ہنرمندی کے فروغ اور انترپرینیورشپ کی وزارت  کے وزیر مملکت (آزادانہ چارج)، جناب جینت چودھری نے آج راجیہ سبھا میں ایک تحریری جواب میں بتایا کہ اسکل انڈیا ڈیجیٹل ہب (ایس آئی ڈی ایچ) ایک جامع ڈیجیٹل پلیٹ فارم ہے جسے ہندوستان میں ہنر، تعلیم، روزگار اور انترپرینیورشپ منظر نامے کو ہم آہنگ کرنے اور تبدیل کرنے کے لیے ڈیزائن کیا گیا ہے۔ یہ لاکھوں ہندوستانیوں کی امنگوں کی نمائندگی کرتا ہے جو صنعت سے متعلقہ ہنر کے کورسز، ملازمت کے مواقع  اور انترپرینیورشپ سپورٹ تک رسائی فراہم کر کے بہتر مواقع تلاش کر رہے ہیں۔ ڈیجیٹل پبلک انفراسٹرکچر (ڈی پی آئی) برائے ہنر، تعلیم، روزگار، اور انترپرینیورشپ کے طور پر، ایس آئی ڈی ایچ ان ڈومینز میں حکومتی اقدامات کے لیے ایک جامع معلوماتی گیٹ وے کے طور پر کام کرتا ہے، جو اسے کیریئر کی ترقی اور زندگی بھر سیکھنے کی کوشش کرنے والے شہریوں کے لیے  رسائی کا مرکز بناتا ہے۔ ایس آئی ڈی ایچ کے بنیادی مقاصد میں مہارت کی نشوونما تک ڈیجیٹل رسائی کی سہولت فراہم کرنا، ہنر مندی کے ایکو سستم کو مربوط کرنا، ملازمت اور کاروباری صلاحیت کو بڑھانا، زندگی بھر سیکھنے کو فروغ دینا، معلوماتی گیٹ وے کے طور پر کام کرنا اور ڈیٹا پر مبنی فیصلہ سازی کا فائدہ اٹھانا شامل ہیں۔

ایس آئی ڈی ایچ ملک میں ڈی پی آئی کو اپنانے کو فروغ دینے کے لیے ڈیزائن کیا گیا ہے۔ ایس آئی ڈی ایچ ہندوستان کی مہارت کی نشوونما، تعلیم، روزگار اور انترپرینیورشپ منظر نامے کے لیے سب سے اہم ڈی پی آئی میں سے ایک ہے کیونکہ یہ ایک بنیادی ڈیجیٹل ماحولیاتی نظام فراہم کرتا ہے جو مختلف سرکاری اور نجی متعلقہ فریقوں کی حمایت کرتا ہے اور مربوط کرتا ہے۔ یہ ایک قابل توسیع اور انٹرآپریبل انفراسٹرکچر کے طور پر کام کرتا ہے جو وسائل کی رسائی، ترسیل اور انتظام میں سہولت فراہم کرتا ہے۔ ایس آئی ڈی ایچ اپنے ڈیجیٹل لرننگ پارٹنرز کی طرف سے فراہم کردہ بگ ڈیٹا، مشین لرننگ اور تجزیات وغیرہ پر مستقبل کے کورسز پیش کرکے انڈسٹری 4.0 کے لیے ہندوستانی افرادی قوت کو تیار کرنے میں ایک اہم کردار ادا کرتا ہے۔ انڈسٹری 4.0 کورس جیسے پائتھن کے ساتھ ایڈوانسڈ آرٹیفیشل انٹیلی جنس (اے آئی)، آرٹیفیشل انٹیلی جنس فاؤنڈیشن، جنریٹو اے آئی، نگرانی شدہ لرننگ کے ساتھ کلاسیکی مشین لرننگ ماڈلز، ڈیٹا اینالیٹکس ایسنشیلز، ریلیشنل ڈیٹا ویئر ہاؤس میں تجزیات کا ڈیٹا، سائبر سیکیورٹی ضروریات، ڈیٹا سائنس کا  تعارف،  کسان ڈرون آپریٹر، ای وی سروس ٹیکنیشن، بائیو ویسٹ مینجمنٹ سمیت دیگر سرٹیفیکیشن کورسز  اس پلیٹ فارم پر پیش کیے جا رہے ہیں۔

