ہنر کے فروغ  اور صنعت کاری کے مرکزی وزیر مملکت جناب جینت چودھری نے آج ممبئی میں سیون میں تجدید شدہ نیشنل اسکل ٹریننگ انسٹی ٹیوٹ (این ایس ٹی آئی) کا افتتاح کیا۔ اس موقع پر مہاراشٹرحکومت کے   ہنر مندی ، صنعت کاری، روزگار اور اختراع کے وزیر جناب   منگل پربھات لودھا بھی موجود تھے۔

نئی عمارت کے افتتاح کے موقع پر اظہار خیال کرتے ہوئے، ہنر مندی کے فروغ  اور صنعت کاری کے مرکزی وزیر مملکت (آزادانہ چارج )، جناب جینت چودھری نے کہا، ’’یہ بڑی خوشی کا لمحہ ہے کہ اس 60 سال پرانے  باوقار ادارہ کو اب ایک نئی عمارت مل گئی ہے۔ ہمارے شراکت دار ٹاٹا بھی آج یہاں موجود ہیں اور ہنرمندی کے انڈین انسٹی ٹیوٹ  کو اسی احاطے میں بنایا جا رہا ہے۔

ہنر مندی کی اہمیت کو بیان کرتے ہوئے وزیر موصوف نے کہا،‘‘وزیر اعظم جناب نریندر مودی نے لال قلعہ کی فصیل سے ہنر مندی کے بارے میں جوش و خروش سے بات کی اور اس کے نتیجے میں اس شعبے کو نئی توانائی ملی ہے۔ ہمیں ہنر مندی کو آرزو مند بنانا ہے۔ ہمیں ایک ایسا ماحول بنانا ہوگا جہاں 12ویں کے بعد کوئی بچہ ڈگری کے بجائے پیشہ ورانہ کورس یا مختصر مدت کاآئی ٹی آئی  کورس کرنے کی خواہش کرے۔ اگر کوئی ممبئی یونیورسٹی میں انڈر گریجویٹ کورس کر رہا ہے، تو اسے معلوم ہونا چاہیے کہ نیشنل کریڈٹ فریم ورک کے تحت طلباء کو 50فیصد اکیڈمک کریڈٹس کی سہولت دی گئی ہے جس کے ساتھ انٹرنشپ یا اپرنٹس شپس کے 50% کریڈٹ شامل ہیں۔ اس نئی بیداری  کوپیدا کرنے کی ضرورت ہے۔’’

ہنر مندی کے بنیادی ڈھانچے کی حالت کے بارے میں بات کرتے ہوئے،جناب چودھری نے کہا، ’’مہاراشٹر میں 1000 سے زیادہ آئی ٹی آئیز ہیں جو ملک میں آئی ٹی آئی کے تقریباً 66 فیصد کے برابر ہیں۔ یہ ہم سب کے لیے ایک بڑی ذمہ داری ہے اور ہمیں ان آئی ٹی ایس کی اصلاح کرنی چاہیے، عالمی معیار کا بنیادی ڈھانچہ فراہم کرنا چاہیے اور اپنے اساتذہ کو صنعت کی ضروریات کے مطابق تربیت دینا چاہیے۔’’

ہنر مند افرادی قوت کی تخلیق میں صنعت کے کردار پر بات کرتے ہوئے وزیر برائے ہنر مندی اور کاروباری شخصیت نے اظہار خیال کیا، ‘‘صنعت ، مہاراشٹرا میں بھی بہت اہم کردار ادا کرتی ہے جو ملک کا مالیاتی دارالحکومت ہے۔ ہمارے صنعتی شراکت دار آج اپرنٹس لے رہے ہیں اورسی ایس آر کے ذریعے سیکٹر میں پیسہ بھی لگا رہے ہیں۔ اگر صنعت عالمی سطح پر مقابلہ کرنا چاہتی ہے تو افرادی قوت کی ترقی پر توجہ دینی ہوگی۔وزیرموصوف نے کہاکہ  میں کارپوریٹ  شراکتداروں کو مبارکباد دیتا ہوں جو اپنی سماجی ذمہ داری سے آگاہ ہیں۔ ہمیں مل کر کوشش کرنی چاہیے اور مل کر ہمیں ترقی کرنی چاہیے اور 2047 تک ہندوستان کو ایک ترقی یافتہ ملک بنانے کی ہماری خواہش پوری ہو سکتی ہے اگر ہم اجتماعی طور پر آگے بڑھیں۔

اس موقع پر، این ایس ٹی آئی  اورڈی وی ای ٹی ، بی اے آرسی ، ایم ڈی ایل جیسے  اداروں کے علاوہ  متعدد ریاستی محکموں کے درمیان ہنر مندی کے لیے مختلف مفاہمت ناموں کا تبادلہ ہوا۔ یہ معاہدے ہنر  مندی پر مبنی تعلیم میں این ایس ٹی آئی  ممبئی کی قیادت کو تقویت دیتے ہیں اور انسٹی ٹیوٹ کی خصوصی تربیت اور ہنر مندی کے فروغ کے پروگراموں کی فراہمی کی صلاحیت میں مزید اضافہ کریں گے، اور میدان میں سب سے آگے اپنی پوزیشن کو مستحکم کریں گے۔

