இந்தியாவின் கடல்சார் உள்கட்டமைப்பு குறித்த குறிப்பிடத்தக்க புதுப்பித்தலில், துறைமுகங்கள், கப்பல் போக்குவரத்து மற்றும் நீர்வழிகள்  துறை அமைச்சர் திரு சர்பானந்த சோனோவால் நாடாளுமன்றத்தில் எழுத்துப்பூர்வமாக பதிலளித்தார், ஆந்திரப் பிரதேசத்தில் இத்துறையில் ஏற்பட்டுள்ள முக்கிய வளர்ச்சிகள் மற்றும் முதலீடுகள் குறித்து விவரித்தார்.

ஆந்திரப் பிரதேசத்தில் மச்சிலிப்பட்டினம் துறைமுகத்தின் கட்டுமானப் பணிகள் 2023 ஏப்ரல் 21 அன்று அதிகாரப்பூர்வமாகத் தொடங்கி, 2025 அக்டோபரில் நிறைவடையும் என்று எதிர்பார்க்கப்படுகிறது என்று  அவர் தெரிவித்தார். இத்துறைமுகம் ஆந்திர அரசின் நிர்வாகக் கட்டுப்பாட்டின் கீழ் இயங்கி வருகிறது. இது மத்திய அரசின் சாகர்மாலா திட்டத்தின் கீழ் சேர்க்கப்படவில்லை என்றாலும், ஆந்திரப் பிரதேச கடல்சார் வாரியத்தின் துணை நிறுவனமான மச்சிலிப்பட்டினம் துறைமுக மேம்பாட்டுக் கழகத்திற்கு பவர் ஃபைனான்ஸ் கார்ப்பரேஷன்  அனுமதித்த ரூ .3,940.42 கோடி குறிப்பிடத்தக்க கால கடனால் துறைமுகத்தின் வளர்ச்சி ஆதரிக்கப்படுகிறது.

விசாகப்பட்டினம் துறைமுக ஆணையம் மற்றும் இந்திய உள்நாட்டு நீர்வழி ஆணையம் ஆகியவை ஆந்திராவில் மொத்தம் ரூ. 4,600 கோடி மதிப்பில் 36 திட்டங்களை மேற்கொண்டுள்ளன. இவற்றில், சுமார் ரூ. 2,530 கோடி மதிப்புள்ள 22 திட்டங்கள் நிறைவடைந்துள்ளன, அதே நேரத்தில் ரூ. 2,070 கோடி மதிப்புள்ள 14 திட்டங்கள் செயல்பாட்டின் பல்வேறு கட்டங்களில் உள்ளன. இந்த முன்னேற்றங்களில், விசாகப்பட்டினம் துறைமுகத்தில் சர்வதேச மற்றும் உள்நாட்டு பயணிகளுக்கு இடமளிக்கும் வகையில் அதிநவீன சர்வதேச கப்பல் மற்றும் கடலோர முனையம் நிறுவப்பட்டுள்ளது.

இந்தியாவின் துறைமுக திறன் கணிசமான வளர்ச்சியைக் கண்டுள்ளது, நாட்டின் மொத்த துறைமுக திறன் 2022-23 நிதியாண்டில் ஆண்டுக்கு 2,500  மில்லியன் டன்னை எட்டியுள்ளது. இது 2014-15 ஆம் ஆண்டிலிருந்து 86% அதிகரிப்பைக் குறிக்கிறது, இந்தக் காலகட்டத்தில் பெரிய துறைமுகங்களில் சரக்கு கையாளும் திறனும் இரட்டிப்பாகியுள்ளது. துறைமுகத்தின் உள்கட்டமைப்பு மற்றும் செயல்பாட்டுத் திறனை மேம்படுத்த அரசு மேற்கொண்டு வரும் முயற்சிகளை இந்த சாதனைகள் அடிக்கோடிட்டுக் காட்டுகின்றன.

மேலும் விவரங்களுக்கு இந்த செய்திக்குறிப்பை ஆங்கிலத்தில் இங்கே காணவும்:
https://pib.gov.in/PressReleseDetail.aspx?PRID=2040930

*****

RB/DL