وزارت ثقافت ’تجربہ کار فنکاروں کے لیے مالی امداد‘ کے نام سے ایک اسکیم کا انتظام کرتی ہے جس کے تحت 60 سال اور اس سے زیادہ عمر کے تجربہ کار فنکاروں کو 6000 روپے ماہانہ تک کی مالی امداد فراہم کی جاتی ہے جن کی سالانہ آمدنی 72,000 روپے سے زیادہ نہ ہو اور جنھوں نے اپنی زندگی میں فنون لطیفہ، آرٹ وغیرہ کے میدان میں نمایاں تعاون کیا ہو یا ابھی بھی کر رہے ہیں لیکن بڑھاپے کی وجہ سے مستقل آمدنی پیدا کرنے سے قاصر ہیں۔ تاہم، اسکیم کے تحت فنکاروں کو جو مالی امداد فراہم کی جارہی ہے وہ روایتی معنوں میں کسی بھی قسم کی پنشن نہیں ہے جو سی سی ایس (پنشن) کے قواعد کے تحت چلتی ہے۔

2018 سے 2024 کی مدت کے دوران اس اسکیم کے تحت مہاراشٹر کے یاوتمال اور واشیم اضلاع سے موصول، سفارش کردہ اور منظور شدہ درخواستیں ضمیمہ میں منسلک ہیں۔

حکومت کی یہ مسلسل کوشش رہی ہے کہ وہ تجربہ کار فنکاروں کو اس اسکیم کے تحت مالی امداد حاصل کرنے میں مدد فراہم کرے۔ اس اسکیم کے تحت مستفیدین کی مشکلات کو کم کرنے کے لیے گزشتہ چند سالوں کے دوران درج ذیل اقدامات کیے گئے ہیں:

 

(i) اسکیم کے تحت مالی امداد کی مقدار کو 4000/- روپے ماہانہ سے بڑھا کر 6000/- روپے ماہانہ کر دیا گیا ہے جس کا اطلاق جون، 2022 سے ہو گا۔

(ii) ہر سال آمدنی کا سرٹیفکیٹ جمع کرنے کی شرط کو اب ختم کر دیا گیا ہے اور اس کے بجائے اب اسے پانچ سال میں ایک بار جمع کروانے کی ضرورت ہے۔

(iii) اس سے قبل، اسکیم کے تحت درخواست دینے والے فنکار کو لازمی طور پر متعلقہ ریاستی حکومت/یو ٹی انتظامیہ سے کم از کم 500 روپے ماہانہ فنکاروں کی پنشن کا وصول کنندہ ہونا چاہیے تھا۔ اس شرط میں نرمی کی گئی۔

(iv) منتخب فنکاروں کو مالی امداد کی ہموار اور بروقت تقسیم کو یقینی بنانے کے لیے، کینرا بینک کے ساتھ 28.06.2023 کو ایک ایم او یو پر دستخط کیے گئے ہیں۔

ثقافت اور سیاحت کے مرکزی وزیر جناب گجیندر سنگھ شیخاوت نے آج لوک سبھا میں ایک تحریری جواب میں یہ معلومات فراہم کی۔

                                               **************

ش ح۔ ف ش ع- م ف

29-07-2024

U: 8941

(Release ID: 2038744)