சுற்றுலா அமைச்சகம் பல்வேறு முன்முயற்சிகள் மூலம் ஊரகப் பகுதிகளில் சுற்றுலாவை மேம்படுத்த பல்வேறு நடவடிக்கைகளை மேற்கொண்டு வருகிறது. சுற்றுலா அமைச்சகம் தனது இணையதளம் மற்றும் சமூக ஊடக விளம்பரங்கள் மூலம் பல்வேறு சுற்றுலா தலங்கள், ஊரக சுற்றுலாப் பகுதிகளின் தயாரிப்புகள்  குறித்து தகவல்களை அளித்து ஊக்குவிக்கிறது.

ஊரகச் சுற்றுலாவில் சிறந்த நடைமுறைகளை அடையாளம் காண, அமைச்சகம் 2023-ம் ஆண்டில் சிறந்த ஊரகச் சுற்றுலா கிராமப் போட்டியை ஏற்பாடு செய்தது. ஒடிசாவின் பாரம்பரிய கைவினைக் கிராமமான ரகுராஜ்பூர், வெள்ளிப் பிரிவில் 2023-ம் ஆண்டின் சிறந்த சுற்றுலா கிராமமாக அங்கீகரிக்கப்பட்டுள்ளது.

ஊரகச் சுற்றுலாத் தலங்கள் உள்ளிட்ட சுற்றுலாத் தலங்களில் சுற்றுலா கட்டமைப்பு வசதிகளை மேம்படுத்துவதற்காக அமைச்சகத்தின் பல்வேறு திட்டங்களின் கீழ் பல்வேறு மாநில அரசுகள் / யூனியன் பிரதேச அரசுகளுக்கு மத்திய அரசின் நிதியுதவி அதிகரிக்கப்பட்டுள்ளது. மாநிலங்கள் மற்றும் யூனியன் பிரதேச அரசுகளிடமிருந்து பெறப்பட்ட கோரிக்கைகளின் அடிப்படையிலும், வழிகாட்டுதல்களின்படியும் மத்திய நிதியுதவி அதிகரிக்கப்பட்டது.

மக்களவையில் இன்று கேள்வி ஒன்றுக்கு எழுத்து மூலம் அளித்த பதிலில் மத்திய சுற்றுலா மற்றும் கலாச்சாரத்துறை அமைச்சர் திரு. கஜேந்திர சிங் ஷெகாவத் இந்தத் தகவலைத் தெரிவித்தார்.

***

IR/KPG/DL