நாட்டில் மின்சார வாகனங்களின் பயன்பாட்டை அதிகரிப்பதற்காக கனரக தொழில்கள் அமைச்சகம் தற்போது பின்வரும் திட்டங்களை செயல்படுத்தி வருகிறது:

1.    மின்சார வாகன ஊக்குவிப்பு திட்டம் 2024 (EMPS) 6 மாத காலத்திற்கு ₹ 778 கோடி செலவில், ஏப்ரல் 1, 2024முதல் செப்டம்பர் 30, 2024 வரை,

2.    ஆட்டோமொபைல் மற்றும் வாகன உதிரிபாகத் தொழிலுக்கான உற்பத்தியுடன் இணைந்த ஊக்கத் திட்டம் (PLI-AAT) ₹ 25,938 கோடி பட்ஜெட் ஒதுக்கீட்டுடன் மின்சார வாகனங்களை ஊக்குவிக்கிறது.

3.    நாட்டில் மேம்பட்ட வேதியியல் செல் (பி.எல்.ஐ-ஏ.சி.சி) உற்பத்திக்கான உற்பத்தியுடன் இணைந்த ஊக்கத் திட்டம் ரூ .18,100 கோடி பட்ஜெட் ஒதுக்கீட்டில் செயல்படுத்தப்படுகிறது.

4.    உலகளாவிய மின்சார வாகன உற்பத்தியாளர்களிடமிருந்து முதலீடுகளை ஈர்ப்பதற்கும், மின்னணு வாகனங்களுக்கான உற்பத்தி மையமாக இந்தியாவை மேம்படுத்துவதற்கும் மின்சார பயணிகள் கார்களின் உற்பத்தியை ஊக்குவிக்கும் திட்டம் செயல்படுத்தப்படுகிறது

கனரக தொழில்கள் அமைச்சகம் ஒரு திட்டத்தை வகுத்தது; இந்தியாவில் மின்சார / கலப்பின வாகனங்களை (xEVs) ஊக்குவிப்பதற்காக 2015-ம் ஆண்டில் இந்தியாவில் (ஹைப்ரிட் &) மின்சார வாகனங்களை (FAME India) விரைவாக ஏற்றுக்கொள்வது மற்றும் உற்பத்தி செய்தல் திட்டத்தை செயல்படுத்தப்படுகிறது

ஃபேம் இந்தியா திட்டத்தின் முதல் கட்டத்தில் பெறப்பட்ட அனுபவம் மற்றும் வெளிப்பாடுகளின் அடிப்படையிலும், தொழில் மற்றும் தொழில் சங்கங்கள் உட்பட அனைத்து பங்குதாரர்களுடனும் கலந்தாலோசித்த பிறகும், 2019ஏப்ரல் 1 முதல் ஐந்து ஆண்டுகளுக்கு ஃபேம் இந்தியா திட்டத்தின் இரண்டாம் கட்டத்தை அரசு அறிவித்தது. இதன் மொத்த பட்ஜெட் ஆதரவு ரூ.11,500 கோடி.

மேலும், ஃபேம்-2 திட்டத்தின் கீழ் 6862 மின்சார பேருந்துகள் பல்வேறு நகரங்கள் / அரசு போக்குவரத்துக் கழகங்கள் / மாநில அரசு நிறுவனங்களுக்கு உள்ளேயே இயக்க அனுமதிக்கப்பட்டுள்ளன. 6,862 மின்சார பேருந்துகளில், 4,853 மின்சார பேருந்துகள் 31ஜூலை 2024 வரை வழங்கப்பட்டுள்ளன.

7,432 மின்சார வாகன பொது சார்ஜிங் நிலையங்களை நிறுவுவதற்காக பெட்ரோலியம் மற்றும் இயற்கை எரிவாயு அமைச்சகத்தின் மூன்று எண்ணெய் சந்தைப்படுத்தல் நிறுவனங்களுக்கு (ஓஎம்சி) ரூ .800 கோடி மூலதன மானியமாக அனுமதிக்கப்பட்டுள்ளது. மாநிலங்களவையில் இன்று கேள்வி ஒன்றுக்கு எழுத்து மூலம் அளித்த பதிலில் கனரக தொழில்கள் மற்றும் எஃகுத் துறை இணையமைச்சர் திரு பூபதி ராஜு சீனிவாச வர்மா இந்தத் தகவலைத் தெரிவித்தார்.

மேலும் விவரங்களுக்கு இந்த ஆங்கில செய்திக்குறிப்பைக் காணவும்: https://pib.gov.in/PressReleasePage.aspx?PRID=2040734

***

PLR/RS/KV/DL

(Release ID: 2040966) Visitor Counter : 110