حکومت ہند نے فرٹیلائزر کنٹرول آرڈر (ایف سی او) کے تحت نینو ڈی اے پی کو نوٹیفائی کیا

حکومت ہند نے نینو ڈی اے پی کو فرٹیلائزر کنٹرول آرڈر  (ایف سی او)- 1985 کے تحت بائیو ایفیکیسی ٹرائلز اینڈ ٹاکسیکولوجی ٹیسٹوں کی بنیاد پر  نوٹیفائی کیا ہے۔ میسرز کورومینڈیل انٹرنیشنل لمیٹڈ (سی آئی ایل)، میسرز زواری فارم ہب لمیٹڈ اور میسرز انڈین فارمرز فرٹیلائزر کوآپریٹو لمیٹڈ (آئی آئی ایف سی او) کو نینو ڈی اے پی بنانے کی اجازت دی گئی ہے۔

انڈین کونسل آف ایگریکلچرل ریسرچ (آئی سی اے آر) نے مطلع کیا ہے کہ آئی ایف ایف سی او اور سی آئی ایل نے نینو ڈی اے پی تیار کیا ہے اور آئی سی اے آر کے منتخب اداروں/ ریاستی زرعی یونیورسٹیوں میں منتخب فصلوں پر ابتدائی فیلڈ ٹرائلز کیے ہیں۔ رپورٹ میں اشارہ کیا گیا ہے کہ نینو ڈی اے پی کے بطور بیج ٹریٹمنٹ اور فولیئر ایپلی کیشن کے استعمال سے روایتی طور پر استعمال کئے جانے والے گرینولر ڈی اے پی کی بچت کا امکان ہے۔

یہ معلومات کیمیکل اور کھاد کی وزارت میں ریاستی وزیر محترمہ انوپریہ پٹیل نے آج راجیہ سبھا میں ایک تحریری جواب دیں۔

 ************

ش ح۔  م م  ۔ م  ص

 (U:9801    )