ڈبہ بند خوراک کی صنعتوں کی وزارت (ایم او ایف پی آئی) پردھان منتری کسان سمپدا یوجنا (پی ایم کے ایس وائی) کی مرکزی سیکٹر اسکیموں، اور فوڈ پروسیسنگ انڈسٹری (پی ایل آئی ایس ایف پی آئی) کے لیے فارم گیٹ سے لے کر ریٹیل آؤٹ لیٹ تک موثر سپلائی چین مینجمنٹ کے ساتھ جدید انفراسٹرکچر کی تخلیق، اور کسانوں کو بہتر منافع فراہم کرنے، روزگار کے مواقع پیدا کرنے، ضیاع کو کم کرنے، پروسیسنگ کی سطح میں اضافہ اور پراسیس شدہ کھانوں کی برآمد میں اضافہ سمیت پیداوار سے منسلک ترغیبی اسکیم اور مرکزی طور پر اسپانسر شدہ پرائم منسٹر فارملائزیشن آف مائیکرو فوڈ پروسیسنگ اسکیم (پی ایم ایف ایم ای) کو نافذ کررہی ہے۔  یہ تینوں اسکیمیں مانگ پر مبنی ہیں اور پورے ملک میں نافذ ہیں۔

پی ایم کے ایس وائی کی ذیلی اسکیموں کے تحت، ایم او ایف پی آئی 15ویں مالیاتی کمیشن سائیکل کے لیے 5520 کروڑ روپے کے کل اخراجات کے ساتھ کاروباری افراد کو زیادہ ترقرض سے منسلک مالی امداد (سرمایہ سبسڈی) فراہم کرتا ہے۔ ایم او ایف پی آئی نے 30 جون 2024 تک 41 میگا فوڈ پارکس، 399 کولڈ چین پروجیکٹ، 76 ایگرو پروسیسنگ کلسٹر، 588 فوڈ پروسیسنگ یونٹ، 61 بیک ورڈ اور فارورڈ لنکیجز پروجیکٹ اور 52 آپریشن گرین پروجیکٹس کو منظوری دی ہے۔

ایم او ایف پی آئی پی ایم ایف ایم ای اسکیم کے تحت مائیکرو فوڈ پروسیسنگ انٹرپرائزز کے قیام/اپ گریڈیشن کے لیے مالی، تکنیکی اور کاروباری مدد بھی فراہم کرتا ہے۔ یہ اسکیم 21-2020 سے 25-2025 تک پانچ سال کی مدت کے لیے 10,000 کروڑ روپے کے مجموعی اخراجات کے ساتھ چل رہی ہے۔ مائیکرو فوڈ پروسیسنگ اداروں کو 30 جون 2024 تک کل 92,549 منظوریاں  دی گئی ہیں۔

پی ایل آئی ایس ایف پی آئی، دوسری باتوں کے ساتھ، عالمی فوڈ مینوفیکچرنگ چیمپئن کی تخلیق میں مدد کرنا اور بین الاقوامی مارکیٹ میں کھانے کی مصنوعات کے ہندوستانی برانڈ کی حمایت کرنا ہے۔ اس اسکیم کو 22-2021 سے 27-2026 تک کی چھ سال کی مدت میں 10,900 کروڑ روپے کی لاگت کے ساتھ لاگو کیا جا رہا ہے۔ اس اسکیم کے مختلف زمروں کے تحت اب تک 172 فوڈ پروسیسنگ کمپنیوں کو امداد کے لیے منظوری دی گئی ہے۔

فوڈ پروسیسنگ کے شعبے میں اختراعی مصنوعات اور عمل کی ترقی کی ضرورت کو مدنظر رکھتے ہوئے، ایم او ایف پی آئی تعلیمی اور تحقیقی اداروں بشمول کونسل آف سائنٹفک اینڈ انڈسٹریل ریسرچ (سی ایس آئی آر) کے تسلیم شدہ تحقیق و ترقی  (آر اینڈ ڈی) یونٹ کو مالی معاونت فراہم کرتا ہے تاکہ متعلقہ طلب کو تقویت ملے۔ 18-2017 سے 30 جون 2024 تک 26.12 کروڑ روپے کی منظور شدہ سبسڈی کے ساتھ 72 تحقیقی پروجیکٹوں کو منظوری دی گئی ہے۔

اس کے علاوہ، نیشنل انسٹی ٹیوٹ آف فوڈ ٹیکنالوجی، انٹرپرینیورشپ اینڈ مینجمنٹ (این آئی ایف ٹی ای ایم) کنڈلی اور این آئی ایف ٹی ای ایم ، تھانجاور، جو ایم او ایف پی آئی کے انتظامی کنٹرول کے تحت ہے، بھی اس شعبے میں تحقیق و ترقی کی سرگرمیوں میں مصروف ہیں۔

یہ معلومات ڈبہ بند خوراک کی صنعتوں کے وزیر مملکت جناب رونیت سنگھ نے آج لوک سبھا میں ایک سوال کے جواب میں دی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

9582

(Release ID: 2043337) Visitor Counter : 29