2 ஜூலை 2021 முதல், பீகார் மாநிலம் உட்பட நாட்டில் முன்னுரிமைத் துறை கடன் (PSL) பலனைப் பெறுவதற்காக சில்லறை மற்றும் மொத்த வர்த்தகர்கள் எம்எஸ்எம்இ பட்டியலில் சேர்க்கப்பட்டுள்ளனர். இந்த கடன்கள் பல்வேறு வங்கிகளால் வழங்கப்படுவதுடன் ரிசர்வ் வங்கியின் தரவுகளின்படி, பீகாரில் எம்.எஸ்.எம்.இ துறைக்கு ஷெட்யூல்டு கமர்ஷியல் வங்கியால் கடந்த 3 ஆண்டுகளில் 31.77 லட்சம் பேருக்கு ரு.1,25,798 கோடி கடனுதவி அளிக்கப்பட்டுள்ளது.
குறு மற்றும் சிறு தொழில் நிறுவனங்களுக்கான கடன் உத்தரவாத நிதி அறக்கட்டளை, அதன் உறுப்பினர் கடன் வழங்கும் நிறுவனங்கள் குறு மற்றும் சிறு நிறுவனங்களுக்கு வழங்கும் கடனுக்கு உத்தரவாதம் அளிக்கிறது. இத்திட்டம் தொடங்கப்பட்டதிலிருந்து 31.03.2024 வரை நாட்டில் மொத்தம் 32,02,267 வணிகர்களுக்கு ரூ.1,33,489 கோடி மதிப்பிலான உத்தரவாதங்கள் வழங்கப்பட்டுள்ளன. இதில், 1,23,659 உத்தரவாதங்கள் பீகாரில் உள்ள வணிகர்களுக்கு ரூ .7,397 கோடிக்கு வழங்கப்பட்டன.

எம்.எஸ்.எம்.இ அமைச்சகம் பீகார் மாநிலம் உட்பட நாடு முழுவதும் குறு, சிறு மற்றும் நடுத்தர நிறுவனங்களின் (எம்.எஸ்.எம்.இ) துறையின் மேம்பாடு மற்றும் மேம்பாட்டிற்கான பல்வேறு திட்டங்கள்/திட்டங்களை செயல்படுத்துகிறது, இதில் பிரதமரின் வேலைவாய்ப்பு உருவாக்கும் திட்டம் (PMEGP), சுயசார்பு இந்தியா (SRI) நிதி, பிரதமரின் விஸ்வகர்மா திட்டம், தொழில்முனைவோர் திறன் மேம்பாட்டு திட்டம் (ESDP), கொள்முதல் மற்றும் சந்தைப்படுத்தல் ஆதரவு திட்டம் (PMSS), குறு மற்றும் சிறு தொழில் நிறுவனங்கள் – தொகுப்பு மேம்பாட்டுத் திட்டம் (MSE-CDP), MSME சாம்பியன்ஸ் திட்டம் போன்றவை அடங்கும்.
மேலும், பிரதமரின் வேலைவாய்ப்பு உருவாக்கும் திட்டத்தின் கீழ், பண்ணை அல்லாத துறையில் புதிய குறுந்தொழில் தொடங்குவதற்கு கடனுடன் இணைந்த மானியம் வழங்கப்படுகிறது. உற்பத்திப் பிரிவில் ரூ.50 லட்சம் வரையிலும், சேவைத் துறையில் ரூ.20 லட்சம் வரையிலும் திட்ட மதிப்பீட்டில் 15% முதல் 35% வரை விளிம்புத் தொகை மானியம் வழங்கப்படுகிறது. பெண்கள் உட்பட சிறப்புப் பிரிவைச் சேர்ந்த பயனாளிகளுக்கு, விளிம்புத் தொகை மானியம் கிராமப்புறங்களில் 35% மற்றும் நகர்ப்புறங்களில் 25% ஆகும்.
தற்சார்பு இந்தியா நிதியத்தின் மூலம் ரூ.50,000 கோடி பங்கு மூலதனம் உட்செலுத்துதல். இத்திட்டத்திற்கு மத்திய அரசிடமிருந்து ரூ.10,000 கோடியும், தனியார் பங்கு / துணிகர மூலதன நிதிகள் மூலம் ரூ.40,000 கோடியும் ஒதுக்கப்பட்டுள்ளது. எம்.எஸ்.எம்.இ துறையின் தகுதியான அலகுகளுக்கு, வளர்ச்சி மூலதனம் வழங்குவதை, இந்த முயற்சி நோக்கமாகக் கொண்டுள்ளது. 30.06.2024 நிலவரப்படி, 53 புதல்வி நிதிகள் அங்கீகரிக்கப்பட்டு, ரூ.8,353 கோடி முதலீடு மூலம், 450 குறு, சிறு மற்றும் நடுத்தரத் தொழில் நிறுவனங்களுக்கு உதவி செய்யப்பட்டுள்ளது.

மக்களவையில் இன்று கேள்வி ஒன்றுக்கு எழுத்து மூலம் அளித்த பதிலில் குறு, சிறு மற்றும் நடுத்தரத் தொழில்கள் துறை இணையமைச்சர் செல்வி ஷோபா கரந்தலஜே இந்தத் தகவலைத் தெரிவித்துள்ளார்.

***************** 

MM/AG/KV

(Release ID: 2040587) Visitor Counter : 65