ಕೇಂದ್ರ ಈಶಾನ್ಯ ವಲಯದ ಸಂವಹನ ಮತ್ತು ಅಭಿವೃದ್ಧಿ ಸಚಿವ ಶ್ರೀ ಜ್ಯೋತಿರಾದಿತ್ಯ ಎಂ ಸಿಂಧಿಯಾ ಮತ್ತು ಕೇಂದ್ರ ಯುವ ವ್ಯವಹಾರಗಳು, ಕ್ರೀಡೆ ಮತ್ತು ಕಾರ್ಮಿಕ ಮತ್ತು ಉದ್ಯೋಗ ಸಚಿವ ಡಾ. ಮನ್ಸುಖ್‌ ಮಾಂಡವೀಯ ಅವರು ಇಂದು XXXIII  ಪ್ಯಾರಿಸ್‌ ಒಲಿಂಪಿಕ್ಸ್‌ ಆಚರಿಸುವ ಸ್ಮರಣಾರ್ಥ ಅಂಚೆ ಚೀಟಿಗಳನ್ನು ಅನಾವರಣಗೊಳಿಸಿದರು. ನವದೆಹಲಿಯ ಆಲ್‌ ಇಂಡಿಯಾ ರೇಡಿಯೊದ ರಂಗ್‌ ಭವನದಲ್ಲಿನಡೆದ ಈ ಕಾರ್ಯಕ್ರಮದಲ್ಲಿ ಗೌರವಾನ್ವಿತ ಗಣ್ಯರು ಮತ್ತು ಪ್ರಸಿದ್ಧ ಕ್ರೀಡಾಪಟುಗಳು ಭಾಗವಹಿಸಿದ್ದರು. ಇದು ಒಲಿಂಪಿಕ್‌ ಕ್ರೀಡಾಕೂಟಕ್ಕೆ ಭಾರತದ ಬೆಂಬಲದಲ್ಲಿ ಮಹತ್ವದ ಕ್ಷಣವನ್ನು ಗುರುತಿಸಿತು.

ಪ್ಯಾರಿಸ್‌ 2024 ಒಲಿಂಪಿಕ್ಸ್‌ನಲ್ಲಿ10 ಮೀಟರ್‌ ಏರ್‌ ಪಿಸ್ತೂಲ್‌ ಮಿಶ್ರ ತಂಡ ಸ್ಪರ್ಧೆಯಲ್ಲಿ ಉತ್ತಮ ಸಾಧನೆ ಮಾಡಿದ ಇತ್ತೀಚಿನ ಕಂಚಿನ ಪದಕ ವಿಜೇತ ಸರಬ್ಜೋತ್‌ ಸಿಂಗ್‌ ಸೇರಿದಂತೆ ಪ್ರಖ್ಯಾತ ಕ್ರೀಡಾ ದಿಗ್ಗಜರ ಉಪಸ್ಥಿತಿಯಿಂದ ಈ ಕಾರ್ಯಕ್ರಮವನ್ನು ಮತ್ತಷ್ಟು ಶ್ರೀಮಂತಗೊಳಿಸಲಾಯಿತು. ಮಾಜಿ ಕ್ರಿಕೆಟಿಗ ಆಕಾಶ್‌ ಚೋಪ್ರಾ ಮತ್ತು ಸ್ಟೀಪಲ್‌ಚೇಸ್‌ ಅಥ್ಲೀಟ್‌ ಸುಧಾ ಸಿಂಗ್‌ ಭಾಗವಹಿಸಿದ್ದರು.

