ಭಾರತದ ಕಲ್ಲಿದ್ದಲು ಕ್ಷೇತ್ರವನ್ನು ಪರಿವರ್ತಿಸುವ ನಿರಂತರ ಪ್ರಯತ್ನದಲ್ಲಿ, ಕೇಂದ್ರ ಸರ್ಕಾರವು ಮೂಲಸೌಕರ್ಯ ಅಭಿವೃದ್ಧಿಯನ್ನು ವೇಗಗೊಳಿಸುವ ಮತ್ತು ಪ್ರಮುಖ ಪಾಲುದಾರರ ನಡುವೆ ಸಹಯೋಗವನ್ನು ಬೆಳೆಸುವ ಸಮಗ್ರ ತಂತ್ರವನ್ನು ರೂಪಿಸುತ್ತಿದೆ. ಈ ಯೋಜನೆಯು ಸರ್ಕಾರದ ದೊಡ್ಡ ಗುರಿಯಾದ ಭಾರತವನ್ನು ಕಲ್ಲಿದ್ದಲು ಉತ್ಪಾದನೆ ಮತ್ತು ಸಾಗಾಣಿಕೆಯಲ್ಲಿ ವಿಶ್ವದ ಪ್ರಮುಖ ರಾಷ್ಟ್ರವನ್ನಾಗಿ ಮಾಡುವ ದೃಷ್ಟಿಯಲ್ಲಿ ಒಂದು ಪ್ರಮುಖ ಹೆಜ್ಜೆಯಾಗಿದೆ. ಅಲ್ಲದೆ 2047 ರೊಳಗೆ ಸಮೃದ್ಧ ಮತ್ತು ಅಭಿವೃದ್ಧಿ ಹೊಂದಿದ ರಾಷ್ಟ್ರವಾಗುವ ಗುರಿಗೆ ಸಹಕಾರಿಯಾಗಿದೆ.

ಭಾರತದ ಇಂಧನ ಭದ್ರತೆಯನ್ನು ಬಲಪಡಿಸಲು ಮತ್ತು ದೇಶದ ವಿದ್ಯುತ್ ಸ್ಥಾವರಗಳು ಮತ್ತು ಕೈಗಾರಿಕೆಗಳ ಹೆಚ್ಚುತ್ತಿರುವ ಬೇಡಿಕೆಗಳನ್ನು ಪೂರೈಸಲು ಕಲ್ಲಿದ್ದಲಿನ ಸ್ಥಿರ ಮತ್ತು ವಿಶ್ವಾಸಾರ್ಹ ಪೂರೈಕೆಯನ್ನು ಖಚಿತಪಡಿಸಿಕೊಳ್ಳಲು, ದೃಢವಾದ ಕಲ್ಲಿದ್ದಲು ರಫ್ತು ಜಾಲವು ನಿರ್ಣಾಯಕವಾಗಿದೆ. ಈ ಜಾಲವನ್ನು ವಿಸ್ತರಿಸುವ ಮಹತ್ವದ ಕ್ರಮವಾಗಿ, ಕಲ್ಲಿದ್ದಲು ಸಚಿವಾಲಯವು ನಿರ್ಣಾಯಕ ಸರಕು ಸಾಗಣೆ ಯೋಜನೆಗಳನ್ನು ಅಭಿವೃದ್ಧಿಪಡಿಸುವುದರ ಮೇಲೆ ಕೇಂದ್ರೀಕರಿಸುವ ದೀರ್ಘಾವಧಿಯ ಯೋಜನೆಯನ್ನು ಪ್ರಕಟಿಸಿದೆ. ಈ ಪ್ರಯತ್ನವು "ಸಮಗ್ರ ಯೋಜನೆ ಮತ್ತು ಸಮಕಾಲೀನ ಸಮಯಬದ್ಧ ಅನುಷ್ಠಾನ" ಎಂಬ ಪ್ರಧಾನಮಂತ್ರಿ ಗತಿ ಶಕ್ತಿ ದೃಷ್ಟಿಕೋನಕ್ಕೆ ಅನುಗುಣವಾಗಿದೆ. ಇದು ವಿಕಸಿತ ಭಾರತ 2047ರ ಮಹತ್ವಾಕಾಂಕ್ಷೆಯ  ದೃಷ್ಟಿಕೋನವನ್ನು ಸಾಕಾರಗೊಳಿಸುವಲ್ಲಿ ಪ್ರಮುಖ ವಿಧಾನವಾಗಿದೆ.

