کسانوں کو بائیوسٹیمولنٹس کے اچھے معیار کی فراہمی کو یقینی بنانے کے لیے ، بھارت سرکار نے کھاد (کنٹرول) آرڈر ، 1985 کے تحت بائیوسٹیمولنٹس کو شامل کیا۔ سی ویڈ بایوسٹیمولنٹس کی آٹھ اقسام میں سے ایک ہے۔ ایف سی او کے تحت بھارت سرکار کو سمندری گھاس کی خصوصیات کی وضاحت کرنے اور اس کے معیار کو بھی ریگولیٹ کرنے کا اختیار حاصل ہے۔

اس کے علاوہ بھارت سرکار محکمہ ماہی پروری، ماہی گیری، مویشی پروری اور ڈیری نگ کے ذریعے ملک میں سی ویڈ کی کاشت کو فروغ دے رہی ہے۔ پردھان منتری متسیہ سمپدا یوجنا (پی ایم ایم ایس وائی) کے تحت 98.75 کروڑ روپے کے مرکزی حصے کے ساتھ 193.56 کروڑ روپے کی کل لاگت کے پروجیکٹوں کو منظوری دی گئی ہے اور ملک میں سی ویڈ کی کاشت کی ترقی کے لیے ساحلی ریاستوں / مرکز کے زیر انتظام علاقوں اور آر اینڈ ڈی اداروں کو فنڈز جاری کیے گئے ہیں۔

منظور شدہ منصوبوں میں مندرجہ ذیل شامل ہیں:

• مختلف ساحلی ریاستوں/ مرکز کے زیر انتظام علاقوں، تمل ناڈو میں ایک سی ویڈ پارک اور دیو (یو ٹی آف ڈی این ایچ اینڈ ڈی ڈی) میں ایک سی ویڈ بینک کے لیے منظور شدہ معلومات کے ساتھ 45،095 کشتیاں اور 66،330 مونو لائنیں۔

• سی ویڈ بیج پلانٹ کی پیداوار، تجارتی طور پر قیمتی سی ویڈ کی پائلٹ اسکیل فارمنگ اور سی ویڈ فارمنگ کے لیے فزیبلٹی اسٹڈیز، بیداری اور تربیت وغیرہ کے لیے آر اینڈ ڈی اداروں کو 4.65 کروڑ روپے کی کل لاگت سے 06 پروجیکٹوں کی منظوری دی گئی ہے۔

گجرات میں خلیج کچھ (کوری کریک ایریا) میں بھی سی ویڈ کی کاشت کو فروغ دیا جاتا ہے۔ پی ایم ایم ایس وائی کے تحت آر اینڈ ڈی ان اداروں کو تین تجاویز منظور کی گئیں:

(الف) سینٹرل سالٹ اینڈ میرین کیمیکل ریسرچ انسٹی ٹیوٹ (سی ایس آئی آر-سی ایس ایم سی آر آئی)،

(ب) سینٹرل میرین فشریز ریسرچ انسٹی ٹیوٹ (آئی سی اے آر-سی ایم ایف آر آئی) اور

(ج) این ایف ڈی بی، محکمہ ماہی پروری، بھارت سرکار کے تعاون سے نجی کاروباری افراد مقامی دیہاتیوں کو شامل کرتے ہوئے سی ویڈ کی کاشت کی فزیبلٹی، تربیت اور ڈیمو کے منصوبوں پر کام کر رہے ہیں۔

حکومت 2015-16 سے پرمپراگت کرشی وکاس یوجنا (پی کے وی وائی) اور شمال مشرقی خطے کے لیے مشن نامیاتی ویلیو چین ڈیولپمنٹ (ایم او وی سی ڈی این ای آر) کی اسکیموں کے ذریعے ملک میں نامیاتی کاشتکاری کو فروغ دے رہی ہے۔ پی کے وی وائی کو شمال مشرقی ریاستوں کے علاوہ ملک بھر میں تمام ریاستوں میں نافذ کیا جارہا ہے جبکہ ایم او وی سی ڈی این ای آر اسکیم کو خصوصی طور پر شمال مشرقی ریاستوں میں نافذ کیا جارہا ہے۔ دونوں اسکیموں میں نامیاتی کاشتکاری میں مصروف کسانوں کو اینڈ ٹو اینڈ سپورٹ پر زور دیا گیا ہے یعنی پیداوار سے لے کر پروسیسنگ، سرٹیفکیشن اور مارکیٹنگ تک اور فصل کٹائی کے بعد کے انتظام کی تربیت اور صلاحیت سازی اس اسکیم کا لازمی حصہ ہیں۔

دونوں اسکیموں کے تحت نامیاتی کاشت کاری کی حوصلہ افزائی کی جاتی ہے اور کسانوں کو براہ راست پی کے وی وائی کے تحت 3 سال کے لیے 15000 روپے فی ہیکٹر اور ڈی بی ٹی کے ذریعے ایم او وی سی ڈی این ای آر کے تحت 3 سال کے لیے 15000 روپے فی ہیکٹر کی مالی مدد فراہم کی جاتی ہے۔ کسانوں کے پاس کسی بھی نامیاتی ان پٹ کے استعمال کے لیے ڈی بی ٹی کی رقم استعمال کرنے کا انتخاب ہے۔ تاہم، وزارت زراعت سی ویڈ پر مبنی نامیاتی کھادوں کے استعمال کے لیے کسانوں کو الگ سے مراعات فراہم نہیں کرتی ہے۔

یہ جانکاری مرکزی وزیر زراعت و کسانوں کی بہبود جناب شیوراج سنگھ چوہان نے آج راجیہ سبھا میں ایک سوال کے تحریری جواب میں دی۔

***

(ش ح – ع ا – ع ر)

U. No. 8826

(Release ID: 2037722) Visitor Counter : 56