নোর্থ ইস্তর্ন রিজন (NER)দা কেন্দ্র সরকারগী মরি লৈনবা মন্ত্রালয়শিং অমসুং দিপার্তমেন্তশিংনা রোদ অমসুং ত্রান্সপোর্ত ইনফ্রাস্ত্রকচর দেবেলপমেন্ত প্রোজেক্ত কয়া অমা পাইখৎলকখ্রে, মসিদা অতোপ্পা কয়া অমগা লোইননা য়াওরিবশিং অদুদি:

রোদ কনেক্তিবিতী: সরকারনা SARDP-NE, ভারতমালা- I অসিনচিংবা প্রোগ্রাম কয়া অসি পাইখত্তুনা রিজন অসিগী মনুংদা অমসুং ইস্ত-ৱেস্ত কোরিদোর প্রোগ্রামগী খুত্থাংদা ভারতকী অতোপ্পা মফম কয়াগা কনেক্তিবিতী ফগৎহন্নবগীদমক্তা অখন্নবা থৌরাং কয়া অমা লোখৎলি। ২০২৪-২৫তা ২০২৪গী মে ফাওবদা নেস্নেল হাইৱে রোদ পুন্না কি.মি. ৭৮ NE রাজ্যাশিংদা শেমখি। ২০২৪-২৫তা ২০২৪গী জুন ফাওবদা NE রাজ্যশিংদা NHশিংগা মরি লৈননা পুন্না লুপা করোর ২,৮৫৯.০০ থাদখি।

এয়র কনেক্তিবিতী: এয়রপোর্তশিংগী মশিং অদু ২০১৩দা ৯ ওইরম্বা অদুগা চাংদম্নবদা ২০২৩ ফাওবদা ১৭তা হেনগৎলকখ্রে। হৌখিবা চহি ১০ অসিদা ত্রাফিক মুবমেন্তশু ১১৩%দা হেনগৎলকখ্রে। সিভিল এফিয়র্স মন্ত্রালয়গী UDAN স্কীমগী মখাদা নোর্থ ইস্তর্ন স্তেতশিংদা ভেলিদ ফিক্স ৱিনগ অমসুং হেলিকোপ্তর রুত ১৯৪ পীখ্রে, মসিনা তুরিস্তশিং, ইনভেস্তরশিং পুক্নিং চিংশিনবদা মতেং পাংগনি অমসুং ইজ ওফ দুইং বিজনেসতা হেন্না ফহনগনি।

রেল কনেক্তিবিতী: নোর্থ ইস্তর্ন স্তেতশিংগী মনুংদা অমসুং ভারতকী অতোপ্পা মফমশিংগা রেল কনেক্তিবিতী ফগৎহন্নবা, রেলৱে ইনফ্রাস্ত্রকচর প্রোজেক্ত ১৮ (অনৌবা লাইন ১৩ , দব্লিনং ০৫), পুন্না লুপা করোর ৭৪,৯৭২ চংনা পুন্না কি.মি. ১,৩৬৮ শাংবা অমসুং হায়রিবশিং অসি নোর্থ ইস্তর্ন রিজনদা মপুং ফানা .শরুক খরা ওইবা অসি কনস্ত্রকশন স্তেজশিংগী প্লানিং/এপ্রুবলদা লৈ, মসিগী মনুংদা কি.মি. ৩১৩দি কমিসন তৌখ্রে অমসুং মার্চ ২০২৪ ফাওবদা লুপা করোর ৪০,৫৪৯ চংখ্রে।

ৱাতরৱে কনেক্তিবিতী: পোর্তস, শিপ্পিং অমসুং ৱাতরৱেজ (MoPSW) মন্ত্রালয়না সাগরমালা প্রোগ্রামগী মখাদা, নপর্থ-ইস্তকী রাজ্যশিংগী চাউখৎ-থৌরাংগীদমক্তা লুপা করোর ১,০০০ হেনবা প্রোজেক্তশিং পাইখৎখ্রে। NERদা পুন্না ৱাতরৱেজ ২০ মথৌ তৌরি, হৌখিবা চহি ১০দা ১৯ হেনগৎলকখি। অসামগী কুররৱা, বাহারি, ধুব্রি, গুজজান, ঘাগোর অমসুং মাতমোরাদা লুপা করোর ৩১০ চংনা ফেরী তর্মিনেল ৬ শেমখিবা অসিনা চত্থোক-চৎশিন তৌরিবশিংগী ত্রান্সপোর্তেশনদা মতেং পাংগনি, মসিনা ত্রান্সপোর্তেশনদা হৌজিক লৈরিব অপনবাশিং অদুবু কোকহল্লগনি। ইন্দো বংগ্লাদেশ প্রোতোকোল ওন ইনলেন্দ ৱাতর ত্রান্সিত অমসুং ত্রেত (PIWT&T)গী মখাদা ৱাতরৱে রুতশিংগী মশিং অদু ৮দগী ১০দা হেনগৎলকখ্রে অমসুং কোলগী পোর্ত ১১ অমসুং কোলগী এক্সতেন্দেদ পোর্ত ২, PIWT&Tগী মখাদা লৈবাক অনিক্তা অমমম থম্নবা লাওথোকখ্রে। FY-2023-24দা IBP রুত্তা কার্গো মিলিয়ন তন চাউরাক্না ৪.৭ পুখি।

মসিগী মথক্তা, দেবেলপমেন্ত ওফ নোর্থ ইস্তর্ন রিজন মন্ত্রালয় (MDoNER)না নোর্থ ইস্তর্ন রিজনগী চাউখৎ-থৌরাংগীদমক্তা স্কীমশিং/পেকেজশিং পাইখৎলি খুদম ওইনা নোর্থ ইস্ত স্পেসিয়েল ইনফ্রাস্ত্রকচর দেবেলপমেন্ত স্কীম-রোদস (NESIDS-রোদ), স্পেসিয়েল পেকেজ ওফ অসাম [বোদোলেন্দ তেরিতোরিয়েল কাউন্সিল (BTC), দিমা হাসাও ওতোনোমস তেরিতোরিয়েল কাউনসইল (DHATC) অমসুং কার্বি আংলোং ওতোনোমস তেরিতোরিয়েল কাউন্সিল (KAATC), অমসুং NECগী স্কীমশিং (নোর্থ ইস্তর্ন কাউন্সিল) হায়রিবশিং অসিগী মখাদা রোদ অমসুং ত্রান্সপোর্তকী প্রোজেক্তশিং সেঙ্কশন তৌখি। হেক হৌদোরকপদগী মসিগী চাউখৎ-থৌরাংগী স্কীমশিং/পেকেজশিং অসিগী মখাদা, কনেক্তিবিতী প্রোজেক্তশিং য়াওনা লুপা করোর ২৩,২৪০.৭৮গী প্রোজেক্ত ১,৯৮০ সেঙ্কশন তৌখ্রে।

হায়রিবা ই-পাউশিং অসি ঙসি লোক সভাদা হংখিবা ৱাহংগী অইবা পাউখুম ওইনা দেবেলপমেন্ত ওফ নোর্থ ইস্তর্ন রিজনগী রাজ্য মন্ত্রী,  শ্রী দা. সুকান্তা মাজুমদার পীখিবনি।

****