೆ ಎಂದು ಅವರು ಹೇಳಿದರು. ಭಾರತದ ಅಭಿವೃದ್ಧಿ ಕಾರ್ಯಸೂಚಿಯನ್ನು ಬೆಂಬಲಿಸಲು , ನಮ್ಮ ಸ್ವಾವಲಂಬನೆಯನ್ನು ಹೆಚ್ಚಿಸಲು ಮತ್ತು ನಮ್ಮ ಜಾಗತಿಕ ಸ್ಪರ್ಧಾತ್ಮಕತೆಯನ್ನು ಬಲಪಡಿಸಲು ಅವರ ಕಾರ್ಯಕ್ಷಮತೆ ಮುಖ್ಯವಾಗಿದೆ ಎಂದು ಹೇಳಿದರು.

ಈ ಕಾರ್ಯಕ್ರಮದಲ್ಲಿ, ಬೃಹತ್ ಉದ್ಯೋಗಗಳು ಸಚಿವಾಲಯದ ಅಡಿಯಲ್ಲಿರುವ ಕೆಳಗಿನ CPSEಗಳ CMDಗಳು ‘MoU ಕಾರ್ಯಕ್ಷಮತೆ ಮತ್ತು ಮುಂದಿನ ದಾರಿ’ ಕುರಿತು ಪ್ರಸ್ತುತಿಗಳನ್ನು ನೀಡಿದರು:

•    ಭಾರತ್ ಹೆವಿ ಎಲೆಕ್ಟ್ರಿಕಲ್ಸ್ ಲಿಮಿಟೆಡ್ (BHEL)
•    ಬ್ರಿಡ್ಜ್ ಅಂಡ್ ರೂಫ್ ಕಂಪನಿ ಲಿಮಿಟೆಡ್
•    ಇಂಜಿನಿಯರಿಂಗ್ ಪ್ರಾಜೆಕ್ಟ್ಸ್ (ಇಂಡಿಯಾ) ಲಿಮಿಟೆಡ್ (EPIL)
•    ಬ್ರೈತ್ವೈಟ್ ಬರ್ನ್ & ಜೆಸ್ಸಪ್ ಕನ್ಸ್ಟ್ರಕ್ಷನ್ ಕಂಪನಿ ಲಿಮಿಟೆಡ್ (BBJ)
•    ಆಂಡ್ರ್ಯೂ ಯೂಲ್ & ಕಂಪನಿ ಲಿಮಿಟೆಡ್ (AYCL)
•    ಹೆವಿ ಇಂಜಿನಿಯರಿಂಗ್ ಕಾರ್ಪೊರೇಷನ್ ಲಿಮಿಟೆಡ್ (HEC)
•    ಸಿಮೆಂಟ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್ (CCI)
•    ಹೆಚ್‌ಎಂಟಿ ಲಿಮಿಟೆಡ್ (HMT)
•    ಹೆಚ್‌ಎಂಟಿ (ಇಂಟರ್ನ್ಯಾಷನಲ್) ಲಿಮಿಟೆಡ್
•    ಹೆಚ್‌ಎಂಟಿ ಮೆಷಿನ್ ಟೂಲ್ಸ್ ಲಿಮಿಟೆಡ್
•    ಹಿಂದೂಸ್ತಾನ್ ಸಾಲ್ಟ್ಸ್ ಲಿಮಿಟೆಡ್ (HSL)
•    ಸಂಭಾರ್ ಸಾಲ್ಟ್ಸ್ ಲಿಮಿಟೆಡ್ (SSL)
•    ರಾಜಸ್ಥಾನ ಎಲೆಕ್ಟ್ರಾನಿಕ್ಸ್ ಮತ್ತು ಇನ್ಸ್ಟ್ರುಮೆಂಟ್ಸ್ ಲಿಮಿಟೆಡ್ (REIL)
•    ಇನ್ಸ್ಟ್ರುಮೆಂಟೇಶನ್ ಲಿಮಿಟೆಡ್ (IL)
•    ಎನ್ಇಪಿಎ ಲಿಮಿಟೆಡ್

 

*****

(Release ID: 2050425) Visitor Counter : 64