ہنر مندی  کی ترقی کے وزیر مملکت نے دیگر معززین کے ساتھ مرمت شدہ ورکشاپ سیکشن یعنی موٹر مکینک وہیکل سیکشن اور ویلڈر سیکشن کا بھی افتتاح کیا۔

جناب  جینت چودھری اور جناب منگل پربھات لودھا نے ٹاٹا-آئی آئی ایس لیب این ایس  کا دورہ بھی کیا جس میں ٹرینیز کے ساتھ بات چیت کی گئی۔

تقریب کا تعارفی خطاب ڈائریکٹر جنرل (ٹریننگ)، ڈی جی ٹی، ایم ایس ڈی ای، نئی دہلی، محترمہ ترشالجیت سیٹھی نے پیش کیا۔ شکریہ کا ووٹ آر ڈی ایس ڈی ای، مہاراشٹرا اور گوا کے علاقائی ڈائریکٹر  جناب  سی ایس مورتی،کی طرف سے دیاگیا۔  

تجدید شدہ بنیادی ڈھانچے  کے بارے میں؛

حالیہ برسوں میں، این ایس ٹی آئی  ممبئی نے انتظامی عمارت اور مختلف حصوں کی تزئین و آرائش پر اپنے بنیادی ڈھانچے کو اپ گریڈ کرنے میں خاطر خواہ سرمایہ کاری کی ہے۔ مزید برآں، ایس ٹی آرآئی وی ای  پروجیکٹ کے تحت عالمی بینک کی فنڈنگ ​​سے نئی مشینری منگوائی گئی ہے، جس سے ویلڈر، موٹر مکینک وہیکل اور ٹرنر سیکشنز میں نمایاں اضافہ ہوا ہے۔ ان اپ گریڈس کا آج افتتاح کیا گیا۔

نیشنل اسکل ٹریننگ انسٹی ٹیوٹ کے بارے میں؛

ممبئی میں نیشنل اسکل ٹریننگ انسٹی ٹیوٹ (این ایس ٹی آئی)،جو  ڈائریکٹوریٹ جنرل آف ٹریننگ، وزارت اسکل ڈیولپمنٹ اینڈ انٹرپرینیورشپ، حکومت ہند کے تحت ایک اہم ادارہ ہے ، صنعتوں کے لیے ہنر مند افرادی قوت تیار کرنے اور صنعتی تربیت کے لیے تدریسی عملے کو تربیت دینے کے راستے پر گامزن ہے۔ ادارے (آئی ٹی آئیز) وزیر اعظم کے اسکل انڈیا اور میک ان انڈیا مشن کے ایک حصے کے طور پر، این ایس ٹی آئی  ممبئی عالمی معیار کے مطابق اپنی سہولیات کو بڑھانے اور اپ گریڈ کرنے کے تئیں پرعزم ہے۔

60 سال سے زیادہ عرصے سے، این ایس ٹی آئی  ممبئی مہارت کی نشوونما میں سب سے آگے رہا ہے، جو کہ مختصر مدت اور طویل مدتی دونوں طرح کے کورسز پیش کرتا ہے۔ انسٹی ٹیوٹ آئی بی آیم  کےا شراک سے  10 کرافٹسمین انسٹرکٹر ٹریننگ ا سکیم (سی آئی ٹی ایس) ٹریڈز، 3 کرافٹسمین ٹریننگ سکیم (سی ٹی ایس) ٹریڈز اور آئی ٹی ، نیٹ ورکنگ اور کلاؤڈ کمپیوٹنگ میں ڈپلومہ فراہم کرتا ہے۔ الیکٹریشن، فٹر، ٹرنر، اور ویلڈنگ جیسی مشہورکاروبار کے ساتھ، این ایس ٹی آئی  ممبئی مختلف پروگراموں میں ہر سال تقریباً 600 ٹرینیز کو راغب کرتا ہے۔ مزید برآں، انسٹی ٹیوٹ 13 مختلف شعبوں میں قلیل مدتی تربیت فراہم کرتا ہے، جس میں ایک سے چار ہفتوں تک کے پروگرام ہوتے ہیں، جو صنعت کی ضروریات کو پورا کرنے کے لیے تیار کیے گئے ہیں۔

این ایس ٹی آئی  ممبئی ہنر پر مبنی تعلیم کو آگے بڑھانے اور ایک اعلیٰ ہنر مند افرادی قوت پیدا کر کے قوم کی ترقی میں  تعاون دینے  کے لیے وقف ہے۔

ضمیمہ :

حسب ذیل مفاہمت ناموں کا تبادلہ  این ایس ٹی آئی ممبئی کے ساتھ کیاگیا

 

 

**********

 

(ش ح ۔ح ا۔ع آ)

U-10236

(Release ID: 2049036) Visitor Counter : 41