حکومت ہند کے زراعت اور کسانوں کی بہبود کے محکمے کے  ذریعہ ،  4 جون 2024  ء کو جاری کیے گئے تیسرے پیشگی تخمینے 24-2023 ء کے مطابق، تجارتی/نقد فصلوں کا  رقبہ زرعی سال 22-2021 ء میں 18214.19 ہزار ہیکٹر سے بڑھ کر  زرعی سال 24-2023 ء   میں  18935.22 ہزار ہیکٹر  ہو گیا ۔ پچھلے تین سالوں کی ریاست وار تفصیلات ضمیمہ میں دی گئی ہیں۔ ظاہر ہے، تجارتی/نقد فصلوں (گنے، کپاس، جوٹ اور میستا) کی پیداوار بھی زرعی سال 22-2021 ء  میں 480692 ہزار ٹن سے بڑھ کر 24-2023 ء  میں 484757 ہزار ٹن ہو گئی ہے۔

نیتی آیوگ ورکنگ گروپ کی رپورٹ 2018 کے مطابق، مستقبل کے سال 2033-2032 ء کے لیے غذائی اجناس کی طلب اور رسد کا تخمینہ بالترتیب 337.01 ملین ٹن اور 386.25 ملین ٹن ہونے کا ہے، جس سے ظاہر ہوتا ہے کہ مجموعی طور پر غذائی اجناس  ، جہاں تک  خوراک کے تحفظ کا سوال ہے ،  کافی آرام دہ پوزیشن میں  ہوگی۔

زراعت اور کسانوں کی بہبود کا محکمہ (ڈی اے اور ایف ڈبلیو ) ،  ملک کی تمام 28 ریاستوں اور مرکز کے 2 زیر انتظام علاقوں (جموں و کشمیر اور لداخ) میں رقبہ کی توسیع اور پیداواری صلاحیت میں اضافہ کے ذریعے ،  غذائی اجناس کی پیداوار میں اضافہ کرنے کے مقصد سے ،  قومی غذائی تحفظ مشن (این ایف ایس ایم ) کو نافذ کر رہا ہے۔ این ایف ایس ایم کے تحت، ریاستی حکومتوں کے ذریعے کسانوں کو چھوٹے اور پسماندہ کاشتکاروں کو مدد فراہم کی جاتی ہے ،  جس میں  عمل کے بہتر پیکیج پر کلسٹر مظاہرے، فصل کے نظام پر مظاہرے، زیادہ پیداوار دینے والی اقسام کے بیجوں کی تقسیم (ایچ وائی ویز )/ ہائبرڈ، بہتر زراعتی مشینری/ وسائل ، کنزرویشن مشینری/آلات، پانی کے استعمال کے موثر اوزار، پودوں کے تحفظ کے اقدامات، غذائی اجزاء کا انتظام/مٹی کی بہتری، پروسیسنگ اور فصل کے بعد کے سازوسامان، کسانوں کو فصل کے نظام پر مبنی تربیت وغیرہ شامل ہیں ۔ یہ مشن ہندوستان کی زرعی تحقیق کی کونسل ( آئی سی اے آر ) اور ریاستی زرعی یونیورسٹیاں (ایس اے یوز )/ کرشی وگیان کیندروں  (کے وی کیز ) سبجیکٹ میٹر کے ماہرین/سائنسدانوں کی نگرانی میں کسان کو ٹیکنالوجی کی واپسی روکنے اور ٹیکنالوجی کی منتقلی کے لیے بھی مدد فراہم کرتا ہے ۔

مزید  براں یہ کہ حکومت اپنی قیمتوں کی پالیسی کے ذریعے  ، کاشت کاروں کو ان کی پیداوار کے لیے منافع بخش قیمتوں کو یقینی بناتی ہے ،  تاکہ زیادہ سرمایہ کاری اور پیداوار کی حوصلہ افزائی کی جا سکے اور مناسب قیمتوں پر سپلائی فراہم کر کے صارفین کے مفادات کا تحفظ کیا جا سکے۔ اس سمت میں، حکومت بائیس  (22) لازمی فصلوں کے لیے  ، ان فصلوں کے لیے زیادہ ایم ایس پی  کی پیشکش کر کے  ، کم از کم امدادی قیمتوں (ایم ایس پیز ) کا اعلان کرتی ہے ،  جس میں تجارتی/نقدی  والی فصلیں بھی شامل ہیں ۔  19-2018 ء  کے مرکزی بجٹ میں ایم ایس پی کو پیداواری لاگت کے ڈیڑھ (1.5) گنا کی سطح پر رکھنے کے لیے پہلے سے طے شدہ اصول کا اعلان کیا گیا تھا۔ اس کے مطابق، حکومت تمام لازمی فصلوں بشمول تجارتی/نقد فصلوں کے لیے ایم ایس پیز  کا اعلان کر رہی ہے  ، جس میں زرعی سال 19-2018 ء  سے پورے ہندوستان کے  اوزان  کے  اوسط پیداواری لاگت پر کم از کم 50 فیصد کی واپسی ہوگی۔ حکومت نے ملک میں فصلوں کی پیداوار کے ساتھ ساتھ کسانوں کی آمدنی بڑھانے کے لیے کئی پالیسیاں، اصلاحات، ترقیاتی پروگرام بھی اپنائے اور نافذ کیے ہیں۔ کچھ اہم پروگرام درج ذیل ہیں:

1. پی ایم کسان  کے ذریعے کسانوں کو آمدنی میں معاونت

2. پردھان منتری فصل بیمہ یوجنا (پی ایم ایف بی وائی )

3. زرعی شعبے کے لیے ادارہ جاتی قرض

4. ملک میں نامیاتی کاشت کاری کو فروغ دینا

5. فی بوند زیادہ  فصل

6. مائیکرو آبپاشی کے  فنڈ

7. فارمر پروڈیوسر آرگنائزیشنز (ایف پی اوز ) کا فروغ

8. زرعی میکانائزیشن

9. کسانوں کو  مٹی کی صحت  کارڈ فراہم کرنا

10. قومی  زرعی مارکیٹ  ( ای – نیم ) توسیعی پلیٹ فارم کا قیام

11. زرعی   - بنیادی ڈھانچہ فنڈ (اے آئی ایف )

12. زرعی پیداوار کی لاجسٹکس میں بہتری، کسان ریل کا تعارف۔

13. زراعت اور اس سے منسلک شعبے میں اسٹارٹ اپ ایکو  نظام  کی تشکیل

14. زرعی اور منسلک زرعی اشیاء کی برآمدات میں کامیابی

15. مرکزی شعبے کی اسکیم  نمو ڈرون دِیدی

ضمیمہ

 

# دیگر  میں شامل

این آر : اطلاع نہیں دی گئی۔

این اے : لاگو نہیں ہے۔

نوٹ: تجارتی/نقد فصلوں میں گنا، کپاس، پٹ سن  اور میستا شامل ہیں۔

ماخذ: تیسرا پیشگی تخمینہ 24-2023  ء ، زراعت اور کسانوں کی بہبود کا  محکمہ ، نئی دہلی

یہ معلومات زراعت اور کسانوں کی بہبود کے مرکزی وزیر مملکت جناب رام ناتھ ٹھاکر نے آج راجیہ سبھا میں ایک تحریری جواب میں  فراہم کیں ۔

.................

) ش ح – ا ع   -  ع ا )

U.No. 9658

(Release ID: 2043837) Visitor Counter : 7