ಕ್ರೀಡೆಗಳ ಮೂಲಕ ರಾಷ್ಟ್ರಗಳ ನಡುವಿನ ಏಕತೆಯನ್ನು ಸಂಕೇತಿಸುವ ಮತ್ತು ಭಾರತದ ಶ್ರೀಮಂತ ಕ್ರೀಡಾ ಪರಂಪರೆಯನ್ನು ಪ್ರತಿಬಿಂಬಿಸುವ ಒಲಿಂಪಿಕ್ಸ್‌ನ ಉತ್ಸಾಹವನ್ನು ಸೆರೆಹಿಡಿಯಲು ಸ್ಮರಣಾರ್ಥ ಅಂಚೆ ಚೀಟಿಯನ್ನು ವಿನ್ಯಾಸಗೊಳಿಸಲಾಗಿದೆ. ಈ ವಿಶೇಷ ಅಂಚೆ ಚೀಟಿ ಈಗ ಇ-ಅಂಚೆ ಕಚೇರಿಯಲ್ಲಿ (https://www.epostoffice.gov.in/) ಆನ್‌ ಲೈನ್‌ ನಲ್ಲಿ ಖರೀದಿಸಲು ಲಭ್ಯವಿದೆ. ಸಂಗ್ರಾಹಕರು ಮತ್ತು ಉತ್ಸಾಹಿಗಳನ್ನು ಒಂದು ಪ್ರತಿಯನ್ನು ಪಡೆದುಕೊಳ್ಳಲು ಮತ್ತು ಇತಿಹಾಸದ ತುಣುಕನ್ನು ಹೊಂದಲು ಪ್ರೋತ್ಸಾಹಿಸಲಾಗುತ್ತದೆ.

ಶ್ರೀ ಜ್ಯೋತಿರಾದಿತ್ಯ ಎಂ ಸಿಂಧಿಯಾ ಮತ್ತು ಡಾ. ಮನ್ಸುಖ್‌ ಮಾಂಡವಿಯಾ ಅವರು ಅಧಿಕೃತವಾಗಿ ಒಲಿಂಪಿಕ್ಸ್‌ ಸ್ಮರಣಾರ್ಥ ಅಂಚೆ ಚೀಟಿಯನ್ನು ಅನಾವರಣಗೊಳಿಸಿದರು, ಭಾರತದ ಒಲಿಂಪಿಕ್‌ ಪರಂಪರೆ ಮತ್ತು ಜಾಗತಿಕ ಏಕತೆಯನ್ನು ಉತ್ತೇಜಿಸುವಲ್ಲಿಕ್ರೀಡೆಯ ಪಾತ್ರದ ಬಗ್ಗೆ ತಮ್ಮ ಹೆಮ್ಮೆಯನ್ನು ವ್ಯಕ್ತಪಡಿಸಿದರು. ಸಚಿವರು ಮತ್ತು ಕ್ರೀಡಾಪಟುಗಳು ಅಂತಾರಾಷ್ಟ್ರೀಯ ಸಹಕಾರ ಮತ್ತು ಸ್ನೇಹವನ್ನು ಬೆಳೆಸುವಲ್ಲಿ ಕ್ರೀಡೆಯ ಪ್ರಾಮುಖ್ಯತೆಯ ಬಗ್ಗೆ ಒಳನೋಟಗಳನ್ನು ಹಂಚಿಕೊಂಡರು, ಪ್ರತಿಭೆ ಮತ್ತು ಸಮರ್ಪಣೆಯನ್ನು ಪ್ರದರ್ಶಿಸುವ ವೇದಿಕೆಯಾಗಿ ಒಲಿಂಪಿಕ್ಸ್‌ ಅನ್ನು ಒತ್ತಿ ಹೇಳಿದರು.

