রেলৱে মন্ত্রালয়
কেবিনেতনা ইন্দিয়ন রেলৱেগী অনৌবা লাইন অনি অমসুং মলতি ত্রেকিং প্রোজেক্ত অমা অয়াবা পীখ্রেঃ মসিনা কন্নেক্তিবিতী পীগনি, চত্থোক চৎশিন নুংঙাইহনগনি, লোজিস্তিক্সকী অচঙবা শেল হন্থগনি, থাউ পুশিল্লকপা হন্থগনি অমসুং সি.ও.২ থাদোকপা হন্থগনি
অপুনবা এস্তিমেত তৌবা প্রোজেক্তকী শেনফম অসি লুপা করোর ৬,৪৫৬ নি (চাউরাক্না অমসুং ২০২৮-২৯ ফাওবদা লোইশিনগনি
প্রোজেক্ত অসিনা শেম্লিঙৈ মরক্তা লাখ ১১৪ (চাম্ম তরামরি)গী মেন দেরোমগী হকথেংননা ইমপ্লোইমেন্ত পীগনি
Posted On:
28 AUG 2024 3:26PM by PIB Imphal
প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেবিনেত কম্মিতী ওন একনোমিক এফিয়র্স (সি.সি.ই.এ.)না রেলৱে মন্ত্রালয়গী প্রোজেক্ত ৩ (অহুম) লুপা করোর ৬৪৫৬ কী চাউরাকপা শেনফমগী অচঙবা শেলগা লোইননা অয়াবা পীখ্রে।
অয়াবা পীরবা রোজেক্তশিং অসিনা শম্নদনা লৈরম্বা মফমশিং শম্নদুনা লোজিস্তিকেল ইফিসিএন্সী হেনগৎহনগনি, হৌজিক লৈরিবা লাইন কেপাসিতী হেনগৎকনি অমসুং ত্রান্সপোর্তেসন নেৎৱার্কশিং হেনগৎকনি, স্ত্রীম্লাইন তৌরবা সপ্লাই চেন অমসুং খোঙজেল য়াঙখৎলবা শেন্মিৎলোনগী চাউখৎপা পুরকপা ঙমগনি।
অনৌবা লাইন প্রোপোজেলশিং অসিনা হকথেংননা কনেক্তিবিতী পীগনি অমসুং মোবিলিতী ফগৎহন্দুনা ইন্দিয়ন রেলৱেগী ইফিসিএন্সী ওইবা অমসুং সর্ভিস রিলাইএবিলিতী হেনগৎকনি। মলতি ত্রেকিং প্রোপোজেল অসিনা থবক তৌবদা কোমহনগনি অমসুং চিনবা হন্থদুনা তঙাইফদবা ইনফ্রাস্ত্রকচরগী ওইবা চাউখৎপা ইন্দিয়ন রেলৱেগী খ্বাইদগী চিল্লবা মফমশিংদফাওবা পুরকই। প্রোজেক্তশিং অসি প্রধান মন্ত্রী শ্রী নরেন্দ্র মোদীজিগী লমদম অসিগী মীয়াম্বু থবক পীবা/ইশানা ইশাবু থবক পীজবগী খুদোংচাবগা লোইননা "আত্মনির্ভর" ওইহন্নবগী মঙলানগা তুননা চৎলি।
প্রোজেক্তশিং অসি পি.এম. গতি শক্তি নেসনেল মাস্তর প্লান ফোর মলতি-মোদাল কনেক্তিবিতীগী মহৈনি, মসি ইন্তিগ্রেতেদ প্লান্নিংনা ওইথোকহল্লি অমসুং মসিনা মীয়াম, পোৎচৈ অমসুং সর্ভিসশিং পুথোক পুশিন লেপতনা তৌবা য়াহনগনি।
রাজ্য ৪ হায়বদি ওরিশা, ঝার্খন্দ, নোংচুপ বেঙ্গাল অমসুং ছতিশগরগী জিলা ৭ কোনশিল্লিবা প্রোজেক্ত ৩ (অহুম) অসিনা ইন্দিয়ন রেলৱেগী হৌজিক লৈরিবা নেৎৱার্ক অসিদগী কিলোমিতর ৩০০ লোম হেনগৎহনগনি।
প্রোজেক্তশিং অসিগা লোইননা, অনৌবা স্তেসন ১৪ শেমগৎকনি, মসিনা এস্পিরেসনেল দিস্ত্রিক্ত ২ (অনি) (নুৱাপদ অমসুং নোংপোক সিংবুম)দা কনেক্তিবিতী পীগনি। অনৌবা লাইন প্রোজেক্তশিং অসিনা চাউরাক্না খুঙ্গং ১,৩০০ অমসুং মীওই লাখ ১১দা কনেক্তিবিতী পীগনি। মলতি ত্রেকিং প্রোজেক্ত অসিনা খুঙ্গং ১,৩০০ অমসুং মীওই লাখ ১৯ লোমদা কনেক্তিবিতী পীগনি।
হায়রিবশিং অসি পোৎচৈশিং হায়বদি লৌউশিংউগী পোত্থোক, ফর্তিলাইজর, কোল, আইরন ওর, স্তীল, সিমেন্ত, লাইমস্তোন অসিনচিংবশিংগী পুথোক পুশিনগী তঙাইফদবা লম্বী ওইগনি। কেপাসিতী ওগমেন্তেসনগী থবকশিংনা মেগনিচুদ ৪৫ এম.তি.পি.এ. (মিলিয়ন তন পর এন্নম)গী অহেনবা ফ্রৈত ত্রাফিক পুরকপা ঙমগনি। রেলৱেজনা অকোইবদা শোক্তবা অমসুং এনর্জী ইফিসিএন্ত ওইবা ত্রান্সপোর্তেসনগী মোদ অমা ওইবগা লোইননা ক্লাইমেত গোল ফংবদা অমসুং লৈবাক অসিগী লোজিস্তিক্সকী অচঙবা শেনফম হন্থহনবদা মতেং ওইগনি, থাউ পুশিল্লকপা হন্থগনি (করোর লিতর ১০) অমসুং সি.ও.২ থাদোকপা (করোর ২৪০ কিলো) হন্থগনি, মসি উ পাম্বী করোর ৯.৭ থাবগা মান্নরিবনি।
*****
(Release ID: 2049545)
Visitor Counter : 35