விவசாயத்துறை அமைச்சகம்
இயற்கை ரப்பருக்கான குறைந்தபட்ச ஆதரவு விலை
Posted On:
30 JUL 2024 6:26PM by PIB Chennai
இயற்கை ரப்பரின் விலை வெளிச்சந்தையில் தேவை, விநியோகம் ஆகியவற்றின் அடிப்படையில் தீர்மானிக்கப்படுகிறது. சர்வதேச ரப்பர் விலைகளும் உள்நாட்டு விலையில் செல்வாக்கு செலுத்துகின்றன. இயற்கை ரப்பர் இறக்குமதியை ஒழுங்குபடுத்தும் நோக்கத்துடன், உலர் ரப்பர் இறக்குமதி மீதான வரியை 20% அல்லது ஒரு கிலோவுக்கு ரூ.30 இவற்றில் எது குறைவோ என்பதிலிருந்து 25% அல்லது ஒரு கிலோவுக்கு ரூ.30 இவற்றில் எது குறைவோ என்ற அடிப்படையில் 30.4.2015 முதல் மாற்றி அமைக்கப்பட்டது.
முன்கூட்டிய உரிமத் திட்டத்தின் கீழ் இறக்குமதி செய்யப்படும் உலர் ரப்பரின் பயன்பாட்டு காலத்தை 18 மாதங்களில் இருந்து 6 மாதங்களாக 2015 ஜனவரி மாதம் அரசு குறைத்தது. 2023-24 பட்ஜெட்டில், கூட்டு ரப்பர் மீதான சுங்க வரி விகிதம் 10% முதல் 25% வரை உயர்த்தப்பட்டது.
மாநில அரசுகள், சம்பந்தப்பட்ட மத்திய அமைச்சகங்கள், துறைகளின் கருத்துகள், இதர தொடர்புடைய காரணிகளை கருத்தில் கொண்டு, வேளாண் செலவுகள் மற்றும் விலைகளுக்கான ஆணையத்தின் பரிந்துரைகளின் அடிப்படையில், 22 கட்டாய வேளாண் பயிர்களுக்கு குறைந்தபட்ச ஆதரவு விலையை அரசு நிர்ணயிக்கிறது. பயிர்களைக் காப்பீடு செய்வது தொடர்பாக மாநில அரசுகள் மற்றும் பல்வேறு விவசாய அமைப்புகளிடம் இருந்து ஆலோசனைகள் அவ்வப்போது பெறப்படுகின்றன.
புதிய ரப்பர் நடவு, மறுநடவு, விவசாயிகளுக்கு ஆதரவு, இயற்கை ரப்பர் பதப்படுத்தல், சந்தைப்படுத்தல், தொழிலாளர் பற்றாக்குறை, விவசாயிகள் மன்றங்கள், வெளிநாட்டு வர்த்தகம், மத்திய-மாநில ஒருங்கிணைந்த உத்திகள், ஆராய்ச்சி, பயிற்சி, ரப்பர் தயாரிப்பு உற்பத்தி, ஏற்றுமதி, பருநிலை மாற்ற கவலைகள் ஆகியவற்றை உள்ளடக்கிய தேசிய ரப்பர் கொள்கையை வர்த்தகத் துறை 2019 மார்ச் மாதம் கொண்டு வந்தது.
இயற்கை ரப்பரை விவசாய உற்பத்தியாக கருத முடியாது. இயற்கை ரப்பர் சாகுபடியை ஒரு விவசாய நடவடிக்கையாகக் கருத முடிந்தாலும், அது கைத்தொழில் நோக்கங்களுக்கான மூலப்பொருளாக பிரத்தியேகமாக பயன்படுத்தப்படுவதால் அதன் பயிர்ச் செய்கைக்குப் பின்னரான நடைமுறைகளிலிருந்து கிடைக்கும் வருமானம் விவசாய வருமானமாகக் கருதப்படமாட்டாது. எவ்வாறாயினும், இயற்கை ரப்பர் உற்பத்தியாளர்களின் நலன்களைப் பாதுகாப்பதற்காக அது விலக்கு பட்டியலில் சேர்க்கப்பட்டுள்ளது.
மக்களவையில் கேள்வி ஒன்றுக்கு எழுத்து மூலம் அளித்த பதிலில் மத்திய வேளாண்மை மற்றும் விவசாயிகள் நலத்துறை இணையமைச்சர் திரு ராம்நாத் தாக்கூர் இந்தத் தகவலைத் தெரிவித்தார்.
***
(Release ID: 2039566)
Visitor Counter : 27