وزیراعظم جناب نریندر مودی کی صدارت میں مرکزی کابینہ نے آج بنگلور میٹرو ریل پروجیکٹ کے تیسرے مرحلے کو منظوری دے دی جس میں 31 اسٹیشنوں کے ساتھ 44.65 کلومیٹر طویل دو ایلیویٹیڈ کوریڈور ہوں گے۔ کوریڈور -1 جے پی نگر چوتھے مرحلے سے کیمپاپورہ (آؤٹر رنگ روڈ ویسٹ کے ساتھ) تک 22 اسٹیشنوں کے ساتھ 32.15 کلومیٹر کی لمبائی کے لیے اور کوریڈور -2 9 اسٹیشنوں کے ساتھ 12.50 کلومیٹر کی لمبائی کے لیے ہوسہلی سے کڈباگیرے (مگڈی روڈ کے ساتھ) تک ہے۔

فیز 3 کے آپریشنل ہونے پر بنگلورو شہر میں 220.20 کلومیٹر کا فعال میٹرو ریل نیٹ ورک ہوگا۔

اس پروجیکٹ کی تکمیل کی کل لاگت 15,611 کروڑ روپے ہے۔

منصوبے کے فوائد:

بنگلور میٹرو ریل پروجیکٹ کا تیسرا مرحلہ شہر کے بنیادی ڈھانچے کی ترقی میں اہم پیش رفت کی نمائندگی کرتا ہے۔ فیز 3 شہر میں میٹرو ریل نیٹ ورک کی ایک بڑی توسیع کے طور پر کام کرتا ہے۔

بہتر رابطے:

فیز 3 میں تقریباً 44.65 کلومیٹر نئی میٹرو لائنیں شامل کی جائیں گی ، جو بنگلورو شہر کے مغربی حصے کو جوڑیں گی جو پہلے خدمات سے محروم تھیں۔ فیز 3 میں شہر کے اہم علاقوں کو ضم کیا جائے گا جس میں پینیا انڈسٹریل ایریا، بنرگھٹا روڈ اور آؤٹر رنگ روڈ پر آئی ٹی صنعتیں، تمکورو روڈ اور او آر آر پر ٹیکسٹائل اور انجینئرنگ آئٹم مینوفیکچرنگ یونٹس، بھارت الیکٹرانکس لمیٹڈ (بی ای ایل)، پی ای ایس یونیورسٹی، امبیڈکر کالج، پولی ٹیکنیک کالج، کے ایل ای کالج، دیانند ساگر یونیورسٹی، آئی ٹی آئی وغیرہ جیسے بڑے تعلیمی ادارے شامل ہیں۔ فیز 3 کوریڈور شہر کے جنوبی حصے، آؤٹر رنگ روڈ ویسٹ، مگاڈی روڈ اور مختلف مضافات کو بھی رابطہ فراہم کرتا ہے، جس سے شہر میں مجموعی رابطے میں اضافہ ہوتا ہے۔ تجارتی مراکز، صنعتی مراکز، تعلیمی اداروں اور صحت کی دیکھ بھال کی سہولیات تک بہتر رابطے سے رہائشیوں کو بہتر رسائی میں سہولت ملے گی۔

ٹریفک کے ہجوم میں کمی:

بنگلورو شہر میں میٹرو ریل نیٹ ورک کی توسیع کے طور پر ایک موثر متبادل سڑک نقل و حمل کے طور پر اور تیسرے مرحلے کے ساتھ میٹرو ریل سے ٹریفک کی بھیڑ کو کم کرنے کی توقع ہے اور یہ خاص طور پر آؤٹر رنگ روڈ ویسٹ ، مگڈی روڈ اور شہر کی دیگر اہم شاہراہوں کے بھاری گنجان راستوں پر اثر انداز ہوگا۔ سڑک ٹریفک میں کمی سے گاڑیوں کی ہموار نقل و حرکت ، سفر کے وقت میں کمی ، مجموعی طور پر روڈ سیفٹی میں اضافہ ہوسکتا ہے۔

