ইন্দিয়ন কাউন্সিল ওফ মেদিকেল রিসর্চ (ICMR) অমসুং পেনেসিয়া বাইওতেক্না ভারত্তা দেঙ্গি ভেক্সিন অমগী ইহান হানবা ফেস 3 ক্লিনিকেল ত্রাইএল হৌরে হায়না লাউথোকখ্রে। মরু ওইবা ত্রাইএল অসিনা পেনেসিয়া বাইওতেক্না পুথোকপা ভারতকী ইন্দিজিনস তেত্রাভেলেন্ত দেঙ্গি ভেক্সিন, দেঙ্গিওলগী ইসিকেসী চাংয়েং তৌরগনি। রোহতাক্কী পন্দিৎ ভগৱাত দয়াল শর্ম পোস্ত গ্রেজুএৎ ইন্সতিত্যুত ওফ মেদিকেল সাইন্সেস (PGIMS)তা ঙসি ত্রাইএল অসিগী অহানবা পার্তিসিপেন্তদা ভেক্সিন কাপখি।

মাইলস্তোন অসিগী মতাংদা পল্লদুনা, কেন্দ্রগী হকশেল অমসুং য়াইফ-য়ুম্বালগী মন্ত্রী, শ্রী জে.পি.নদ্দানা হায়খি, "ভারতকী অহানবা ইন্দিজিনস দেঙ্গি ভেক্সিনগী ফেস 3 ক্লিনিকেল ত্রাইএল হৌদোকপা অসিনা দেঙ্গিগী মায়োক্তা ঐখোয়গী লান্থেং অসিদা মরুওইবা খোঙথাং অমা ওইরি। মসিনা ঐখোয়গী প্রজাশিং অসি লাইনা-লাইচৎ অসিদগী ঙাকথোক্নবা ঐখোয়গী অচেৎপা ফিরেপ অদু উৎলি অমসুং ভেক্সিনগী রিসর্স অমসুং দিবেলপমেন্তদা ভারতকী তৌবা ঙম্বশিং অদু উৎলি। ICMR অমসুং পেনেসিয়া বাইওতেক্কী মরক্তা চুংশিন্নবা অসিগী খুত্থাংদা ঐখোয়গী মীয়ামগী হকশেল অমসুং মশা-মউ ফনা থম্নবা মাইকৈদা ঐখোয়না খোঙথাং অমা লৌখৎপা খক্তা নত্তনা হেল্থকিয়র সেক্তরদা আত্মনির্ভর ভারত ওইনবা ঐখোয়গী মঙলান হেন্না চেৎশিনহল্লি।"

হৌজিক্কী ওইনা, ভারত্তা এন্তিভাইরেল ত্রীৎমেন্ত নত্ত্রগা দেঙ্গিগী লাইসেন্স লৈরবা ভেক্সিন অমত্তা লৈতে। ইফেক্তিব ভেক্সিন অমা পুথোকপা হায়বসি সেরোতাইপ মরিমক্কীদমক অফবা ইফিকেসী ফংনবগী তঙাইফদবা লৈবনা মরম ওইদুনা কমপ্লেক্স ওই। ভারত্তা, দেঙ্গি ভাইরসকী সেরোতাইপ মরিমক অসি মফম কয়াদা শন্দোরকপা নত্ত্রগা কো-সর্ক্যুলেত তৌবগীদমক খঙনরি।

