نیشنل کول انڈیکس (عارضی) نے جون 2024 میں 142.13 پوائنٹس پر 3.48 فیصد کی نمایاں کمی ظاہر کی ہے جبکہ جون 2023 میں یہ 147.25 پوائنٹس تھی۔ یہ نمایاں کمی بازار  میں کوئلے کی بڑھتی ہوئی مانگ  کو پورا کرنے کے لیے مناسب دستیابی کی نشاندہی کرتی ہے۔

نیشنل کول انڈیکس (این سی آئی) ایک قیمت پر مبنی  اشاریہ ہے جو تمام سیلز چینلز سے کوئلے کی قیمتوں کو یکجا کرتا ہے، یعنی مطلع شدہ قیمت، نیلامی کی قیمت اور درآمدی قیمت۔ یہ مختلف درجات کے کوکنگ اور نان کوکنگ کوئلے کی قیمتوں پر غور کرتا ہے جو ریگولیٹڈ (بجلی اور کھاد) اور غیر ریگولیٹڈ سیکٹرز میں لین دین کیا جاتا ہے۔

مالی سال 2017-18 کے بنیادی سال کے ساتھ قائم کیا گیا، این سی آئی،  بازار کی حرکیات کے ایک قابل اعتماد اشارے کے طور پر کام کرتا ہے، جو قیمتوں کے اتار چڑھاؤ کے بارے میں قابل قدر معلومات فراہم کرتا ہے۔

نیشنل کول انڈیکس

(عارضی)

اس کے علاوہ، کوئلے کی نیلامی میں پریمیم صنعت کی نبض کو ظاہر کرتے ہیں، اور کوئلے کی نیلامی کے پریمیم میں زبردست کمی مارکیٹ میں کوئلے کی مناسب دستیابی کی تصدیق کرتی ہے۔ گزشتہ سال کی اسی مدت کے مقابلے جون 2024 کے دوران ملک کی کوئلے کی پیداوار میں 14.58 فیصد کا متاثر کن اضافہ کوئلے پر انحصار کرنے والے مختلف شعبوں کو مستحکم فراہمی کو یقینی بناتا ہے، جس سے ملک کی مجموعی توانائی کی حفاظت میں نمایاں طور پر تعاون ہوتا ہے۔

این سی آئی کا نیچے کی طرف بڑھنا ایک زیادہ منصفانہ مارکیٹ کی عکاسی کرتا ہے، جو رسد اور طلب کی حرکیات کو ہم آہنگ کرتا ہے۔ کوئلے کی مناسب دستیابی کے ساتھ، ملک نہ صرف بڑھتی ہوئی ضروریات کو پورا کر سکتی ہے بلکہ اپنی طویل مدتی توانائی کی ضروریات کو بھی پورا کر سکتی ہے، اس طرح کوئلے کی ایک زیادہ لچکدار اور پائیدار صنعت کو تقویت دی جا سکتی ہے اور قوم کے لیے ایک خوشحال مستقبل کو فروغ دیا جا سکتا ہے۔

۔۔۔۔۔۔۔۔۔۔۔

ش ح۔ش  ت۔ن ا۔

U-9895