حکومت ہند نے ان بچوں کے معاملات کو حل کرنے کے لیے اقدامات کیے ہیں جنہیں ازدواجی تنازعہ یا گھریلو تشدد کی وجہ سے میاں بیوی میں سے ایک کی اجازت کے بغیر دوسرے شریک حیات کے ذریعہ دوسرے ممالک سے ہندوستان لایا گیا تھا یا ہندوستان سے باہر لے جایا گیا تھا۔ خواتین اور بچوں کی ترقی کی وزارت نے ثالثی کی اہمیت کو مدنظر رکھتے ہوئے اور بچے کے بہترین مفاد کے تحفظ کے لیے قومی کمیشن برائے تحفظ حقوق اطفال (این سی پی سی آر) میں ایک ثالثی سیل تشکیل دیا تاکہ بچے کے بہترین مفاد کو مدنظر  رکھتے ہوئے والدین کے لیے منصوبہ بندی کی تیاری کے لیے ایسے معاملات کو حل کیا جا سکے۔

مزید یہ کہ اس وزارت نے ازدواجی تنازعات سے متعلق مسائل سے نمٹنے کے لیے وزارت داخلہ، وزارت خارجہ، وزارت قانون و انصاف کے نمائندوں کے ساتھ مربوط نوڈل ایجنسی (آئی این اے) قائم کی ہے۔ ایسے معاملات میں، یا تو شوہر یا بیوی یا ایسے بچے کا موجودہ کفیل، یا خود بچہ/بچی سیکشن آفیسر، چائلڈ ویلفیئر-I سیکشن، پہلی منزل، جیون تارا بلڈنگ، پارلیمنٹ اسٹریٹ، نئی دہلی-110001میں آئی این اے کو، مقررہ درخواست فارمیٹ کے مطابق ایک درخواست دائر کر سکتا ہے یا اسے ای میل-ina.childcustody-wcd[at]nic[dot]in کے ذریعے ارسال کر سکتا۔ مقدمات کے حقائق پر منحصر ، آئی این اے والدین کا منصوبہ تیار کرنے کے لیے معاملے کو ثالثی سیل کے پاس بھیجتا ہے۔

ثالثی سیل متعلقہ فریقوں کو ذاتی طور پر یا ویڈیو کانفرنسنگ کے ذریعے کال کرکے والدین کا منصوبہ تیار کرنے کی کوشش کرتا ہے اور باہمی رضامندی سے معاملے کو حل کرنے کی کوشش کرتا ہے۔ ثالثی سیل ثالثی کے عمل کی تکمیل کے بعد رپورٹ بھی آئی این اے کو فراہم کرتا ہے۔ تاہم، آئی این اے اپنی صوابدید میں کیس کو دوبارہ ثالثی سیل کو بھیج سکتا ہے۔ ثالثی سیل کی جانب سے پیش کی گئی رپورٹ کی بنیاد پر ایک حتمی حکم آئی این اے جاری کرتا ہے۔ یہ حکم کیس میں شامل فریقین کے ساتھ ساتھ وزارت خارجہ، وزارت داخلہ، خواتین اور بچوں کی ترقی کی وزارت اور متعلقہ سفارت خانے کو بھی دستیاب کرایا جاتاہے۔

یہ جانکاری خواتین اور بچوں کی ترقی کی وزیر محترمہ انّاپورنہ دیوی کے ذریعہ آج لوک سبھا میں ایک تحریری جواب کے تحت دی گئی۔

**********

 

(ش ح –ا ب ن۔ م ف)

U.No:9248

(Release ID: 2041033) Visitor Counter : 37