وزارت ماہی پروری، مویشی پروری و ڈیری
مویشی پروری اور ڈیری کے محکمہ نے گجرات اور راجستھان کے ریاستی اور ضلعی نوڈل افسروں کو سافٹ ویئر اور نسلوں پر 21ویں مویشیوں کی مردم شماری کی علاقائی تربیت کا انعقاد کیا
جناب راگھو جی بھائی پٹیل نے ہندوستان کی معیشت اور غذائی تحفظ میں مویشیوں کے شعبے کے اہم رول پر زور دیا
Posted On:
23 JUL 2024 4:02PM by PIB Delhi
حکومت ہند کی ماہی پروری ، مویشی پروری اور ڈیری کی وزارت کے مویشی پروری اور ڈیری کے محکمہ (ڈی اے ایچ ڈی)، نےریاست گجرات کے ساتھ مل کر 21 ویں لائیو اسٹاک مردم شماری سافٹ ویئر (موبائل اور ویب ایپلیکیشن/ڈیش بورڈ) پر ایک علاقائی تربیتی ورکشاپ کا انعقاد کیا۔ ریاستی اور ضلعی نوڈل افسروں کے لیے اور نسلیں (ایس این او/ڈی این او ) ورکشاپ آج گجرات کے گاندھی نگر میں منعقد ہوئی، جس کا مقصد گجرات اور راجستھان کی ریاستوں کے ریاستی اور ضلعی نوڈل افسروں کو ستمبر سے دسمبر 2024 کے دوران آنے والے 21 ویں لائیوا سٹاک طے شدہ مردم شماری کے لیے نئی لانچ کردہ موبائل اور ویب ایپلیکیشنز پر تربیت دینا تھا۔
گجرات سرکار کے زراعت اور کسانوں کی بہبود اور تعاون کے محکمے کے وزیرجناب راگھو جی بھائی پٹیل نے اس تقریب کا افتتاح ، گجرات سرکار کے مویشی پروری ، گائے کی افزائش، ماہی پروری اور تعاون کے سکریٹری جناب سندیپ کمار، حکومت ہند کے ڈی اے ایچ ڈی کے مشیر جناب جگت ہزاریکا، آئی سی اے آر-این بی اے جی آر کے ڈائرکٹر ڈاکٹر بی پی مشرا، ماہی گیری ، مویشی پروری اور ڈیری کی وزارت میں ڈائرکٹر (شماریات) ڈاکٹر وی پی سنگھ، گجرات سرکار میں مویشی پروری کے ڈائریکٹر ڈاکٹر فالگنی ایس ٹھاکر کی موجودگی میں کیا۔ ان سرکردہ معززین کے خطابات نے مویشیوں کی مردم شماری کے لیے ضلع اور ریاستی سطح کے نوڈل افسروں کی کامیاب تربیت کے لیے ایک باہمی تعاون کی بنیاد رکھی۔
جناب راگھو جی بھائی پٹیل نے نچلی سطح پر جامع تربیت اور صلاحیت سازی کی اہمیت کو اجاگر کیا۔ انہوں نے ہندوستان کی معیشت اور خوراک کے تحفظ میں مویشیوں کے شعبے کے اہم کردار پر زور دیا نیز مردم شماری کی پیچیدہ منصوبہ بندی اور اس پر عمل درآمد کرنے پر زور دیا۔ جمع کردہ اعداد و شمار مستقبل کے اقدامات اور شعبے کے اندر درپیش چیلنجوں سے نمٹنے پر نمایاں طور پر اثر انداز ہوں گے۔
جناب سندیپ کمار نے لائیوسٹاک کے شعبے کے اندر پائیدار طریقوں کے انضمام پر زور دیا۔ انہوں نے کہا کہ مویشیوں کی مردم شماری کے اعداد و شمار، مستقبل کی پالیسیوں، پروگراموں اور نئی اسکیموں کے لیے راہ ہموار کریں گے، جس سے روزگار کے مواقع پیدا ہوں گے اور مویشی پالنے والے کسانوں کو فائدہ ہوگا۔
ڈاکٹر بی پی مشرا نے نسل کی درست شناخت کی اہمیت پر روشنی ڈالی، جو کہ مویشیوں کے شعبے کے مختلف پروگراموں اور پائیدار ترقی کے اہداف (ایس ڈی جی) کے قومی اشارے کے لائحہ عمل (این آئی ایف) کے لیے درست اعدادوشمار تیار کرنے کے لیے اہم ہے۔ انہوں نے مردم شماری میں شامل انواع کی نسل کی تفصیلات کے بارے میں تفصیلی پریزنٹیشن فراہم کی۔
جناب جگت ہزاریکا نے 21ویں مویشیوں کی مردم شماری کی کامیابی کو یقینی بنانے کے لیے تمام متعلقہ فریقوں کی ذمہ داری پر زور دیا۔ انہوں نے درست اور موثر اعداد وشمار اکٹھا کرنے کے لیے ٹیکنالوجی سے فائدہ اٹھانے کے لیے محکمے کے عزم کو اجاگر کیا۔
ورکشاپ میں ڈی اے ایچ ڈی کی سافٹ ویئر ٹیم کے ذریعہ 21 ویں لائیوا سٹاک مردم شماری سافٹ ویئر کے طریقہ کار اور لائیو اطلاق پر تفصیلی اجلاس شامل تھے۔ ریاستی اور ضلعی نوڈل افسروں کو موبائل ایپلیکیشن اور ڈیش بورڈ سافٹ ویئر پر تربیت دی گئی، ان کو ان کے متعلقہ ضلع ہیڈکوارٹر میں شمار کنندگان کو تربیت دینے کے لیے لیس کیا گیا۔
************
ش ح۔ ا ع ۔ م ص
(U: 8609 )
(Release ID: 2035915)
Visitor Counter : 9