এনিমেল হজবেন্দরী অমসুং দেরিয়িংগী য়ুনিয়ন সেক্রেতরী শ্রীমতী অলকা উপাধ্যায়না ঙসি নই দিল্লীগী পুসাদা রিজনেল রিভ্যু মীফম অমা চেয়র লৌখ্রে। মীফম অসিদা অসাম, অরুনাচল প্রদেশ, মনিপুর, মিজোরাম, নগালেন্দ, সিক্কিম অমসুং ত্রিপুরা য়াওনা অৱাং নোংপোক রাজ্যশিংগী এনিমেল হজবেন্দরী অমসুং দেরিয়িং বিভাগতগী এদিস্নেল চিফ সেক্রেতরীশিং, প্রিন্সিপাল সেক্রেতরীশিং, সেক্রেতরীশিং, দাইরেক্তরশিং অমসুং স্কিম ওফিসরশিংনা তোঙান তোঙানবা দিপার্তমেন্তেল প্রোগ্রামশিং অমসুং স্কিমশিংগী প্রোগ্রেসতা খন্ন-নৈনখি।

মীফম মনুংদা সেক্রেতরী সুশ্রী উপাধ্যায়না রাস্ত্রিয়া গোকুল মিসন, নেস্নেল লাইবস্তোক মিসনগী মখাদা ওন্ত্রেপ্রেন্যুরশিপ দেবেলপমেন্ত, নেস্নেল এনিমেল দিজিজ কন্ত্রোল প্রোগ্রাম অমসুং নেস্নেল প্রোগ্রাম ফোর দেরী দেবেলপমেন্ত য়াওনা তোঙান তোঙানবা মরুওইবা স্কিমশিংগী ফিজিকেল অমসুং ফাইনান্সিয়েল প্রোগ্রেসশিং রিভ্যু তৌখি।

সেক্রেতরী সুশ্রী উপাধ্যায়না ওফিসিয়েলশিংবু অৱাংনোংপোক রাজ্যশিংগী তোপ তোপ্পা মহৌশাগী ওইবা ফিভম য়েংদুনা প্রদক্তিব বোবিনসগী মশিং হেনগৎনবা অমসুং ফোদ্দরগী অৱাৎপা লৈহন্দনবগীদমক লোকেল স্ত্রেতেজীশিং মশক খংদোক্নবা খংহনখি। মহাক্না শঙ্গোম খোমজিনবা, ইংথন্দুনা থম্বা, প্রোসেসিং অমসুং তেস্তিংগীদমক এন.পি.দি.দি. স্কিমগী মখাদা শেমখিবা ইনফ্রাস্ত্রকচর য়ারিবমখৈ শিজিন্নবগী মথৌতাবদু ফোংদোকখি।

মীফম অসিনা নেস্নেল লাইবস্তোক মিসনগী ওন্ত্রেপ্রেন্যুরশিপ দেবেলপমেন্ত প্রোগ্রামশিংগী মখাদা ফার্মশিং লিংখৎপদা রাজ্যশিংনা হোৎনরিবশিংবু থাগৎপসু ফোংদোকখি। সুশ্রী উপাধ্যায়না স্কিমশিং অসিগী মখাদা ফংলিবা খুদোংচাবশিং অমসুং শেলগী তেংবাবু য়ারিবমখৈ শিজিন্ননবা রাজ্যশিংবু থৌগৎখি।

মহাক্না রাজ্যশিংবু বেনেফিসরীশিংগী মরক্তা রিলাইন্দ এনিমেল হজবেন্দরী ইনফ্রাস্ত্রকচর দেবেলপমেন্ত ফন্দ স্কিম এক্তিব ওইনা প্রমোত তৌদুনা মসিগী কানবা হেনগৎহন্নবা অমসুং ওন্ত্রেপ্রেন্যুরশিপ থৌগৎনবা মখা তানা তকশিনখি। মীফম মনুংদা রাজ্যশিংনা মখোয়গী অনৌবা ইনিসিয়েতিবশিং অমসুং খ্বাইদগী ফবা প্রেক্তিসশিং লানথোকখি।

মীফম লোইশিল্লদুনা সুশ্রী অলকা উপাধ্যায়না ২১শুবা লাইবস্তোক সেনসস মায় পাক্না পাংথোক্নবগীদমক স্তেকহোল্দর পুম্নমক্কী অপুনবা থৌদাংদা অকনবা ৱাফম থমখি। মহাক্না এনিমেল হজবেন্দরী সেক্তরগীদমক তুংগী পোলিসীশিং অমসুং প্রোগ্রামশিং য়াৎপদা সেন্সস অসিগী মরুওইবা থৌদাং অদু হায়লাইত তৌখি।

শন, ইরোই, য়াও অমসুং হমেংশিংগীদমক থা তরুক খুদিংগী ওইবা তিকা থাবগী ওইরিবা ফিভমদা খন্নবগা লোয়ননা ফুত-এন্দ-মাউথ দিজিজ অমসুং ব্রুসেলোসিস অসিনচিংবা মরুওইবা লাইনাশিংগী মায়োক্তা তিকা থাবদা মীৎয়েং থম্লিবা ভারত সরকারগী মরুওইবা এন.এ.দি.সি.পি. স্কিম রিভ্যু তৌখি। অতোপ্পা তোপিকশিংদা এনিমেল দিজিজ কন্ত্রোল তৌনবগীদমক রাজ্যশিংদা তেংবাংগী মখাদা কম্পোনেন্তশিং, মোবাইল ভেতনরী য়ুনিৎশিং মথৌ তৌহনবা অমসুং “পশুকল্যান সমিতীশিং” লিংখৎপা য়াওরি।  

মরুওইবা শরুক য়াখিবশিংদা এদিস্নেল সেক্রেতরী সুশ্রী বর্শা জোশি, এনিমেল হজবেন্দরী কমিস্নার দা. অভিজিৎ মিত্র, জোইন্ত সেক্রেতরী সুশ্রী সুপর্না পচৌরি, এদভাইজর (স্তেতেতিক্স) শ্রী জগৎ হজারিকা অমসুং ভারত সরকারগী এনিমেল হজবেন্দরী অমসুং দেরিয়িং বিভাগক্তগী অতোপ্পা মকোকথোংবা ওফিসিয়েলশিং য়াওখি।

*****

(Release ID: 2048756) Visitor Counter : 36