হাউশিং অমসুং অর্বান পোবর্তী এল্লিবেসন মন্ত্রালয়
মন্ত্রী-মন্দলনা স্তেসন 31গা লোয়ননা 44.65 km ওইবা বেঙ্গলোর মেত্রো রেল প্রোজেক্ত ফেস-3 প্রোজেক্তকী কোরিদোর অনি অয়াবা পীখ্রে
ফেস-3গী অপুনবা প্রোজেক্ত লোইশিনবদা চংগদবা শেনফম অসি লুপা করোর 15,611 ওইগনি মসি 2029 ফাওবদা মথৌ তৌবা হৌগনি
কোরিদোর-1 অসি স্তেসন 21 কোনশিন্দুনা 32.15 Km শাংবগা লোয়ননা জে.পি. নগর 4শুবা ফেসতগী আউতর রিং রোদ ৱেস্ত ফাওরগা কেম্পাপুরা ফাওবা ওইগনি
কোরিদোর-2 অসি স্তেসন 9 কোনশিন্দুনা 12.50 Km শাংবগা লোয়ননা হোসাহল্লিদগী মগদি রোদ ফাওরগা করবগেরে ফাওবা ওইগনি
বেঙ্গলুরু সহরদা 220.20 Kmগী মেত্রো রেল নেৎৱার্ক লৈরগনি
এয়রপোর্ত অমসুং আউতর রিং রোদ ইস্তকী দাইরেক্ত কন্নেক্তিবিতী অসিনা মরু ওইবা IT ক্লস্তরশিং ফাওনরিবা অমসুং সহরগী তোঙান-তোঙানবা শরুকশিংগী কন্নেক্তিবিতী পীরিবা লোইনাইদবা রিং ওইরগনি
Posted On:
16 AUG 2024 8:12PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা স্তেসন 31গা লোয়ননা 44.65 km শাংবা ইলিভেতেদ কোরিদোর অনিগা লোয়ননা বেঙ্গলোর মেত্রো রেল প্রোজেক্তকী ফেস-3 অয়াবা পীখ্রে। কোরিদোর-1 অসি স্তেসন 21 কোনশিন্দুনা 32.15 Km শাংবগা লোয়ননা জে.পি. নগর 4শুবা ফেসতগী (আউতর রিং রোদ ৱেস্ত ফাওরগা) কেম্পাপুরা ফাওবা ওইগনি অমসুং কোরিদোর-2 অসি স্তেসন 9 কোনশিন্দুনা 12.50 Km শাংবগা লোয়ননা হোসাহল্লিদগী (মগদি রোদ ফাওরগা) করবগেরে ফাওবা ওইগনি।
ফেস-3 ওপরেস্নেলাইজেসন তৌবদা বেঙ্গলুরু সহরদা এক্তিব মেত্রো রেল নেৎৱার্ক 220.20km লৈরগনি।
প্রোজেক্ত অসিগী অপুনবা চংগদবা শেনফম অসি লুপা করোর 15,611 ওইরি।
প্রোজেক্তকী কান্নবা:
বেঙ্গলোর মেত্রো রেল প্রোজেক্তকী ফেস-3 অসিনা সহরগী ইনফ্রাস্ত্রকচর দিবেলপমেন্তদা অচৌবা খুমাং চাউশিনবা ওইরি। ফেস-3না সহর অসিদা মেত্রো রেল নেৎৱার্ক্কী অচৌবা পাকথোক চাউথোকপা অমা ওইরি।
কন্নেক্তিবিতী হেনগৎহনবা:
ফেস-3না চাউরাক্না 44.65 Kmগী অনৌবা মেত্রো লাইনশিং হাপচিল্লগনি, মসিনা হান্ননা মপুং ফানা সর্ব তৌখিদবা মফমশিং ওইরিবা বেঙ্গালুরু সহরগী নোংচুপ থংবা শরুকপু শম্নহল্লগনি। ফেস-3দা সহর অসিগী মরুওইবা মফমশিং ইন্তিগ্রেৎ তৌগনি মসিগী মনুংদা বেন্নরঘত্তা রোদ অমসুং আউতর রিং রোদতা লৈরিবা পীনয়া ইন্দস্ত্রীএল এরিয়া, IT ইন্দস্ত্রীশিং, তুমকুরু রোদ অমসুং ORR দা লৈবা তেক্সতাইল অমসুং ইঞ্জিনীয়রিং আইতেম মেনুফেকচরিং য়ুনিৎশিং, ভারত ইলেক্ত্রোনিক্স লিমিতেদ (BEL), PES য়ুনিভর্সিতী, অম্বেদকর কোলেজ, পোলিতেক্নিক কোলেজ, KLE কোলেজ, দয়ানন্দসগর য়ুনিভর্সিতী, ITI অসিগুম্বা মরু ওইবা এজুকেস্নেল ইন্সতিত্যুসনশিং য়াওরি। ফেস-3গী কোরিদোরশিং অসিনা সহর অসিগী খা থংবা শরুক, আউতর রিং রোদ ৱেস্ত, মগদি রোদ অমসুং তোঙান তোঙানবা মফমশিংদা কন্নেক্তিবিতীসু ফংহল্লি, মসিনা সহর অসিগী অপুনবা কন্নেক্তিবিতী হেনগৎহল্লি। কম্মর্সিএল সেন্তরশিং, ইন্দস্ত্রীএল হবশিং, এজুকেস্নেল ইন্সতিত্যুসনশিং অমসুং হেল্থকেয়র ফেসিলিতীশিংদা লাস্ত মাইলগী কন্নেক্তিবিতী ফগৎলকপনা রেসিদেন্তশিংদা হেন্না ফবা এক্সেস ফংহনগনি।
ত্রাফিক চিনবদা হন্থরকপা:
মেত্রো রেল অসি ইফিসিএন্ত অল্তর্নেতিব রোদ ত্রান্সপোর্ত অমা ওইনা অমসুং ফেস-3না বেঙ্গালুরু সহরদা মেত্রো রেল নেৱার্ক পাকথোক চাউথোকহনবনা ত্রাফিক্কী খুদোংচাদবশিং কোকহল্লগনি হায়না পানরি অমসুং মসিনা আউতর রিং রোদ ৱেস্ত, মগাদি রোদ অমসুং সহর অসিগী অতোপ্পা মরুওইবা লম্বীশিংগী য়াম্না মীচিনবা মফমশিংদা মরু ওইনা কান্নবা পীরগনি। রোদ ত্রাফিক হন্থবনা ভেহিকলশিংবু হেন্না কোম্না চৎথোক-চৎশিন তৌবা, চৎথোক-চৎশিন তৌবদা চংবা মতম হন্থহনবা, অপুনবা রোদ সেফতী হেনগৎহনবা অসিনচিংবা ঙম্লগনি।
অকোইবগী ফীভমদা পীরিবা কান্নবশিং:
ফেস-3 মেত্রো রেল প্রোজেক্ত হাপচিনবা অমসুং বেঙ্গলোর সহরদা মেত্রো রেল নেৎৱার্ক হেনগৎহনবা অসিনা ত্রেদিস্নেল ফোসিল ফ্যুলদা য়ুম্ফম ওইবা ত্রান্সপোর্তকা চাংদম্নবদা কার্বন থাদোকপা চাউনা হন্থহনবা ঙমগনি।
ইকনোমিক গ্রোথ:
চৎথোক-চৎশিন তৌবদা চংবা মতম হন্থহনবা অমসুং সহরগী তোঙান তোঙানবা শরুকশিংদা এক্সেস হেনগৎহনবা অসিনা মীওইশিংবু মখোয়গী থবক মফমশিংদা হেন্না নীংথিনা চৎপা য়াহন্দুনা পোত্থোক পুথোকপা হেনগৎহনবা ঙম্মি। ফেস-3 শাবদা অমসুং মথৌ পাংথোকপদা তোঙান তোঙানবা সেক্তরশিংদা কন্সত্রক্সন ৱার্করশিংদগী