પોસ્ટ વિભાગ પેરિસ ઓલિમ્પિક્સની ઉજવણી માટે સ્મારક ટપાલ ટિકિટનો સેટ બહાર પાડશે. આ પ્રતિષ્ઠિત કાર્યક્રમ સોમવાર, 5 ઓગસ્ટ 2024ના રોજ બપોરે 12:00 વાગ્યે રંગ ભવન, ઓલ ઇન્ડિયા રેડિયો, નવી દિલ્હી ખાતે યોજાશે. આ પ્રસંગે કેન્દ્રીય સંચાર અને પૂર્વોત્તર ક્ષેત્રનાં વિકાસ મંત્રી શ્રી જ્યોતિરાદિત્ય એમ સિંધિયા તથા કેન્દ્રીય યુવા બાબતો અને રમતગમત તથા શ્રમ અને રોજગાર મંત્રી ડૉ. મનસુખ માંડવિયા ઉપસ્થિત રહેશે.

વિશિષ્ટ રમતગમતના ચિહ્નોની હાજરીથી આ ઇવેન્ટને વધુ સમૃદ્ધ બનાવવામાં આવશે. સ્મારક સ્ટેમ્પ ખેલદિલીની ભાવનાને પ્રકાશિત કરે છે અને પેરિસમાં ઓલિમ્પિક રમતો માટે એક સાથે આવતા રાષ્ટ્રોની એકતાની ઉજવણી કરે છે. આ સ્ટેમ્પ એથ્લેટ્સને સન્માન આપવાનું કામ કરે છે અને રમતગમતમાં તેમના સમર્પણ, ખંત અને ઉત્કૃષ્ટતાનું કામ કરે છે.

આ કાર્યક્રમમાં સન્માનનીય મંત્રીઓના વક્તવ્યો રજૂ કરવામાં આવશે, જેમાં ઓલિમ્પિક્સના મહત્વ અને આંતરરાષ્ટ્રીય સંવાદિતા અને સહકારને પ્રોત્સાહન આપવામાં રમતગમતની ભૂમિકા પર પ્રકાશ પાડવામાં આવશે. આ ટિકિટ પ્રસિદ્ધ થવાથી ઓલિમ્પિક અને તેના રમતવીરો માટે ભારતનો ઉત્સાહ અને સાથસહકાર વધશે.

ટપાલ વિભાગ ખાસ ટપાલ ટિકિટો બહાર પાડીને નોંધપાત્ર રાષ્ટ્રીય અને આંતરરાષ્ટ્રીય કાર્યક્રમોની ઉજવણી કરવાની લાંબા સમયથી પરંપરા ધરાવે છે. આ પહેલ માત્ર ઓલિમ્પિક્સની ઉજવણી જ નથી કરતી, પરંતુ દેશભરના યુવા રમતવીરો અને રમતગમતના ઉત્સાહીઓને પ્રેરણા આપવાનું પણ કામ કરે છે.

યુટ્યુબ લાઇવ લિંક: https://www.youtube.com/live/Hm98C0sNgLk

સોશિયલ મીડિયા લિંક:

🇮🇳 Proud Moment for India! 🇮🇳

Join us on August 5th at 12:00 PM for the release of the commemorative postage stamp celebrating the XXXIII Olympics Paris 2024!

Hon'ble Minister of Communications & Development of North Eastern Region, @JM_Scindia, and Hon'ble Minister of Youth… pic.twitter.com/HaHQDtCAQE

— India Post (@IndiaPostOffice) August 4, 2024

AP/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com