Ka tnat Statistics and Programme Implementation (MoSPI) ka la pynlong ia ka Conference of Central and State Statistical Organizations (CoCSSO) kaba 28 ha ka 12-13 tarik u Nailar 2024 ha ka Dr. Ambedkar International Centre, Janpath, New Delhi, bad kane ka la kut ha ka 13 tarik u Nailar, 2024. Ha kane ka Conference la wan iashim bynta da ki nongmihkhmat na palat 30 tylli ki tnat Sorkar Pdeng, kumba 29 tylli ki Sorkar Jylla / UT, ki kynhun bapher bapher kum ka Reserve Bank of India (RBI), Indian Statistical Institute (ISI), Council of Scientific and Industrial Research (CSIR), Indian Agricultural Statistics Research Institute (IASRI), Indian Council of Agricultural Research (ICAR), PHD Chamber of Commerce & Industry (PHDCCI), ki kynhun jong ki ri kum ka World Bank, ki agency ka UN bad kiwei kiwei kiba iadon bynta ha kane ka kam.

Ka prokram pynkut ha ka 13 tarik u Nailar ka dei ka dak jong ka jingkut ki ar sngi jong ki jingiamir jingmut halor ka phang – Pyndonkam ia ka Data ban shim ia ki rai – ka jingpynkhlain ia ki Statistical System jong ki Jylla. Ha kane ka conference, ki la don ki jingiamir jingmut halor ki thup bapher bapher kiba iadei bad ka Sorkar Pdeng bad ki Sorkar Jylla / UT kum ka kam rep bad ka kam ri jingri, ki thong Sustainable Development Goal, ki Sample Survey, ki National & Regional Account, ka jingkyrshan na ka bynta ka jingpynkhlain ia ka kam Statistics ha ki jylla bad ka jingtyrwa ban pynkylla ia kane, ka Internal Quality Assessment Framework, Consumer Price Index, Index of Industrial Production, Social Statistics, ka jingkyntiew ia ki bortreikam, Economic Census & Enterprise Surveys, Environment Statistics, IT initiatives, Data & Meta Data Standards, Members of Parliament Local Area Development Scheme, ki sienjam ba thymmai na ka bynta ka Infrastructure & Project Monitoring, ka jingai ia ka data bad kiwei kiwei.

U Rao Inderjit Singh, Myntri Khynnah (Independent Charge) ka tnat Statistics and Programme Implementation; Myntri Khynnah (Independent Charge) ka tnat Planning bad u Myntri Khynnah ka tnat Deiriti, u la plié paidbah ia kane ka conference ha ka 12 tarik u Nailar, 2024. Ha ka jingai jingkren, u la ban jur halor ka kam jong ka Tnat MoSPI, ki tnat Sorkar Pdeng bad Sorkar Jylla ban pynbiang ia ka data kaba bha ha ka rukom iatreilang ban pynthikna ka jinglah buddien ia ka jingthmu ‘Vikisit Bharat@2047’ jong u Myntri Rangbah Duh.

U Prof. Rajeeva Laxman Karandikar, Chairman, National Statistical Commission, ha ka jingai jingkren, u la kdew sha ka jingdonkam ban ioh suk bad pyndonkam ia ki dataset ba la pynmih lyngba ka GSTN, UPI Payment Gateways, E-way bills, bad kiwei kiwei ki tyllong da kaba pynthikna ba kam ktah ia ka hok jong ki briew bad ruh ka jingbud ia ki ain ban pynsted ia ka kam shim rai.

U Dr. Saurabh Garg, Secretary, ka tnat SPI ha ka jingai jingkren ha ka sngi ba nyngkong u la kdew sha ki sienjam jong ka Tnat ban wanrah jingkylla ha ki kam statistics kum ka rynsan e-sankhyiki - Ka jaka Pdeng jong ka data, ka jingpyndonkam ia ka Commuter Assistance Personal Interview (CAPI) na ka bynta ki khana samari, Ka jingpeit bniah ia ki statistics ban ai jingmut shaphang ki polisi, Data Innovation Lab, Data Users’ conference bad ka jingthmu ban kyntiew ia ka jingiar jong ki khana samari NSS ba kongsan kum ka Periodic Labour Force Survey (PLFS), bad kiwei kiwei.

U Adil Zainulbhai, Chairman, Capacity Building Commission (CBC) ha ka jingkren ba shu record u la kyntu ia ki nongiashim bynta ba kin pyndonkam ia ki jingai jinghikai ban wan ha ka rynsan iGOTjong ka CBC na ka bynta kito kiba trei bad ki kam statistics ha ki Tnat Sorkar Pdeng, Sorkar Jylla bad ki UT ban pyntbit shuh shuh ia ki.