ایس آئی ڈی ایچ شہریوں کو متعدد فوائد پیش کرتا ہے، بشمول اعلیٰ معیار کے، صنعت سے منسلک تربیتی پروگراموں اور وسائل تک رسائی، جو کسی بھی وقت اور کہیں بھی، ڈیجیٹل پلیٹ فارم کے ذریعے دستیاب ہیں۔ ایس آئی ڈی ایچ معتبریت اور روزگار کو بڑھانے کے لیے تسلیم شدہ سرٹیفیکیشن فراہم کرتا ہے، نوکری کے متلاشیوں کو آجروں اور ملازمت کے مواقع سے جوڑتا ہے اور مسلسل سیکھنے اور اپ اسکلنگ کو فروغ دیتا ہے۔ اس کا مقصد مختلف خطوں اور کمیونٹیز میں ہنر مندی کے فرق کو پُر کرنا ہے اور جامع ترقی اور مواقع تک مساوی رسائی کو یقینی بنانا ہے۔  اس کے علاوہ  ایس آئی ڈی ایچ خواہشمند کاروباریوں کو وسائل، تربیت اور مدد فراہم کر کے ان کی مدد کرتا ہے تاکہ وہ اپنے کاروبار کو کامیابی سے شروع کر سکیں اور اس طرح مجموعی اقتصادی اور سماجی ترقی میں اپنا حصہ ڈال سکیں۔

ایس آئی ڈی ایچ ہندوستانی ہنر مندی کے ایکو سسٹم کے لیے متحدہ  پلیٹ فارم ہے۔ افراد، مرکزی حکومت، ریاستی حکومت، کارپوریٹ سماجی ذمہ داری (سی ایس آر) کے اقدامات اور نجی شراکت داروں کی طرف سے پیش کردہ ہنر مندی کے پروگراموں/ کورسز کو تلاش کر سکتے ہیں اور ان میں داخلہ لے سکتے ہیں۔ ایس آئی ڈی ایچ نیشنل انسٹی ٹیوٹ فار انترپرینیورشپ اینڈ اسمال بزنس ڈیولپمنٹ (این آئی ای ایس بی یو ڈی)ادیم کارڈ کے ساتھ بھی مربوط ہے تاکہ این آئی ای ایس بی یو ڈی کے تربیت یافتہ کاروباریوں کی مصنوعات کی فہرست بنائے اور چھوٹے کاروباروں کو بااختیار بنائے۔

ایس آئی ڈی ایچ صنعت کے  متعلقہ فریقوں اور تعلیمی اداروں کے ساتھ شراکت میں ہنر مندی کے متعدد کورسز پیش کرتا ہے۔ صنعت کے متعلقہ فریق میں سیکٹر اسکل کونسلز (ایس ایس سیز)، بوسٹن کنسلٹنگ گروپ (بی سی جی)، سسکو، کوکا کولا، جی یو وی آئی، ایچ سی ایل ٹیکنالوجیز، آئی جی  ڈرونز، مائیکرو سافٹ، این ایس ڈی سی، کویسٹ الائنس، ٹیک مہندرا شامل ہیں۔ تعلیمی اداروں/ایڈ ٹیک پارٹنرز میں اجینورہ، ڈیکنگ کو، اگنو، ٹیٹوریلز پوائنٹ، مانوپترا ایڈوٹیک، اپ گریڈ شامل ہیں۔ یہ تعاون ایس آئی ڈی ایچ کورسز کی اثر انگیزی کو بڑھانے میں مدد کرتا ہے اور اپنانے میں اضافہ کو یقینی بناتا ہے۔

۔۔۔۔۔۔۔۔۔۔۔

ش ح۔  ا  ک ۔ن ا۔

U-9465 

(Release ID: 2042666) Visitor Counter : 44