پی ایم- کسان اسکیم ایک مرکزی سیکٹر اسکیم ہے جسے فروری 2019 میں زمیندار کسانوں کی مالی ضروریات کو پورا کرنے کے لیے معزز وزیر اعظم نے شروع کیا تھا ۔ اس اسکیم کے تحت، 6,000/- روپے سالانہ کا مالی فائدہ تین مساوی قسطوں میں براہ راست فائدہ کی منتقلی (ڈی بی ٹی) موڈ کے ذریعہ ملک بھر کے کسانوں کے خاندانوں کے بینک کھاتوں میں منتقل کیا جاتا ہے۔ پی ایم- کسان اسکیم دنیا کی سب سے بڑی ڈی بی ٹی اسکیموں میں سے ایک ہے۔

کسانوں پر مرکوز ڈیجیٹل انفراسٹرکچر نے اس بات کو یقینی بنایا ہے کہ اس اسکیم کے فوائد کسی  ثالثی کی شمولیت کے بغیر ملک بھر کے تمام کسانوں تک پہنچیں۔ مستفیدین کے اندراج اور تصدیق میں مکمل شفافیت کو برقرار رکھتے ہوئے، حکومت ہند نے اب تک 11 کروڑ سے زیادہ کسانوں کو 17 قسطوں میں 3.24 لاکھ کروڑ روپے سے زیادہ کی رقم تقسیم کی ہے۔

حکومت ہند ریاستی حکومتوں اور متعلقہ مرکزی وزارتوں/محکموں کے آراء پر غور کرنے کے بعد، زرعی لاگت اور قیمتوں کے کمیشن (سی اے سی پی) کی سفارشات کی بنیاد پر 22 لازمی زرعی فصلوں کے لیے کم از کم امدادی قیمتیں (ایم ایس پی) طے کرتی ہے۔ ایم ایس پی کی سفارش کرتے وقت، سی اے سی پی طلب اور رسد کی مجموعی صورتحال، پیداوار کی لاگت، ملکی اور بین الاقوامی قیمتیں، فصلوں کی قیمتوں میں برابری، زرعی اور غیر زرعی شعبوں کے درمیان تجارت کی شرائط، باقی معیشت پر ممکنہ اثر، زمین، پانی اور دیگر پیداواری وسائل کے معقول استعمال کو یقینی بنانے کے علاوہ پیداواری لاگت پر کم از کم 50 فیصد مارجن وغیرہ جیسے اہم عوامل پر غور کرتا ہے۔

ایم ایس پی پالیسی کے مقاصد کو حاصل کرنے کے لیے، حکومت فوڈ کارپوریشن آف انڈیا (ایف سی آئی) اور ریاستی ایجنسیوں کے ذریعہ دھان اور گیہوں کے لیے قیمت کی حمایت میں توسیع کرتی ہے۔ حکومت ہند نے دھان/گیہوں کی خریداری کے لیے خریداری کرنے والی ریاستوں کے ساتھ مفاہمت نامے پر دستخط کیا ہے کیونکہ کسانوں سے اناج کی خریداری بنیادی طور پر ریاستی حکومت کرتی ہے۔ ایجنسیاں مفاہمت نامے میں اس بات پر خاص طور پر زور دیا گیا ہے کہ ”ایم ایس پی اور بونس کی ادائیگی، اگر کوئی ہے تو، کسانوں کے بینک کھاتوں میں براہ راست حکومت کے آن لائن خریداری سسٹم کے ذریعہ ۔ خریداری کرنے والی ایجنسیاں ترجیحی طور پر دھان/گندم کی خریداری کے 48 گھنٹوں کے اندر کی جائے گی ۔ کسانوں سے اناج کی پوری خریداری آن لائن پورٹل کے ذریعے کی جاتی ہے اور ایم ایس پی کی آن لائن ادائیگی بھی براہ راست کسانوں کے کھاتے میں کی جاتی ہے۔ ایم ایس پی کے ڈی بی ٹی  نظام میں ذمہ داری، شفافیت اور حقیقی وقت کی نگرانی کی ہے۔

مزید برآں، پی ایم اے ایس ایچ اے اسکیم کے تحت امدادی قیمت اسکیم تحت رجسٹرڈ کسانوں سے تیل کے بیج، دالیں اور کھوپرا متعلقہ ریاستی حکومتوں کے مشورے سے خریدے جاتے ہیں، جب ان کی مارکیٹ قیمتیں مصنوعات ایم ایس پی سے نیچے آتی ہیں۔ اسکیم کے تحت، کسانوں کو ان کی پیداوار کی وصولی کے تین دن کے اندر آر ٹی جی ایس یا این ای ایف ٹی کے ذریعہ ان کے انفرادی بینک کھاتوں میں ادائیگی کی جاتی ہے۔

کپاس اور جوٹ بھی حکومت کی طرف سے ایم ایس پی پر بالترتیب کاٹن کارپوریشن آف انڈیا (سی سی آئی) اور جوٹ کارپوریشن آف انڈیا (جے سی آئی) کے ذریعہ خریدی جاتی ہے۔ سی سی آئی نے کپاس کے حقیقی کاشتکاروں کو بروقت ادائیگی کو یقینی بنانے کے لیے کئی اقدامات کیے ہیں جن میں موقع پر آدھار پر مبنی کسان رجسٹریشن کا نفاذ، "کاٹ –ایلی"، موبائل ایپ لانچ ، اور نیشنل آٹومیٹڈ کلیئرنگ ہاؤس کے ذریعہ کپاس کے کاشتکاروں کو 100فیصد ادائیگیاں شامل ہیں۔ اس  ایم ایس پی اسکیم کا فائدہ صرف حقیقی کپاس کاشتکاروں کو فراہم کیا جاتا ہے اور اس طرح ان کی کپاس کی کاشت میں دلچسپی برقرار رہتی ہے۔ عام طور پر، کسانوں کو ادائیگی 7 دنوں کے اندر کی جاتی ہے۔

یہ اطلاعات زراعت اور کسانوں کی بہبود کے مرکزی وزیر مملکت جناب رام ناتھ ٹھاکر نے آج لوک سبھا میں ایک تحریری جواب میں فراہم کی۔

۔۔۔۔۔۔۔۔۔۔۔۔۔۔۔۔۔۔۔۔۔

(ش ح ۔ رض  ۔ ت ع(

9025