রাজ্যগী খুঙ্গং চাউখৎ থৌরাংগী কেন্দ্রগী মন্ত্রী শ্রী কাম্লেস পসৱন্না ফোংদোকখি মদুদি অৱাং নোংপোক রাজ্যশিংনা জাতিগী চাউখৎ থৌরাংদা কেন্দ্র সরকারগা লোইননা মীপুম খুদিংমক্না কান্নবা ফংগদবা থৌরাংশিং খুমাং চাউশিন্নবা হেন্না মরুওইবা থম্বা মফম অমা ওইরি।

মিজোরমগী খোঙচৎ অসিদা পসৱন্না প্রধান মন্ত্রী আৱাজ য়োজনা-গ্রামিন (পি.এম.এ.জি.ৱাই.-জি.)গী কান্নবা ফংগদবশিং অমসুং সেল্ফ হেল্প গ্রুপ  (এস.ঐচ.জি.)শিংগী মেম্বরশিংগা ৱারী শানখি। মহাক্না মখা তানা মুৱাল্লুংথু, আইবোক ব্লোক্তা পায়খৎলিবা পি.এম.জি.এস.ৱাই. অমসুং এম.জি.এন.এ.আর.ই.জি.এ.গী থবক থৌরমশিং হন্না য়েংশিনখি। মহাক্না হায়খি মদুদি কেন্দ্রগী থৌশিলশিং অসি লৈবাক মীয়ামগীদমক্তনি অমসুং মসি কান্নবা ফংবা য়ারবা খুদিংদা ফংহনগদবনি। মন্ত্রীনা প্রধান মন্ত্রী নরেন্দ্র মোদীগী লুচিং মখাদা মিজোরম য়াওনা অৱাং নোংপোক রাজ্যশিংদা রেলৱে, এয়রপোর্ত, লম্বী থোং অমসুং ইলেক্ত্রিসিতী চাউখৎনবা অহেনবা মীৎয়েং চঙলি হায়না ফোংদোকখি।

পসৱনা ফোংদোকখি মদুদি মিজোরমগী লম্বী থোংদা নৌনা শেমজিনবা অমসুং অনৌবা শেম্বা য়াওনা প্রোজেক্ত কয়া পায়খৎলিবা থবকশিং চত্থরি। মহাক্না মখা তানা শহর অমসুং খুঙ্গংশিং, রাজ্যগী কেপিতেলদা ত্রেন সর্ভিস শেমগৎপা য়াওনা থবক হেনগৎনবা হোৎনগনি হায়না থাজবা পীখি, মসিনা লমদম অসিদা মশক থোক্না ফগৎহনবা ঙম্লগনি হায়না থাজবা পীখি।

মন্ত্রীনা মফম অদুদা লৈরিবা মীয়ামদা মখোয়গী খুদোংচাবশিং থাংগৎনবা পুক্নিং থৌগৎখি অমসুং মহাক্কী অঙম্বা থাক্তা মতেং পাংগনি হায়না থাজবা পীখি। মিজোরমদগী কান্নবা ফংগদবা মীওই ৩০,০০০ হেনবনা পি.এম.এ.ৱাই-জিগী মখাদা তেংবাং ফংবদা অপেনবা ফোঙদোকখি। 

***

(रिलीज़ आईडी: 2044178) आगंतुक पटल : 49