ಈ ಯೋಜನೆಯ ಭಾಗವಾಗಿ, ಕಲ್ಲಿದ್ದಲು ಸಚಿವಾಲಯವು ಕಲ್ಲಿದ್ದಲು ಸಾಗಾಣಿಕೆ ಯೋಜನೆಯಡಿ 38 ಪ್ರಮುಖ ರೈಲು ಯೋಜನೆಗಳನ್ನು ಗುರುತಿಸಿದೆ. ಇವುಗಳನ್ನು ರೈಲ್ವೆ ಸಚಿವಾಲಯದೊಂದಿಗೆ ಸಂಯೋಜಿಸಿ ವೇಗವಾಗಿ ಮುಂದುವರಿಸಲಾಗುತ್ತದೆ. ರೈಲು ಸಂಪರ್ಕವನ್ನು ಸುಧಾರಿಸಲು, ಸಕಾಲಿಕ ಕಲ್ಲಿದ್ದಲು ಪೂರೈಕೆಯನ್ನು ಖಾತ್ರಿಪಡಿಸಲು ಮತ್ತು ಸಾಗಾಣಿಕೆ ವೆಚ್ಚವನ್ನು ಕಡಿಮೆ ಮಾಡಲು ಈ ಯೋಜನೆಗಳು ಅಗತ್ಯವಾಗಿವೆ. ಇದರಿಂದಾಗಿ ದೇಶಾದ್ಯಂತ ಕಲ್ಲಿದ್ದಲು ಸಾಗಾಣಿಕೆಯ ಒಟ್ಟಾರೆ ದಕ್ಷತೆ ಹೆಚ್ಚಾಗುತ್ತದೆ.

ಈ ಆದ್ಯತೆಯ ಯೋಜನೆಗಳ ಪೈಕಿ, ಸರ್ಕಾರವು ಇತ್ತೀಚೆಗೆ ಒಡಿಶಾದಲ್ಲಿ ಎರಡು ಮಹತ್ವದ ರೈಲು ಯೋಜನೆಗಳನ್ನು ಅನುಮೋದಿಸಿದೆ ಅವುಗಳೆಂದರೆ ಸರ್ದೇಗಾ-ಭಾಲುಮುಡಾ ಡಬಲ್ ಲೈನ್ ಮತ್ತು ಬರ್ಗಢ್  ರಸ್ತೆ-ನವಾಪರ ರಸ್ತೆ ಸಿಂಗಲ್ ಟ್ರ್ಯಾಕ್.

37.24 ಕಿಮೀ ಉದ್ದದ ಸರ್ದೇಗಾ-ಭಾಲುಮುಡಾ ಹೊಸ ಡಬಲ್ ಲೈನ್, ಐಬಿ ವ್ಯಾಲಿ ಮತ್ತು ಮಾಂಡ್-ರಾಯಗಢ ಕೋಲ್ ಫೀಲ್ಡ್ ವಿವಿಧ ಕಲ್ಲಿದ್ದಲು ಬ್ಲಾಕ್ಗಳ ಮೂಲಕ ಹಾದುಹೋಗುತ್ತದೆ. ಇದು ಮಹಾನದಿ ಕೋಲ್ ಫೀಲ್ಡ್ಸ್ ಲಿಮಿಟೆಡ್ (ಎಂಸಿಎಲ್) ಮತ್ತು ಹಲವಾರು ಖಾಸಗಿ ಗಣಿಗಳಿಂದ ನಿರ್ವಹಿಸಲ್ಪಡುವ ಗಣಿಗಳಿಂದ ಕಲ್ಲಿದ್ದಲನ್ನು ಸ್ಥಳಾಂತರಿಸಲು ಅನುಕೂಲವಾಗುತ್ತದೆ.  ಈ ಯೋಜನೆಯು ನಿರ್ದಿಷ್ಟವಾಗಿ ಸಮರ್ಥನೀಯವಾಗಿದೆ. ಏಕೆಂದರೆ ಇದು ಸರ್ದೇಗಾದಿಂದ ಉತ್ತರ ಭಾರತದ ವಿದ್ಯುತ್ ಘಟಕಗಳಿಗೆ ಸಾಗಾಣಿಕಾ ದೂರವನ್ನು ಕಡಿಮೆ ಮಾಡುತ್ತದೆ. ಇದರಿಂದ ದಕ್ಷತೆಯನ್ನು ಹೆಚ್ಚಿಸುತ್ತದೆ.

