شمال مشرقی خطے  میں مرکزی حکومت کی متعلقہ وزارتوں اور محکموں کی طرف سے سڑک اور ٹرانسپورٹ کے بنیادی ڈھانچے کے فروغ کے کئی منصوبے شروع کیے گئے ہیں، جن میں منجملہ اور باتوں کے درج ذیل شامل ہیں:

سڑک رابطہ:حکومت نے خطے کے اندر رابطے کی بہتری کے لیے مخصوص پہل کی ہے۔ یہ پہل ایس اے آر ڈی پی-شمال مشرق، بھرت مالا-I وغیرہ  جیسے پروگراموں کے ذریعہ كی گئی ہے اور  باقی ہندوستان کے ساتھ ایسا مشرقی مغربی کوریڈور پروگرام کے ذریعے  كیا گیا ہے ۔

2025-2024 کے دوران مئی 2024 تک، شمال مشرقی ریاستوں میں کل 78 کلومیٹر طویل قومی شاہراہ سڑکیں تعمیر کی گئی ہیں۔2025-2024 کے دوران جون، 2024 تک شمال مشرقی ریاستوں میں قومی شاہراہوں پر پر کل 2,859.00 کروڑ روپے  خرچ کیے گئے ہیں۔

ہوائی رابطہ:ہوائی اڈوں کی تعداد 2013 میں 9 کے مقابلے 2023 تک بڑھ کر 17 ہو گئی ہے۔ پچھلے 10 سالوں میں ٹریفک کی نقل و حرکت میں بھی 113 فیصد اضافہ ہوا ہے۔ شہری ہوابازی کی وزارت کی اُڑان اسکیم کے تحت، شمال مشرقی ریاستوں میں 194 درست فکسڈ ونگ اور ہیلی کاپٹر روٹس دیئے گئے ہیں جو سیاحوں، سرمایہ کاروں کو راغب کرنے اور کاروبار کرنے میں آسانی پیدا کرنے میں مدد کریں گے۔

ریل رابطہ:شمال مشرقی ریاستوں کے اندر اور ہندوستان کے باقی حصوں کے ساتھ ریل رابطے کو بہتر بنانے کے لیے  ریلوے بنیادی ڈھانچے کے  18 منصوبے (13 نئے لائن، 05 ڈبل)، جن کی کل لمبائی 1,368 کلومیٹر ہے اور لاگت 74,972 کروڑ روپے ہے۔ یہ شمال مشرقی خطے میں مکمل/جزوی طور پر  منصوبہ بندی/منظوری/تعمیراتی مراحل میں ہیں۔  313 کلومیٹر کی لمبائی کا کام شروع ہو چکا ہے اور مارچ 2024 تک 40,549 کروڑ روپے خرچ ہو چکے ہیں۔

آبی گزرگاہ سے رابطہ:بندرگاہوں، جہاز رانی اور آبی گزرگاہوں کی وزارت  نے اپنے ساگرمالا پروگرام کے تحت شمال مشرقی ریاستوں کی ترقی کے لیے 1,000 کروڑ روپے سے زیادہ کے منصوبے شروع کیے ہیں۔ شمال مشرقی خطے  میں کل 20 آبی گزرگاہیں کام کر رہی ہیں جن میں پچھلے 10 سالوں میں 19 کا اضافہ ہوا ہے۔ آسام میں کوروا، بہاری، دھوبری، گیجن، گھگور اور ماتمورا میں 310 کروڑ روپے کے 6 فیری ٹرمینلز کی ترقی سے مسافروں کے نقل و حمل کی ضروریات پوری ہوں گی اور نقل و حمل کی موجودہ رکاوٹوں کو کم کیا جائے گا۔ ان لینڈ واٹر ٹرانزٹ اینڈ ٹریڈ  پر انڈو-بنگلہ دیش پروٹوکول کے تحت، آبی گزرگاہوں کی تعداد 8 سے بڑھا کر 10 کر دی گئی ہے اور ہر ملک میں کال کی گیارہ پورٹس اور کال کی دو توسیعی بندرگاہوں کا اعلان کیا گیا ہے۔ مالی سال 2024-2023 میں تقریباً 4.7 ملین ٹن کارگو آءی بی پی روٹ پر منتقل ہوا۔

اس کے علاوہ، شمال مشرقی خطہ کی ترقی کی وزارت مختلف اسکیموں/پیکیجوں کو نافذ کر رہی ہے۔ ان كے نام نارتھ ایسٹ اسپیشل انفراسٹرکچر ڈیولپمنٹ اسکیم-سڑکیں، آسام کے خصوصی پیکیجز [بوڈولینڈ ٹیریٹوریل کونسل، دیما ہاساو خود مختار علاقائی کونسل اور کاربی اینگلونگ خود مختار علاقائی کونسل  اور این ای سی  (شمالی) کی اسکیمیں مشرقی کونسل ہیں۔ یہ شمال مشرقی خطے کی ترقی کے لیے جس کے تحت سڑک اور ٹرانسپورٹ کے منصوبے منظور کیے گئے ہیں۔ان ترقیاتی اسکیموں/پیکیجز کے تحت آغاز سے لے کر اب تک 23,240.78 کروڑ روپے کے 1,980 پروجیکٹوں کو منظوری دی گئی ہے جن میں کنیکٹیویٹی پروجیکٹ بھی شامل ہیں۔

یہ معلومات شمال مشرقی خطے کی ترقی کے وزیر مملکت جناب ڈاکٹر سکانتا مجمدار نے آج لوک سبھا میں ایک سوال کے تحریری جواب میں فراہم كیں۔

******

U.No:8668

ش ح۔رف۔س ا