এদমিনিস্ত্রেতিব স্তাফ অমসুং মেনতেন্সন পর্সনেল ফাওবা য়াওনা থবক কয়া ফংলগনি। মসিগা লোয়ননা, হেন্না ফবা কন্নেক্তিবিতী অসিনা লোকেল বিজিনেসশিংবু পুক্নিং থৌগৎপা ঙমগনি, মরুওইনা অনৌবা মেত্রো স্তেসনশিংগী মনাক্তা লৈবা মফমশিংদা, মসিনা হান্না এক্সেসিবল ওইরমদবা মফমশিংদা শেল থাদবা অমসুং চাউখৎপা পুরকপা ঙমগনি।
খুন্নাইদা পীবা কান্নবা:
বেঙ্গলোরদা ফেস-3 মেত্রো রেল নেৎৱার্ক পাকথোক চাউথোকহনবনা পব্লিক ত্রান্সপোর্তকীদমক হেন্না থোং মান্নবা খুদোংচাবা ফংহল্লগনি। মসিনা তোঙান তোঙানবা সোসিও-ইকনোমিক গ্রুপশিংদা কান্নবা ফংহল্লগনি অমসুং ত্রান্সপোর্তকী খেন্নবা হন্থহল্লগনি। মসিনা চৎথোক-চৎশিন তৌবগী মতম হন্থহন্দুনা অমসুং তঙাই ফবা সর্ভিসশিং এক্সেস তৌবা হেনগৎহন্দুনা পুন্সি মহিংগী থাক ৱাংখৎহল্লগনি।
মলতি-মোদেল ইন্তিগ্রেসন & লাস্ত মাইল কন্নেক্তিবিতী:
মল্তি-মোদেল ইন্তিগ্রেসন অসি জে.পি.নগর 4শুবা ফে, জে.পি.নগর, কামাক্য, মৈসুর রোদ, সুমনাহল্লী, পীনয়া, BEL সর্কল, হেব্বল, কেম্পপুরা, হোসাহল্লীদা মফম 10দা থৌরাং তৌরি অমসুং মসিদা হৌজিক লৈরিবা অমসুং শেমগৎলিবা মেত্রো স্তেসনশিং, BMTC বস স্তেসনশিং, ইন্দিয়ন রেলৱে স্তেসনশিং, প্রপোজ তৌরিবা সবঅর্বান (K-RIDE) স্তেসনশিংগা ইন্তরচেঞ্জশিং ফংহল্লি।
ফেস-3গী স্তেসন পুম্নমক্তা দিদিকেতেদ বস বেশিং, পিক অপ অমসুং দ্রোপ ওফ বেশিং, পেদস্ত্রিয়ন পাথশিং, IPT/ওতো রিক্ষো স্তেন্দশিং লৈহন্নবা থৌরাং তৌরি। BMTC না হৌজিক মথৌ তৌরিবা মেত্রো স্তেসনশিংদা ফিদর বসশিং চেলহনবা হৌখ্রে অমসুং মসি ফেস-3 স্তেসনশিংদসু চেলহনগনি। মরুওইবা স্তেসন 11দা পার্কিংগী খুদোংচাবা ফংহনখ্রে। ফেস-1 অমসুং ফেস-2গী হৌজিক লৈরিবা স্তেসনশিং অসি ফেস-3গী প্রপোজ তৌরিবা স্তেসনশিংগা পুনশিন্নগনি। FoB/স্কাইৱাকশিংগী খুত্থাংদা রেলৱে স্তেসন অনি (লোত্তেগোল্লাহালি অমসুং হেব্বল) দা দাইরেক্ত কন্নেক্তিবিতী লৈহনগনি। ফেস-3গী মেত্রো স্তেসনশিংদা, বাইকশিং অমসুং সাইকলশিং শেয়র তৌনবা ফেসিলিতীসু লৈরে।
![](https://static.pib.gov.in/WriteReadData/userfiles/image/image001MGTZ.png)
*****
(Release ID: 2046211)
Visitor Counter : 3