ಅದೇ ರೀತಿ, 138.32 ಕಿಮೀ ಉದ್ದದ ಬರ್ಗದ್ ರೋಡ್-ನವಾಪರ ರೋಡ್  ಹೊಸ ಸಿಂಗಲ್ ಟ್ರ್ಯಾಕ್ ತಾಲ್ಚೆರ್ ಕೋಲ್ ಫೀಲ್ಡ್‌ನಿಂದ ಕಲ್ಲಿದ್ದಲು ಸ್ಥಳಾಂತರಿಸುವಿಕೆಯನ್ನು ಗಣನೀಯವಾಗಿ ಸುಧಾರಿಸುತ್ತದೆ. ಇದು ನಾಗ್ಪುರ ಮತ್ತು ಪಶ್ಚಿಮ ಪ್ರದೇಶಗಳಿಗೆ ನೇರ ಮತ್ತು ಅಲ್ಪಾವಧಿಯ ಮಾರ್ಗವನ್ನು ಒದಗಿಸುತ್ತದೆ. ಈ ಯೋಜನೆಯು ಲಾಜಿಸ್ಟಿಕ್ಸ್ ವೆಚ್ಚವನ್ನು ಗಣನೀಯವಾಗಿ ಕಡಿಮೆ ಮಾಡುತ್ತದೆ ಮತ್ತು ತಾಲ್ಚೆರ್ ಪ್ರದೇಶದಿಂದ ಕಲ್ಲಿದ್ದಲು ಸಾಗಾಟದ ಒಟ್ಟಾರೆ ದಕ್ಷತೆಯನ್ನು ಸುಧಾರಿಸುತ್ತದೆ ಎಂದು ನಿರೀಕ್ಷಿಸಲಾಗಿದೆ.

ಕಲ್ಲಿದ್ದಲು ಸಚಿವರಾದ ಶ್ರೀ ಜಿ ಕಿಶನ್ ರೆಡ್ಡಿಯವರ ದೂರದೃಷ್ಟಿಯ ಮಾರ್ಗದರ್ಶನದ ಅಡಿಯಲ್ಲಿ ಕಲ್ಲಿದ್ದಲು ಸಚಿವಾಲಯವು ಈ ಮತ್ತು ಇತರ ನಿರ್ಣಾಯಕ ಯೋಜನೆಗಳನ್ನು ತ್ವರಿತವಾಗಿ ಮುಂದುವರಿಸಲು ಬದ್ಧವಾಗಿದೆ. ಇದು ಭಾರತದ ಕಲ್ಲಿದ್ದಲು ಕ್ಷೇತ್ರಗಳ ಪ್ರಸ್ತುತ ವಿದ್ಯುತ್ ಬೇಡಿಕೆಗಳನ್ನು ಪೂರೈಸುವುದು ಮಾತ್ರವಲ್ಲದೆ 2047ರ ವೇಳೆಗೆ ಸುಸ್ಥಿರ ಮತ್ತು ಅಭಿವೃದ್ಧಿ ಹೊಂದಿದ ರಾಷ್ಟ್ರಕ್ಕಾಗಿ ಅಡಿಪಾಯವನ್ನೂ ಹಾಕುತ್ತದೆ.

*****