ماحولیاتی فوائد:

فیز 3 میٹرو ریل پروجیکٹ کا اضافہ اور بنگلورو شہر میں مجموعی طور پر میٹرو ریل نیٹ ورک میں اضافہ ، روایتی فوسل ایندھن پر مبنی نقل و حمل کے مقابلے میں کاربن کے اخراج کو نمایاں طور پر کم کرسکتا ہے۔

اقتصادی ترقی:

سفر کے اوقات میں کمی اور شہر کے مختلف حصوں تک بہتر رسائی افراد کو اپنے کام کی جگہوں تک زیادہ موثر طریقے سے پہنچنے کی سہولت دے کر پیداواری صلاحیت میں اضافہ کر سکتی ہے۔ فیز 3 کی تعمیر اور آپریشن سے تعمیراتی کارکنوں سے لے کر انتظامی عملے اور دیکھ بھال کے عملے تک مختلف شعبوں میں بے شمار ملازمتیں پیدا ہوں گی۔ اس کے علاوہ، بہتر رابطے مقامی کاروباروں کو متحرک کرسکتے ہیں، خاص طور پر نئے میٹرو اسٹیشنوں کے قریب کے علاقوں میں جو پہلے سے کم قابل رسائی علاقوں میں سرمایہ کاری اور ترقی کو بھی راغب کرسکتے ہیں۔

سماجی اثرات:

بنگلورو میں تیسرے مرحلے کے میٹرو ریل نیٹ ورک کی توسیع سے عوامی نقل و حمل تک زیادہ مساوی رسائی حاصل ہوگی ، جس سے متنوع سماجی و اقتصادی گروپوں کو فائدہ ہوگا اور نقل و حمل کے تفاوت کو کم کیا جاسکے گا جس سے سفر کے اوقات کو کم کرکے اور ضروری خدمات تک رسائی کو بہتر بنا کر زندگی کے اعلی معیار میں مدد ملے گی۔

ملٹی ماڈل  مربوطیت اور آخری میل تک رابطہ:

ملٹی ماڈل انٹیگریشن کی منصوبہ بندی جے پی نگر چوتھے مرحلے، جے پی نگر، کامکیا، میسور روڈ، سمنہلی، پینیا، بی ای ایل سرکل، ہیبل، کیمپاپورہ، ہوسہلی میں 10 مقامات پر کی گئی ہے اور موجودہ اور زیر تعمیر میٹرو اسٹیشنوں، بی ایم ٹی سی بس اسٹینڈز، انڈین ریلوے اسٹیشنوں، مجوزہ مضافاتی (کے-رائیڈ) اسٹیشنوں کے ساتھ انٹرچینج فراہم کرے گا۔

فیز 3 کے تمام اسٹیشنوں پر بس بے، پک اپ اور ڈراپ آف بے، پیدل چلنے والے راستے، آئی پی ٹی / آٹو رکشہ اسٹینڈ ز کی تجویز دی گئی ہے۔ بی ایم ٹی سی پہلے ہی آپریشنل میٹرو اسٹیشنوں کے لیے فیڈر بسیں چلا رہا ہے اور اسے فیز 3 اسٹیشنوں تک بھی بڑھایا جائے گا۔ 11 اہم اسٹیشنوں پر پارکنگ کی سہولیات فراہم کی گئی ہیں۔ فیز 1 اور فیز 2 کے موجودہ اسٹیشنوں کو فیز 3 کے مجوزہ اسٹیشنوں کے ساتھ مربوط کیا گیا ہے۔ ایف او بی / اسکائی واک کے ذریعے دو ریلوے اسٹیشنوں (لوٹی گولہالی اور ہیبل) سے براہ راست رابطہ قائم کیا گیا ہے۔ فیز 3 میٹرو اسٹیشنوں پر بائیک اور سائیکل شیئرنگ کی سہولت بھی فراہم کی گئی ہے۔

***

(ش ح – ع ا – ع ر)

U. No. 9915