U Thomas Danielewitz, Senior Economist, World Bank u la ban jur halor ka jingkongsan bad ka lad ban pyniar ia ka jingpyniasoh ka data ha India. Ha kaba iadei bad kane, u la batai shaphang ki rukom wanrah jingkylla ha ki kam statistic ha kylleng ka pyrthei kum ka United Kingdom, Australia bad Mexico. Katto katne ki jingai jingmut ba la ioh ha ka bynta da ka World Bank ki kynthup ka jingai jingkyrshan ia ki Jylla na ka bynta ka CAPI, ka jingwanrah ia ka rukom treikam lang ka Sorkar Pdeng bad ki Jylla na ka bynta ka sub skhim Support for Statistical Strengthening kaba la pynkylla, ka jingdon ia ka sienjam teknoloji ba iatreilang ka e-Sankhyiki bad e-Sigma, bad kiwei kiwei.

U S. Krishnan, Secretary, ka tnat Electronics and Information Technology, u la batai shaphang ki sienjam IT kum ka India Stack bad PM Gati Shakti. U la ban jur ruh halor ka jingkongsan jong ka jingiatreilang hapdeng ka Sorkar bad ki Jylla ha ki rynsan teknoloji.

U Dr. V Anantha Nageswaran, Chief Economic Advisor, u la ban jur halor ka jingdonkam ban pynbeit ia ki jingduna bad ka jingdonkam ia ki Jylla bad UT ban ai ia ka data ha ka por kaba biang ba kynthup ia ka Gross State Domestic Product khnang ban ioh shim ia ki rai. U Dr. Shamika Ravi, Member, Economic Advisory Council (EAC) sha u Myntri Rangbah Duh, u la kren shaphang ki jingshem ba dang shen na ka Household Consumer Expenditure Survey jong ka Tnat SPI. U Prof. Sanghamitra Bandyopadhyay, Director, Indian Statistical Institute u la ai jingmut halor ka jingpyndonkam ia ka machine learning bad artificial intelligence ha ki kam ai jingsumar.

Ha ka prokram pynkut la wan iashim bynta da u Dr. P.K. Mishra, Principal Secretary sha u Myntri Rangbah Duh ha ka 13 tarik u Nailar, 2024. Ha ka jingai jingkren, u la kdew sha ka bynta kaba kongsan jong ka statistics ha kaba iadei bad ka jingshim ia ki rai. U la ban jur halor ka jingdonkam ia ki jingkylla ha ki kam statistics jong ka India ha ka jingiatreilang jong ki tnat Sorkar Pdeng bad Sorkar Jylla. U la iaroh ruh ia ki sienjam wanrah jingkylla ba la shim da ka tnat SPI bad ki jingpyrshang ban wanrah ia ka rukom treikam ban pyndep ia ki kam ha ka por ba la buh ban pynkylla ia ki kam statistics. Ha ka jingkren shaphang ka jingshah jied ka India ban long dkhot ka UN Statistical Commission na ka bynta u 2024-2027, u la pynshlur ia ki kam statistics jong ka India ba kin pyndonkam ia kane ka rynsan ban pyni ia ki sienjam sha ka pyrthei. U la kyntu ia ka Sorkar Pdeng bad ki Sorkar Jylla ba kin rah shakhmat ia ka jingthmu ban wanrah jingkylla lyngba ka jingiatreilang khnang ban tei ia ka kam statistics kaba khlain na ka bynta ka jingshim ia ki rai kiba seisoh bad ruh ban pynurlong ia ka roi ka par ha kaba iadei bad ka thong ‘VikisitBharat@2047’ jong u Myntri Rangbah Duh.

Ha ka jingai jingkren, u Secretary, ka tnat SPI u la kdew sha ki jingseisoh jong kane ka conference kiba kynthup ia ka jingpeit bniah ia ka jingpyniasoh ia ki database bad ka jingpyndonkam ia ka data da ka Sorkar Pdeng bad ki Jylla, ka jingpynbeit ia ki jingduna ha kaba iadei bad ka data; ka jingdonkam ban don shuh shuh ka jingiatreilang hapoh ka tnat SPI bad kiwei kiwei ki Tnat Sorkar Pdeng bad ki Sorkar Jylla ha kaba iadei bad ka jingpyndonkam ia ki briew, ka jingkyntiew ia ka bor treikam , ka teknoloji, ka jingpynkhlain ia ka State Indicator Framework (SIF) na ka bynta ki thong Sustainable Development Goal (SDG), ka jingpyntreikam ia ki jingpynkylla ka ri ha ki jylla bad ka jingpyndonkam ia ki registry ba la don lypa jong ka Sorkar Pdeng bad ki Jylla. U la batai ruh ia ka jingpynkhreh ban wanrah ka jingiatreilang kaba kham khlain bad ki Jylla / UT lyngba ki regional office jong ka National Sample Survey Office (NSSO), hapoh ka tnat SPI.

***

(Release ID: 2045447) Visitor Counter : 27