سائنس اور ٹیکنالوجی، خوراک کی فراہمی اور صارفین کی بہبود کے وزیر جناب کرشن چندر پاترا نے آج یہاں مرکزی وزیر ڈاکٹر جتیندر سنگھ سے ملاقات کی۔

سائنس اور ٹکنالوجی کے مرکزی وزیر مملکت (آزادانہ چارج)، ارتھ سائنسز کے وزیر مملکت (آزادانہ چارج)، وزیر اعظم کے دفتر، جوہری توانائی کے محکمے، خلاء، عملے، عوامی شکایات اور پنشن کے محکمے کے وزیر  ڈاکٹر جتیندر سنگھ نے جناب پاترا کو  ریاست میں حالیہ اسمبلی انتخابات میں اپنی جیت اور بطور وزیر ذمہ داری دیے جانے پر مبارکباد دی۔

ڈاکٹر جتیندر سنگھ نے اس اعتماد کا اظہار کیا کہ مرکز اور ریاست دونوں میں ڈبل انجن والی حکومت ریاست کو سرمایہ کاری کے نقشے پر پروان چڑھائے گی اور ریاست کے نوجوانوں میں انٹرپرینیورشپ اور اختراع کا آغاز کرے گی۔

 

ڈاکٹر جتیندر سنگھ نے کہا ‘‘اڈیشہ میں سائنس اور ٹیکنالوجی کے وزیر کے تحت بہت سے ادارے ہیں خاص طور پر خلائی اور ٹیکنالوجی سے متعلق ادارے۔ انہوں نے یہ بھی کہا کہ بھگوان جگن ناتھ کی سرزمین نے سائنسی برادری کو بے شمار ہنرمند دئے  ہیں اور ملک کی ترقی میں اپنا تعاون دیا  ہے۔

جناب پاترا نے ڈاکٹر جتیندر سنگھ کی قیادت کے تحت سائنسی وزارتوں کے ذریعہ حاصل کئے گئے کارنامے کی ستائش کی اور ان کی رہنمائی اور تعاون طلب کیا۔ ڈاکٹر سنگھ نے انہیں مرکزی حکومت کی جانب سے جہاں تک ان کی وزارتوں کا تعلق ہے تعاون کا یقین دلایا۔

 

شروع میں، ڈاکٹر جتیندر سنگھ نے کہا کہ "لوگوں نے وزیر اعظم مودی کی قیادت میں اپنا اعتماد بحال کیا ہے اور ترقی کا انتخاب کیا ہے۔" انہوں نے یہ بھی کہا کہ اڈیشہ ہندوستان کی ترقی اور وژن 2047 کو حاصل کرنے میں اہم کردار ادا کرے گا اور مسابقتی تعاون پر مبنی وفاقیت کی مثال پیش کرے گا۔

************

ش ح۔ا م  ۔ م ر۔

 (U: 9695)

(Release ID: 2044170) Visitor Counter : 27