2023, జులైలోని సూచికలతో పోలిస్తే 2024 జూలైలో ఎనిమిది కీలక పరిశ్రమల (ఎయిట్ కోర్ ఇండస్ట్రీస్- ఐసిఐ) ఉమ్మడి సూచిక 6.1 శాతం (తాత్కాలిక) పెరిగింది. ఉక్కు, విద్యుత్, బొగ్గు, రిఫైనరీ ఉత్పత్తులు, సిమెంటు, ఎరువుల ఉత్పత్తి జులై 2024లో సానుకూలంగా నమోదైంది. వార్షిక సూచికలు, నెలవారీ సూచికలు, పెరగుదల రేటు అనుబంధం-I, అనుబంధం-II లో ఉన్నాయి.

సిమెంటు, బొగ్గు, ముడిచమురు, విద్యుత్తు, ఎరువులు, సహజ వాయువు, రిఫైనరీ ఉత్పత్తులు, స్టీలు- ఈ ఎనిమిది  రంగాల వ్యక్తిగత పనితీరును ఐసీఐ లెక్కిస్తుంది. ఈ ఎనిమిది రంగాలూ పారిశ్రామిక ఉత్పత్తి సూచిక (ఇండెక్స్ ఆఫ్ ఇండస్ట్రియర్ ప్రొడక్షన్-ఐఐపీ)లో 40.27 శాతాన్ని ఆక్రమించాయి.

ఈ ఏడాది ఏప్రిల్ లో ఈ ఎనిమిది ప్రధాన పరిశ్రమల వృద్ధి రేటు సూచీ 6.9 శాతంగా నమోదైంది. 2024-25 ఏప్రిల్ నుండి జూలై వరకు ఐసిఐ సంచిత వృద్ధి రేటు గత సంవత్సరం సంబంధిత కాలంతో పోలిస్తే 6.1 శాతం (తాత్కాలికం).

ఎనిమిది ప్రధాన పరిశ్రమల సూచిక సారాంశం ఇది:

సిమెంటు:  సిమెంటు ఉత్పత్తి (వాటా: 5.37 శాతం) 2023 జూలై కంటే 2024 జూలైలో 5.5 శాతం పెరిగింది. దీని సంచిత సూచిక 2024-25 ఏప్రిల్ నుండి జూలై వరకు మునుపటి సంవత్సరం ఇదే కాలంతో పోలిస్తే 1.6 శాతం పెరిగింది.
 

బొగ్గు: బొగ్గు ఉత్పత్తి (వాటా: 10.33 శాతం) 2024 జూలైలో 6.8 శాతం పెరిగింది. దీని సంచిత సూచిక ఏప్రిల్ నుండి జూలై, 2024-25లో మునుపటి సంవత్సరం ఇదే కాలంతో పోలిస్తే 9.9 శాతం పెరిగింది.

ముడిచమురు: ముడి చమురు ఉత్పత్తి (వాటా: 8.98 శాతం) ఈ జూలైలో 2.9 శాతం క్షీణించింది. దీని సంచిత సూచీ ఏప్రిల్ నుండి జూలై, 2024-25లో మునుపటి సంవత్సరం ఇదే కాలంతో పోలిస్తే 1.3 శాతం క్షీణించింది. 

విద్యుత్తు:  విద్యుదుత్పత్తి (వాటా: 19.85 శాతం)  2023 జూలైతో పోలిస్తే ఈ జూలైలో 7.0 శాతం పెరిగింది. దీని సంచిత సూచిక 2024-25 ఏప్రిల్ నుండి జూలై వరకు మునుపటి సంవత్సరం ఇదే కాలంతో పోలిస్తే 9.9 శాతం పెరిగింది.

ఎరువులు:  ఎరువుల ఉత్పత్తి (వాటా: 2.63 శాతం) జూలై, 2024లో 5.3 శాతం పెరిగింది. దీని సంచిత సూచిక 2024-25 ఏప్రిల్ నుండి జూలై వరకు మునుపటి సంవత్సరంతో పోలిస్తే 1.3 శాతం పెరిగింది.

సహజ వాయువు: సహజ వాయువు ఉత్పత్తి (వాటా: 6.88 శాతం) 2023 జూలై కన్నా 2024లో 1.3 శాతం క్షీణించింది. దీని సంచిత సూచీ ఏప్రిల్ నుండి జూలై, 2024-25లో మునుపటి సంవత్సరం ఇదే కాలంతో పోలిస్తే 4.3 శాతం పెరిగింది. .

పెట్రోలియం రిఫైనరీ ఉత్పత్తులు: - పెట్రోలియం రిఫైనరీ ఉత్పత్తి (వాటా: 28.04 శాతం) 2023 జూలై కన్నా ఈ జూలైలో 6.6 శాతం పెరిగింది. దీని సంచిత సూచీ 2024-25 ఏప్రిల్ నుండి జూలై మధ్య కాలంలో మునుపటి కాలంతో పోల్చితే 2.3 శాతం పెరిగింది.

స్టీల్: స్టీలు ఉత్పత్తి (వాటా: 17.92 శాతం) 2023 జూలై కంటే ఈ జూలైలో 7.2 శాతం పెరిగింది. దీని సంచిత సూచీ ఏప్రిల్ నుండి జూలై, 2024-25లో మునుపటి సంవత్సరం ఇదే కాలంతో పోలిస్తే 7.6 శాతం పెరిగింది.

నోట్ 1: మే 2024, జూన్ 2024, జూలై 2024 సమాచారం తాత్కాలికం. కీలక పరిశ్రమల సూచికలను సమీక్షించడం లేదా నిర్ణయించడంగానీ సంబంధిత సంస్థల నుంచి సేకరించిన  తాజా సమాచారం ఆధారంగా ఉంటుంది.

నోట్2:  ఏప్రిల్ 2014 నుండి ఉన్న విద్యుదుత్పత్తి సమాచారాన్ని పునరుత్పాదక వనరుల నుంచి తీసుకుని, ఇందులో చేర్చాం.

నోట్3: ప్రతి పరిశ్రమ ప్రభావాన్ని ఐసీఐ సూచికలో 100కు సమానంగా చూసి దామాషా విధానంలో తీసుకున్నవి.

నోట్4: మార్చి 2019 నుంచి కోల్డు రోల్డు (సీఆర్) కాయిల్స్ విభాగంలో హాట్ రోల్డు పికిల్డ్ అండ్ ఆయిల్డ్ అనే కొత్త స్టీలు ఉత్పత్తి వచ్చింది. దీని సమాచారం ‘‘మొత్తం స్టీలు ఉత్పత్తి’’లో భాగంగా చేర్చాం.

నోట్5: ఆగస్టు 2024 సూచికలను 30వ తేదీ (సోమవారం) 2024న విడుదల చేస్తాం.

 

***

(Release ID: 2050340) Visitor Counter : 89