پنشن اور پنشن یافتگان کی بہبود کے محکمے (ڈی او پی پی ڈبلیو ) نے جموں وکشمیر میں تعینات مرکزی حکومت کے ملازمین کے فائدے کے لئے 54 ویں پری ریٹارمنٹ کونسلنگ (پی آر سی) کا اہتمام کیا جو اگلے نو مہینوں میں سبکدوش ہونے والے ہیں یہ پروگرام اسٹیٹ کنونشن سنٹر جموں میں انیس جولائی 2024 کو ہوا۔ پروگرام میں پی جی اینڈ پنشن کے مرکزی وزیر مملکت ڈاکٹر جتیندر سنگھ نے بہ نفس نفیس شرکت کی۔

پنشن اور پنشن یافتگان کی بہبود کا محکمہ اچھی گورننس کے حصے کے طور پر ملک بھر میں ریٹائرمنٹ سے قبل کے صلاح ومشورے (پی آر سی) کے پروگرام کررہا ہے تاکہ جو ملازمین ریٹائر ہونے والے ہیں ان کو فائدہ پہنچایا جاسکے۔ اس طرح کی 54 ویں ورکشاپ مرکزی حکومت کے ملازمین کے لئے منعقد کی گئی جس کا مقصد ان کی زندگی میں آسانی لانا تھا۔

مرکزی وزیر ڈاکٹر جتیندر سنگھ نے شرکاء سے خطاب کیا اور مطلع کیا کہ حکومت کے شہریوں پر مرکوز نظریئے کے تحت محکمے نے مختلف طرح کے اقدامات کئے ہیں۔ ویژن 2047 میں تمام فریقوں کے رول کا اعتراف کیا جارہا ہے  جن میں وضیفہ یاب افراد اور سینئر سٹیزن بھی شامل ہیں۔

ریٹائر ہونے والے ملازمین کی آسانی کے لئے بھوشیہ پورٹل، پنشنرز پورٹل، ریٹائرمنٹ کے فائدوں، فیملی پنشن، سی جی ایچ ایس طرزر، انکم ٹیکس ضابطوں، انوبھو، ڈیجیٹل لائف سرٹیفکیٹ، سرمایہ کاری کے طریقوں اور مواقع وغیرہ پر الگ الگ سیشن کئے گئے۔

اگلے نو مہینوں میں ریٹائر ہونے والے 340 سے زیادہ ملازمین نے اس پری ریٹائرمنٹ کونسلنگ ورکشاپ سے خاطر خواہ فائدہ حاصل کیا۔ محکمہ حکومت کے اس جانب کئے جانے والے اقدامات سے ریٹائرمنٹ والے ملازمین کو باخبر رکھنے کے اقدامات کررہا ہے تاکہ ریٹائرمنٹ کے بعد انھیں تمام فائدے بہ آسانی حاصل ہوسکیں۔

******

U.No:8505

ش ح۔رف۔س ا