ریفائننگ کی صلاحیت میں بتدریج توسیع کے ساتھ، ملک پہلے ہی ریفائننگ کے شعبے میں خود کفیل ہو چکا ہے۔ مختلف کوششوں کے نتیجے میں، ہندوستانی ریفائننگ کی صلاحیت گزشتہ 10 سالوں میں 215.1 ملین میٹرک ٹن سالانہ (ایم ایم ٹی پی اے) سے بڑھ کر 256.8 ایم ایم ٹی پی اے ہو گئی ہے۔ 256.8 ایم ایم ٹی پی اے کی موجودہ ریفائننگ صلاحیت کے مقابلے، سال 2023-24 میں پیٹرولیم مصنوعات کی گھریلو کھپت 233.3 ایم ایم ٹی پی اے تھی۔ سال 2028 تک ملک کی ریفائننگ کی صلاحیت 309.5 ایم ایم ٹی پی اے تک بڑھنے کا امکان ہے۔ پیٹرول اور ڈیزل کی کھپت میں طویل مدتی ترقی کے رجحانات اور توانائی کی منتقلی کے لیے حکومت کی مختلف کوششوں کی بنیاد پر، کمپریسڈ نیچرل گیس (سی این جی)، بائیو کو اپنانے میں اضافہ ایندھن بشمول ایتھنول، الیکٹرک وہیکلز (ای وی) وغیرہ کے ساتھ ساتھ صارفین کی ترجیحات میں اضافہ، یہ صلاحیت متوقع طلب کو پورا کرنے کے لیے کافی ہو سکتی ہے ۔مزید، ریفائنریز ریفائننگ کے معیار کو بہتر بنانے کے لیے جدید ترین ٹیکنالوجیز کے مطابق اپنی سہولیات کو مسلسل اپ گریڈ کر رہی ہیں۔بی ایس- VI آٹو فیول کی تقسیم پہلے ہی 01.04.2020 سے نافذ ہو چکی ہے اور اس وقت آئل مارکیٹنگ کمپنیوں (او ایم سیز) کے تمام ریٹیل آؤٹ لیٹس بی ایس-VI موٹر اسپرٹ (ایم ایس) اور ہائی اسپیڈ ڈیزل (ایچ ایس ڈی) کی فراہمی پین انڈیا بنیاد پر کر رہے ہیں۔

شماریات اور پروگرام کے نفاذ کی وزارت (ایم او ایس پی آئی) کی فراہم کردہ معلومات کے مطابق، کوک اور ریفائنڈ پیٹرولیم مصنوعات (این آئی سی19) کی تیاری کا مجموعی ویلیو ایڈیشن(جی وی اے)2012-13 میں 1.56 لاکھ کروڑ روپے سے بڑھ کر 2022-23 میں 2.12 لاکھ کروڑ روپے ہو گیا ہے (پہلے نظر ثانی شدہ تخمینوں کے مطابق)،جس نے آل انڈیا جی ڈی پی کو 99.44 لاکھ کروڑ روپے سے بڑھا کر  اسی مدت میں موجودہ قیمتوں پر 269.49 لاکھ کروڑ روپے  تک پہنچادیا ہے۔

یہ اطلاع پٹرولیم اور قدرتی گیس کی وزارت میں ریاستی وزیرجناب سریش گوپی نے آج راجیہ سبھا میں ایک تحریری جواب میں دی۔

***********

 

ش ح ۔  ش ت - م ش

U. No.8928

(Release ID: 2038626) Visitor Counter : 37