ত্রাইবল এফিয়র্স মন্ত্রালয়না শিন্দুনা স্কীমশিংগী খুমাং চাউশিনবা অদু য়েংশিন্নবা অমসুং ভিজন ২০৪৭ আমসুং নুমিৎ ১০০গী এক্সন প্লানগী মতাংদা মীয়ামদা খঙহন্নবগীদমক্তা জুলাই ১৮-১৯ ফাওবা নই দিল্লীদা মন্ত্রালয় অদুদা নুমিৎ নিনিগী ওইবা মান্থন শিবির অমা পাংথোকখ্রে।

প্রিন্সিপাল সেক্রেতরীশিং, সেক্রেতরীশিং, দাইরেক্তরশিং অমসুং স্তেত ত্রাইবল ৱেলফিয়র দিপার্তমেন্তশিংগী ওফিসিয়েলশিংদা মহাক্কী অহৌবগী ৱাহৌদোক্তা, সেক্রেতরী (টআইবল এফিয়র্স), শ্রী বিভু নায়রনা ত্রাইবল দেবেলপমেন্তকী য়াম্না মরু ওইবা হিরম মরি- হেল্থ, লাইবলিহুদ, এজুকেশন অমসুং ফোরেস্ত রাইতশিংদা ময়োক্নরিবা শিংবশিং অদুবু কোকহনবা অমসুং ভিজন ২০৪৭গীদমক্তা পোরম অমা য়াৎপা হায়বসি য়াম্নমক তঙাইফদবনি হায়না হায়খি।

মান্থন শীবিরগী শরুক অমা ওইনা ফোরেস্ত রাইতস এক্ত, লাইবলিহুদ, স্কোলারশীপ, PM JANMAN, EMRS, হেল্থ অমসুং TRI প্রোজেক্তশিংগী মতাংদা থিমেতিক ৱার্কশোপশিং পাংথোকখি। মদুদা শরুক য়ারিবশিং অদুনা য়াম্না লিংবা মেকানিজম অমা শেম্নবা অমসুং লৈরিবা স্কীমশিংগী থবক পাইখৎপদা অপনবা লৈরিবশিং অদুবু কোকহন্নবা পাম্বৈশীংগী মতাংদা খন্ন-নৈনখি।

শরুক য়ারিবশিং অদুনা স্কোলারশিপ স্কীমশিংবু অমত্তা ওইনা পুনশিন্নবগী পাম্বৈশিংগী মতাংদা খন্নখি অমসুং নমথাক তৌবা থিংনবগী পাম্বৈ অমা ওইনা বায়ো-ওথেন্তিকেশনগী মতাংদশু খন্নখি। মখৌয়না ক্লেমশিং পন্থদুনা লৈরিবশীং অদুবু য়েংশিন্নবা, এরিয়া মেপশিং শেম্নবা, অমসুং ত্রাইবলশিংগী মরক্তা এনত্রপ্রেনরশিপকী ৱাখল্লোন ফাওহন্নবগী লম্বিশিং, পাম্বৈশিংগী মতাংদা খন্নখি। তমজনিংঙাই ওইবা কেসশিংদগী খ্বাইদগী হেন্না ফজবা অমসুং অফবা চৎনবীশিং অদুবু মখোয়না খন্ন-নৈরিবা অদুদা খুদম চাংদম ওইনশু উৎখি।

২শুবা নুমিত্তা, শরুক য়ারিবশিং অদুনা PM JANMAN স্কীমবু করম্না হেন্না ফগৎহনগনি, EMRS স্কুলগী ওজাশিংগী ত্রেনিংগীদমক্তা এক্সন প্লান করম্না শেমগনি, অমসুং নেস্নেল, স্তেত অমসুং গ্রাসসরুত লেভেলদা সিক্কল সেল দিজীজকী মতাংদা ময়োক য়াবা ঙমগদবা মওংদা মীয়ামদা করম্না খঙহনগনি হায়বগী মতাংদা অমসুং মসিগা লোইন-লোইননা মন্ত্রালয়শিংনা থৌরাং তৌরিবা অতোপ্পা অনৌবা থৌরাংশিংগী মতাংদা কোক চুংশিন্নখি। খন্ন-নৈনবা অদুগী অতোপ্পা মরু ওইবা ৱাফমশিং অদুদি:

• MPC, বন্ধন কেনদ্র অমসুং মোদেল ভিলেজশিংদা অখন্নবা মিৎয়েং থমদুনা PM JANMAN বু হেন্না খুমাং চাউশিলহনবা
• PM গতিশক্তি পোর্তলগী প্রোগ্রেস ত্রেকিং তৌবা অমসুং CSC হাউসহোল্দ সর্ভেগীদমক্তা গ্রাসরুত লেভেল সপোর্ততা ফিজিকেল ভেরিফিকেশন তৌবা অমসুং মতেং পাংবা।
• PM  গতিশক্তি পোর্তলদা DC/DMনা দেতা ভেলিদেশন তৌবা অমসুং PS (TWD)না অয়াবা পীবা
• MPC কনস্ত্রক্সনগী থবকশিং য়াম্না য়াংনা পাইখৎপা অমসুং  শাবা লোইখ্রবা MPCশিংগী শঙ্গাবা
• DC/DMনা পব্লিক এপশিং ইনস্তোল তৌবা অমসুং হাইপরলোকলগী থাক্তা কন্তেন্তশিং অদুবু থাগৎপা
• PM JANMAN2/হোমস্তেগী মখাদা অনৌবা থৌরাংশিং প্লান তৌবা
• আশ্রম স্কুলশিংবু হেন্না ফগৎহনবা

BISAG (ভাস্করাচার্য়া নেস্নেল ইনস্তিত্যুত ফোর স্পেস এপ্লিকেশন এন্দ জিয়ো-ইনফোর্মেতিক্স)তগী লাকপা মীহুৎশিং অদুনা PM JANMAN অমসুং মরি লৈনবা কান্নবশিংগী মখাদা স্কীমগী কান্নবশিং অদুবু য়ুম অমগী মীপুম খুদিংমক্না ফংবা ঙমহন্নবগীদমক্তা য়ুমথোং খুদিংগী তৌবা সর্ভেদা য়ুমগী দেতা অদুবু লৌবা ঙম্নবগী মোবাইল এপ্লিকেশন করম্না শিজিন্নগনি হায়বগী মতাংদা খঙহনখি।

নুমিৎ খুদিংগী থৌরম অদু লোইশিল্লকপদা প্লেনরী সেসনশিং পাংথোকখি, মসিদা থিমেতিক ৱার্কশোপশিংদা ফংলকপা অনৌবা ৱাখল্লোনশিং অদুবু পুনশিন্দুনা ময়াম পুন্না খন্ন-নৈনখি। শরুক য়ারিবশিং অদুনা দেতা কলেক্সনগী এফিসিয়েন্সী হেনগৎহনবগী মতাংদা, রিসোর্সশিং করম্না নিংথিজনা শিজিন্নগনি হায়বগী মতাংদা অমসুং ফংবা পাম্লিবা পান্দমশিং অদুবু ফংনবা রাজ্যগী দিপার্তমেন্তশীং অমসুং NGOশিংগা করম্না খুৎশম্নদুনা থবক তৌগনি হায়বগী মতাংদা তমজনিংঙাই অমসুং মীয়ামদা খঙহন্নিংঙাই য়াম্না লৈখি।

*****