ಶ್ರೀ ಜ್ಯೋತಿರಾದಿತ್ಯ ಎಂ ಸಿಂಧಿಯಾ, ‘‘ಒಲಿಂಪಿಕ್ಸ್‌ 2024 ಅನ್ನು ಗೌರವಿಸುವ ಹೊಸ ಅಂಚೆ ಚೀಟಿಯು ಜಾಗತಿಕ ವೇದಿಕೆಯಲ್ಲಿಭಾರತವನ್ನು ಹೆಮ್ಮೆ ಪಡುವಂತೆ ಮಾಡಿದ ನಮ್ಮ ಕ್ರೀಡಾ ನಾಯಕರನ್ನು ಆಚರಿಸುತ್ತದೆ. ಈ ಗೌರವವು ಯುವ ಪ್ರತಿಭೆಗಳಿಗೆ ಸೂಧಿರ್ತಿ ನೀಡುತ್ತದೆ ಮತ್ತು ನಮ್ಮ ರಾಷ್ಟ್ರದ ಕ್ರೀಡಾ ಪರಿಸರ ವ್ಯವಸ್ಥೆಯನ್ನು ಬಲಪಡಿಸುತ್ತದೆ. ಹಲವಾರು ಉಪಕ್ರಮಗಳ ಮೂಲಕ ಯಾವಾಗಲೂ ಕ್ರೀಡಾ ಸಂಸ್ಕೃತಿಯನ್ನು ಉತ್ತೇಜಿಸುತ್ತಿರುವ ನಮ್ಮ ಅಂಚೆ ಇಲಾಖೆಯನ್ನು ನಾನು ಅಭಿನಂದಿಸುತ್ತೇನೆ ಮತ್ತು ಈ ಅಂಚೆ ಚೀಟಿಯ ಬಿಡುಗಡೆಯೊಂದಿಗೆ ಭಾರತದ ಸಾಧನೆಗಳನ್ನು ಅಂಚೆ ಮೂಲಕ ಆಚರಿಸುವ ಪರಂಪರೆಯನ್ನು ಹೆಚ್ಚಿಸಿದೆ. 2024ರ ಪ್ಯಾರಿಸ್‌ ಒಲಿಂಪಿಕ್ಸ್‌ನಲ್ಲಿ ಪಾಲ್ಗೊಳ್ಳುತ್ತಿರುವ ಭಾರತೀಯ ಅಥ್ಲೀಟ್‌ಗಳಿಗೂ ಶುಭ ಕೋರುತ್ತೇನೆ,’’ ಎಂದರು.

ಮನ್ಸುಖ್‌ ಮಾಂಡವಿಯಾ ಮಾತನಾಡಿ, ‘‘ಕ್ರೀಡೆ ಕೇವಲ ಸ್ಪರ್ಧೆಯಲ್ಲ. ಇದು ಒಂದು ಜೀವನ ವಿಧಾನ. ಅಂಚೆ ಚೀಟಿಗಳ ಬಿಡುಗಡೆಯು ಕ್ರೀಡೆಯ ಬಗ್ಗೆ ಭಾರತದ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ, ಇದು ರಾಷ್ಟ್ರೀಯ ಹೆಮ್ಮೆ ಮತ್ತು ಕ್ರೀಡಾಪಟುಗಳಿಗೆ ಪ್ರೋತ್ಸಾಹದ ಸಂಕೇತವಾಗಿದೆ. ಕ್ರೀಡೆಗಳು ಸಂಪತ್ತು ಮತ್ತು ಸಮೃದ್ಧಿಗೆ ಅಗತ್ಯವಾದ ಆರೋಗ್ಯಕರ ರಾಷ್ಟ್ರವನ್ನು ಬೆಳೆಸುತ್ತವೆ ಮತ್ತು ಜನರನ್ನು ಒಟ್ಟುಗೂಡಿಸುತ್ತವೆ, ವೈಯಕ್ತಿಕ ಫಿಟ್ನೆಸ್‌ ಮತ್ತು ರಾಷ್ಟ್ರೀಯ ಯೋಗಕ್ಷೇಮವನ್ನು ಹೆಚ್ಚಿಸುತ್ತವೆ,’’ ಎಂದು ಡಾ.ಮಾಂಡವಿಯಾ ಹೇಳಿದರು.

ಈ ಉಪಕ್ರಮವು ಕ್ರೀಡೆಯನ್ನು ಉತ್ತೇಜಿಸುವ ಮತ್ತು ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ತನ್ನ ಕ್ರೀಡಾಪಟುಗಳನ್ನು ಗೌರವಿಸುವ ಭಾರತದ ಬದ್ಧತೆಯನ್ನು ಒತ್ತಿ ಹೇಳುತ್ತದೆ.

*****

(Release ID: 2042001)