নেস্নেল ইন্সতিত্যুৎ ওফ হেল্থ (NIH), USAনা অহানবদা পুথোকখি তেত্রাভেলেন্ত দেঙ্গি ভেক্সিন স্ত্রেন (TV003/TV005) অসি মালেম শীনবা থুংনা প্রিক্লিনিকেল অমসুং ক্লিনিকেল ত্রাইএলশিংদা অফবা মহৈ ফংখি। স্ত্রেন অসি ফংলবা ভারতকী কম্পনী অহুমগী মনুংদা অমা ওইরিবা পেনেসিয়া বাইওতেক অসি দিবেলপমেন্তকী খ্বাইদগী অৱাংবা থাক্তা লৈরে। কম্পনী অসিনা মপুং ফাবা ভেক্সিন ফোর্ম্যুলেসন অমা শেমগৎনবা স্ত্রেনশিং অসিদা কন্না থবক তৌরি অমসুং মসিগী থবক অসিগীদমক প্রোসেস পেতেন্ত অমা থম্লি। ভারতকী ভেক্সিন ফোর্ম্যুলেসনগী ক্লিনিকেল ত্রাইএল ফেজ 1 অমসুং 2 অসি 2018-19দা লোইশিনখি অমসুং মসিনা অফবা মহৈ ফংহনবা ঙমখি।

ICMR গা খুৎশম্নদুনা পেনেসিয়া বাইওতেক্না ভারতকী রাজ্য অমসুং য়ুনিয়ন তেরিতোরী 18দা লৈবা মফম 19দা ক্লিনিকেল ত্রাইএল ফেস 3 পাংথোক্কনি। মসিদা মশা ফবা অহল ওইরবা মীওই 10,335 হেন্না শরুক য়াগনি। মরুওইনা Iপেনেসিয়া বাইওতেক্না শরুক খরা তেংবাং পীবা CMRনা মপুং ওইনা শেল থাদবা ত্রাইএল অসিনা শরুক য়ারিবশিংগা লোয়ননা চহি অনি ফোলো-অপ তৌগনি। মসিগী খোঙথাং অসিনা ভারতকী খ্বাইদগী মরু ওইবা পব্লিক হেল্থ চেলেঞ্জশিংগী মরক্তা অমগীদমক লমদমসিগী ওইবা ভেক্সিন অমা পুথোকপগী মায়কৈদা মরুওইবা খোঙথাং অমা উৎলি অমসুং মসিনা আত্মনির্ভর ভারতকীদমক লৈবাক অসিনা লৌরিবা ফিরেপ অদুগী খুদম অমনি।

বেকগ্রাউন্দ:

দেঙ্গি অসি ভারতকী অচৌবা পব্লিক হেল্থকী কনসর্ন অমনি, লাইনা অসিনা খ্বাইদগী নাহনবগা লোয়ননা মকোক থংবা লৈবাক 30গী মনুং চল্লি। ৱর্ল্দ হেল্থ ওর্গনাইজেসন (WHO)গী মতুং ইন্না 2023 লোইরকপদা দেঙ্গি ভাইরেল দিজিজ রিপোর্ত তৌরকপা লৈবাক 129 হেনবগা লোয়ননা মালেমগী ওইনা দেঙ্গি নাবগী ইন্সিদেন্স অসি লেপ্তনা হেনগৎলক্লি। ভারত্তা চাউরাক্না এসিম্পতোমেতিক ইনফেক্সন 75-80% থেংনরবসু মীওইশিং অসিদগী এদিস কাংশিংনা চীক্তুনা ইনফেক্সন শন্দোকপা ঙম্মি। ক্লিনিকেল ওইনা সিম্পতোমশিং উবা ফংবা কেস 20-25%গী মনুংদা অঙাংশিংনা হোস্পিতেলাইজেসন অমসুং মোর্তেলিতীগী রিস্ক য়াম্না ৱাংনা লৈ। অহানশিংদা লাইনা অসিনা দেঙ্গি হেমোর্হেজিক ফিভর অমসুং দেঙ্গি শোক সিন্দ্রোমগুম্বা শাথিবা কন্দিসনশিং ফাওবা ওইহল্লকই। দেঙ্গি ভাইরস অসিগী সেরোতাইপ মরি লৈ, 1-4,  অমনা অমদগী লো ক্রোস-প্রোতেক্সন ওই, হায়বদি কনাগুম্বা অমনা হঞ্জিন-হঞ্জিন নাবা ফাওবা য়াই।

*****